పిఎంఇండియా

ఇండియన్ ఇన్ఫర్మేషన్ సర్వీస్ (ఐఐఎస్) గ్రూప్ ‘ఎ’ పునర్ నిర్మాణానికి మంత్రిమండలి ఆమోదం తెలిపింది. కేంద్ర మంత్రివర్గ సమావేశానికి ప్రధాన మంత్రి శ్రీ నరేంద్ర మోదీ అధ్యక్షత వహించారు.

ఈ పునర్ నిర్మాణంలో భాగంగా అగ్ర స్థాయిలో రెండు పదవులను, హయ్యర్ అడ్మినిస్ట్రేటివ్ గ్రేడ్ లో 5 పదవులను, సీనియర్ అడ్మినిస్ట్రేటివ్ గ్రేడ్ స్థాయి లో 19 పదవులను జోడిస్తారు. ఇతర స్థాయిలలో ఇదే మాదిరిగా తగ్గింపులు కూడా చోటు చేసుకొంటాయి. ఐఐఎస్ కాడర్ లో ప్రస్తుతం నెలకొన్న స్తబ్ధత సమస్యను ఈ పునర్ నిర్మాణం పరిష్కరించగలుగుతుంది. అలాగే, ఐఐఎస్ అధికారులకు వృత్తిపరమైన అవకాశాలను మెరుగుపరచగలుగుతుంది కూడా. ప్రభుత్వంలోని కమ్యూనికేషన్, ప్రసార మాధ్యమాల విభాగాలు మరింత మెరుగుగా పని చేసేటందుకు ఈ కాడర్ రివ్యూ కసరత్తు బాట పరుస్తుంది.

ప్రభుత్వం చేపడుతున్న ప్రజానుకూల విధానాలను మరింత ఎక్కువ మందికి చేర్చేటందుకు ప్రస్తుతం ప్రయత్నాలు కొనసాగుతున్న నేపథ్యంలోను, కొన్నేళ్ళుగా పుంఖానుపుంఖంగా అమలవుతున్న ప్రజానుకూల విధానాలకు సంబంధించిన సమాచారాన్ని బహుళవ్యాప్తం చేయవలసిన అవసరం ఉన్న తరుణంలోను ఈ కాడర్ రివ్యూ చోటు చేసుకోబోతోంది.