पीएम्इंडिया

नवी दिल्ली, 15 जानेवारी 2026

पंतप्रधान नरेंद्र मोदी यांनी आज एक लेख सामायिक केला. या लेखात भारत आपली मजबूत डिजिटल सार्वजनिक पायाभूत सुविधा राष्ट्रकुल समुदायासोबत सामायिक करण्यास कसा सज्ज आहे,  यावर प्रकाश टाकण्यात आला आहे.

भारतामध्‍ये  राष्ट्रकुल देशांचे सभापती आणि पीठासीन अधिकाऱ्यांच्या 28व्या परिषदेचे (सीएसपीओसी) आयोजन केले जात  असताना, लोकसभा अध्यक्ष ओम बिर्ला यांनी ‘वसुधैव कुटुंबकम’– म्हणजेच “संपूर्ण जग एक कुटुंब आहे.” या कालातीत मूल्याविषयी देशाच्या वचनबद्धतेवर भर दिला.  

एक्स या समाज माध्यमावरील लोकसभा सचिवालयाच्या हँडलच्या एका पोस्टला उत्तर देताना, पंतप्रधान कार्यालयाच्या  हँडलने म्हटले आहे:

“भारत 28व्या ‘सीएसपीओसी’चे आयोजन करत असताना, माननीय @loksabhaspeaker  @ombirlakota यांनी यावर भर दिला आहे की, वसुधैव कुटुंबकमच्या भावनेने, देश आपली डिजिटल सार्वजनिक पायाभूत सुविधा राष्ट्रकुलसोबत सामायिक करण्यास सज्ज आहे.

भारत तंत्रज्ञानाकडे कोणतीही खाजगी मालमत्ता म्हणून पाहत नाही, तर एक सार्वजनिक संपत्ती म्हणून पाहतो. या संपत्तीमुळे  जगभरातील लोकशाहीला  स्थैर्य प्राप्त होईल, असेही त्यांनी लिहिले आहे. 

As India hosts the 28th CSPOC, Honourable @loksabhaspeaker Shri @ombirlakota underscores that, in the spirit of Vasudhaiva Kutumbakam, the country stands ready to share its digital public infrastructure with the Commonwealth.

He writes that India does not see technology as a… https://t.co/Y9q2vo5Uic

— PMO India (@PMOIndia) January 15, 2026

सुवर्णा बेडेकर/श्रद्धा मुखेडकर /प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai