ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਕੇਂਦਰੀ ਮੰਤਰੀ ਮੰਡਲ ਨੂੰ ਭਾਰਤ ਅਤੇ ਬ੍ਰਿਟੇਨ ਅਤੇ ਉੱਤਰੀ ਆਇਰਲੈਂਡ ਦਰਮਿਆਨ ਪਸ਼ੂ-ਪਾਲਣ, ਡੇਰੀ ਉਦਯੋਗ ਅਤੇ ਮੱਛੀ ਪਾਲਣ ਦੇ ਖੇਤਰਾਂ ਵਿੱਚ ਸਹਿਯੋਗ ਲਈ ਕੀਤੇ ਸਹਿਮਤੀ ਪੱਤਰ ਤੋਂ ਜਾਣੂ ਕਰਾਇਆ ਗਿਆ। ਸਹਿਮਤੀ ਪੱਤਰ ‘ਤੇ 17.04.2018 ਨੂੰ ਹਸਤਾਖ਼ਰ ਹੋਏ ਸਨ।

ਸਹਿਮਤੀ ਪੱਤਰ ਦਾ ਉਦੇਸ਼  ਭਾਰਤੀ ਪਸ਼ੂ-ਧਨ ਅਤੇ ਮੱਛੀ-ਪਾਲਣ ਦੇ ਉਤਪਾਦਨ ਅਤੇ ਉਤਪਾਦਿਕਤਾ ਨੂੰ ਵਧਾਉਣ ਦੇ ਉਦੇਸ਼ ਨਾਲ ਪਸ਼ੂ-ਪਾਲਣ,  ਡੇਰੀ ਉਦਯੋਗ ਅਤੇ ਮੱਛੀ-ਪਾਲਣ ਦੇ ਖੇਤਰਾਂ ਵਿੱਚ ਦੁਵੱਲੇ ਸਹਿਯੋਗ ਵਿਕਸਿਤ ਕਰਨਾ ਹੈ।

ਪ੍ਰਭਾਵ:

ਇਸ ਸਾਂਝੇਦਾਰੀ ਨਾਲ ਘਰੇਲੂ ਉਦਯੋਗ ਅਤੇ ਨਿਰਯਾਤ ਲਈ ਡੇਅਰੀ,  ਮੱਛੀ ਪਾਲਣ ਅਤੇ ਪਸ਼ੂ ਉਤਪਾਦਾਂ ਨੂੰ ਵਧਾ ਕੇ ਪਸ਼ੂਆਂ ਦੀ ਸਿਹਤ,  ਉਨ੍ਹਾਂ  ਦੇ  ਪਾਲਣ-ਪੋਸ਼ਣ ਅਤੇ ਮੱਛੀ-ਪਾਲਣ ਦੇ ਖੇਤਰ ਵਿੱਚ ਸੁਧਾਰ ਦੀ ਉਂਮੀਦ ਹੈ। ਸਹਿਮਤੀ ਪੱਤਰ ਪਸ਼ੂ-ਪਾਲਣ,  ਮੱਛੀ-ਪਾਲਣ ਅਤੇ ਡੇਰੀ ਉਦਯੋਗ ‘ਤੇ ਸਲਾਹ-ਮਸ਼ਵਰੇ ਅਤੇ ਸਹਿਯੋਗ ਨੂੰ ਹੇਠ ਲਿਖਿਆਂ ਰਾਹੀਂ ਉਤਸ਼ਾਹਿਤ ਕਰੇਗਾ।

• ਪਸ਼ੂ-ਪਾਲਣ,  ਮੱਛੀ-ਪਾਲਣ ਅਤੇ ਸੰਬਧਤ ਮਾਮਲਿਆਂ ਵਿੱਚ ਆਪਸੀ ਹਿਤ ਨਾਲ ਜੁਡ਼ੇ ਮਾਮਲੇ

• ਪਸ਼ੂਆਂ ਦੀ ਸਿਹਤ ਅਤੇ ਪਸ਼ੂ-ਪਾਲਣ,  ਉਤਪਾਦਨ ,  ਡੇਅਰੀ ਅਤੇ ਮੱਛੀ-ਪਾਲਣ ਵਿੱਚ ਸਹਿਯੋਗ

• ਪਸ਼ੂਆਂ ਦੀ ਉਤਪਾਦਿਕਤਾ ਅਤੇ ਉਤਪਾਦਨ ਵਧਾਉਣ ਲਈ ਕਮੀ ਵਾਲੇ ਖੇਤਰਾਂ ਵਿੱਚ ਖ਼ਰਾਕ ਅਤੇ ਚਾਰੇ ਨੂੰ ਪੋਸ਼ਣ ਪੱਖੋਂ ਵਧੀਆ ਬਣਾਉਣ ਅਤੇ ਉਸਦੀ ਵੱਡੀ ਮਾਤਰਾ ਵਿੱਚ ਟਰਾਂਸਪੋਰਟੇਸ਼ਨ ਪ੍ਰਬੰਧ ਅਤੇ ਵਿਵਸਥਾ

• ਪਸ਼ੂਧਨ, ਪਸ਼ੂ-ਪਾਲਣ ਅਤੇ ਪਸ਼ੂ ਉਤ‍ਪਾਦਾਂ  ਦੇ ਵ‍ਪਾਰ ਨਾਲ ਜੁਡ਼ੇ ਮਾਮਲਿਆਂ ਵਿੱਚ ਸ‍ਵੱਛਤਾ

• ਪਸ਼ੂਆਂ  ਦੇ ਚਾਰੇ ਦੀਆਂ ਫ਼ਸਲਾਂ ਦੇ ਨਾਲ ਹਾਈ ਟੈਕ ਚਾਰੇ ਦੇ ਪੌਦਿਆਂ ਦੀਆਂ ਪ੍ਰਜਾਤੀਆਂ ਦੀਆਂ ਨਰਸਰੀਆਂ ਵਿਕਸਿਤ ਕਰਨਾ ਅਤੇ ਔੜ ਵਾਲੇ ਖੇਤਰਾਂ ਵਿੱਚ ਨਮੀ ਵਾਲੀ ਮਿੱਟੀ ਦੀ ਸਾਂਭ-ਸੰਭਾਲ ਸਹਿਤ ਏਕੀਕ੍ਰਿਤ ਖੇਤੀਬਾੜੀ ਪ੍ਰਣਾਲੀ  ਦੇ ਤਹਿਤ ਚਾਰੇ ਵਾਲੇ ਪੌਦਿਆਂ ਦੀਆਂ ਪ੍ਰਜਾਤੀਆਂ  ਦੇ ਪੌਦੇ ਲਗਾਉਣ ਲਈ ਖੇਤੀਬਾੜੀ ਵਣਾਂ ਨੂੰ ਪ੍ਰੋਤਸਾਹਿਤ ਕਰਨਾ।

• ਸਟੱਡੀ ਟੂਰ/ ਆਪਸੀ ਸਹਿਮਤੀ ਵਾਲੇ ਖੇਤਰਾਂ ਵਿੱਚ ਸਿਖਲਾਈ ਲਈ ਵਿਗਿਆਨੀਆਂ ਦੇ ਆਦਾਨ-ਪ੍ਰਦਾਨ ਦੇ ਖੇਤਰ

• ਸੂਚਨਾ ਅਤੇ ਸੰਚਾਰ ਟੈਕਨੋਲੋਜੀ  ( ਆਈਸੀਟੀ )   ਦੇ ਇਸ‍ਤੇਮਾਲ ਸਹਿਤ ਅਖੁੱਟ ਖੇਤੀਬਾੜੀ ਵਿਸਤਾਰ ਦ੍ਰਿਸ਼ਟੀਕੋਣ ਦੇ ਸੰਬਧ ਵਿੱਚ ਵੱਖ-ਵੱਖ ਵਿਸ਼ਿਆਂ ਦੀ ਜਾਣਕਾਰੀ ਲਈ ਸੰਯੁਕ‍ਤ ਖੋਜ ਲਈ ਸਹਿਯੋਗ

• ਸੰਯੁਕਤ ਹਿੱਤ ਵਾਲਾ ਹੋਰ ਕੋਈ ਵੀ ਮੁੱਦਾ
• ਹਰੇਕ ਧਿਰ ਦੇ ਪ੍ਰਤੀਨਿਧੀਆਂ ਨੂੰ ਮਿਲਾਕੇ ਇੱਕ ਸੰਯੁਕ‍ਤ ਕਾਰਜ ਦਲ ਗਠਿਤ ਕੀਤਾ ਜਾ ਸਕਦਾ ਹੈ ਤਾਂਕਿ ਸੰਯੁਕ‍ਤ ਪ੍ਰੋਗਰਾਮ ਬਣਾਏ ਜਾ ਸਕਣ ਅਤੇ ਸਹਿਯੋਗ ਅਤੇ ਸਲਾਹ-ਮਸ਼ਵਰਾ ਕੀਤਾ ਜਾ ਸਕੇ।

***************

ਏਕੇਟੀ/ਐੱਸਐੱਨਸੀ