పిఎంఇండియా

పవిత్ర నవ సంవత్సరం (కొత్త సంవత్సరాది) సందర్భంగా ప్రధానమంత్రి శ్రీ నరేంద్ర మోదీ దేశ ప్రజలందరికీ హృదయపూర్వక శుభాకాంక్షలు తెలిపారు. ఈ ఏడాది ఆద్యంతం యావత్‌ ప్రజానీకం సంపూర్ణ సౌభాగ్యంతో వర్ధిల్లాలని, జాతీయ ప్రగతిపై నవ్య నిబద్ధత ఏర్పరచుకోవాలని ఆయన ఆకాంక్షించారు.

ఈ ప్రత్యేక సందర్భంలో ప్రతి ఒక్కరికీ శుభాకాంక్షలు తెలుపుతూ ఈ కొత్త ఏడాది ప్రతి ఒక్కరి జీవితంలో ధైర్యం, ఆత్మవిశ్వాసం నింపి, సేవాభావన ఇనుమడించేలా చూడాలని ప్రధానమంత్రి ఆ దైవాన్ని అర్థించారు. దేశ ప్రగతి దిశగా సమష్టి కృషికి ఈ విలువలు నవ్యోత్తేజం ఇవ్వగలవని శ్రీ మోదీ ఆశాభావం వ్యక్తం చేశారు. పౌరులందరూ ఎనలేని ఆనందం, నిరంతర విజయం, సుదీర్ఘ  ఆయురారోగ్యాలతో విలసిల్లాలని ఆయన ఆకాంక్షించారు.

ఈ మేరకు సామాజిక మాధ్యమం ద్వారా పంపిన సందేశంలో:

“దేశ ప్రజలందరికీ నూతన సంవత్సర శుభాకాంక్షలు. ఈ కొత్త ఏడాది మీ అందరి జీవితాలలో ధైర్యం, ఆత్మవిశ్వాసం నింపాలని, సేవాభావనను మరింత బలోపేతం చేసి, దేశ ప్రగతి దిశగా సమష్టి కృషికి కొత్త ఉత్తేజం కలగాలని ఆకాంక్షిస్తున్నాను” అని ప్రధానమంత్రి పేర్కొన్నారు. అలాగే…

— నరేంద్ర మోదీ, 19 మార్చి 2026

***