పిఎంఇండియా

ప్రధాన మంత్రి శ్రీ నరేంద్ర మోదీ అధ్యక్షతన సమావేశమైన కేంద్ర మంత్రివర్గం ఆరోగ్యం మరియు వైద్య రంగంలో సహకారానికి గాను భారతదేశానికి, పాలస్తీనా కు మధ్య ఒక అవగాహన పూర్వక ఒప్పందం (ఎమ్ఒయు)పై జరిగిన సంతకాలకు ఎక్స్-పోస్ట్ ఫ్యాక్టో ఆమోదం తెలిపింది. ఈ ఎమ్ఒయు పై 2017 మే 16వ తేదీన సంతకాలయ్యాయి.

ఈ కింద పేర్కొన్న రంగాలలో ఉభయ దేశాల మధ్య సహకారం ఎమ్ఒయు పరిధిలోకి రానుంది:

i) ఆరోగ్య సిబ్బంది యొక్క కెపాసిటీ బిల్డింగ్;

ii) తేలికగా సంక్రమించగల వ్యాధుల నివారణ మరియు నియంత్రణ;

iii) భౌతిక చికిత్స మరియు పునరావాసం;

iv) మందులు, ఔషధనిర్మాణ సంబంధితమైన మరియు వైద్య సంబంధ సామాగ్రి; ఇంకా

v) పరస్పర ప్రయోజనం ముడిపడివుండే మరేదైనా రంగం.

ఈ ఎమ్ఒయు అమలును పర్యవేక్షించడానికి మరియు ద్వైపాక్షిక సహకారం తాలూకు వివరాలను మరింతగా విస్తృతపరచడానికి ఒక వర్కింగ్ గ్రూపు ను ఏర్పాటు చేస్తారు.