పిఎంఇండియా

ప్రధానమంత్రి శ్రీ నరేంద్రమోదీ నాయకత్వంలోని కేంద్ర కేబినెట్ సమావేశంలో 2018 నవంబర్ 3వ తేదీన హరారేలో భారత, జింబాబ్వే మధ్య జియాలజీ, గనులు, ఖనిజ వనరుల విభాగంలో సహకారానికి కుదిరిన ఒప్పందానికి ఆమోదముద్ర  వేసింది.
ప్రధానాంశాలు…  
ఈ దిగువ అంశాల్లో సహకరించుకోవడం ఈ ఒప్పందం లక్ష్యం.
– వనరులు, చట్టాలు, అభివృద్ధి వ్యూహాలపై సమాచార మార్పిడికి సెమినార్ల నిర్వహణ
– సహకారం కోసం అంగీకారానికి వచ్చిన వివిధ సంస్థల మధ్య సాంకేతిక పరిజ్ఞానాల బదిలీ
– విలువ జోడింపునకు ప్రోత్సహించడం
– గనుల రంగంలో పెట్టుబడి అవకాశాల అన్వేషణ
వీటి వల్ల కీలక పత్రాల తయారీ, పంపిణీ తేలికవుతుంది. నవ్యతకు పట్టం కట్టే లక్ష్యం నెరవేరుతుంది.
ప్రయోజనం…
పరస్పర సహకారానికి గుర్తించిన రంగాల్లో భారత, జింబాబ్వే సంస్థాగత యంత్రాంగం ఏర్పాటు చేసుకునేందుకు ఈ ఒప్పందం దోహదకారి అవుతుంది.

*****