पीएम्इंडिया
नवी दिल्ली, 15 जून 2026
पंतप्रधान नरेंद्र मोदी यांनी स्लोव्हाकियाचे पंतप्रधान माननीय रॉबर्ट फिको यांच्यासमवेत, स्लोव्हाकियामधील रेल्वे, संरक्षण, वाहन उद्योग, ऊर्जा, माहिती तंत्रज्ञान (आयटी) आणि आरोग्यसेवा यांसारख्या विविध क्षेत्रांतील आघाडीचे व्यावसायिक आणि उद्योजकांशी संवाद साधला.
पंतप्रधानांनी भारत आणि स्लोव्हाकियातील वाढत्या परस्पर व्यावसायिक संबंधांची प्रशंसा केली. व्यवसाय सुलभतेला (‘ईझ ऑफ डुइंग बिझनेस’) चालना देण्यासाठी आणि पारदर्शक, स्थिर आणि गुंतवणूकदारांसाठी अनुकूल आर्थिक वातावरण निर्माण व्हावे यासाठी भारताने अलीकडच्या काही वर्षात केलेल्या महत्त्वपूर्ण सुधारणा आणि धोरणात्मक उपक्रमांवर त्यांनी प्रकाश टाकला. भारतातील वाढत्या संधींचा, विशेषतः पायाभूत सुविधा, संरक्षण, नवीकरणीय ऊर्जा, डिजिटल नवोन्मेष, सेमीकंडक्टर्स, कृत्रिम बुद्धिमत्ता (एआय) आणि आरोग्यसेवा या क्षेत्रांमधील संधींचा लाभ घेण्याचेही त्यांनी स्लोव्हाक कंपन्यांना आवाहन केले.
‘विकसित भारत’चे ध्येय साध्य करण्याच्या दिशेने भारतात केलेल्या सुधारणांचे उद्योग क्षेत्रातील अग्रणींनी स्वागत करत भारताच्या आर्थिक वाटचालीबद्दल विश्वास व्यक्त केला. वाढीव गुंतवणूक, तंत्रज्ञानविषयक भागीदारी आणि भारतीय कंपन्यांसोबतच्या संयुक्त उपक्रमांद्वारे भारतात आपल्या व्यवसायाचा विस्तार करण्याबाबतची उत्सुकता त्यांनी प्रकट केली. भारत-युरोपियन युनियन मुक्त व्यापार कराराच्या (एफटीए) पूर्णत्वास आल्याचे त्यांनी स्वागत केले तसेच या कराराच्या अंमलबजावणीमुळे व्यवसायाच्या नवीन संधी उपलब्ध होतील, असेही नमूद केले. या भेटीवेळी पुढील मुख्य कार्यकारी अधिकारी (सीईओ) आणि आघाडीचे उद्योजक उपस्थित होते.
* * *
नाना मेश्राम/मंजिरी गानू/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai@gmail.com [ 
0KB ] 
/PIBMumbai 
/pibmumbai
PM @narendramodi interacted with leading Slovak business leaders in Bratislava in the presence of PM @RobertFicoSVK.
— PMO India (@PMOIndia) June 15, 2026
The discussions focused on strengthening economic ties, increasing investments and expanding cooperation in technology, manufacturing, innovation and other… pic.twitter.com/3SCLc7nxjH
This afternoon in Bratislava, Prime Minister Robert Fico hosted an interaction with prominent Slovak business leaders.
— Narendra Modi (@narendramodi) June 15, 2026
Had insightful discussions on strengthening economic ties, boosting investment flows and expanding collaboration in innovation, technology, manufacturing and… pic.twitter.com/fzKdCdjFI4
