పిఎంఇండియా

డిపార్ట్ మెంట్ ఆఫ్ పబ్లిక్ ఎంటర్ ప్రైజెస్ (డి పి ఇ) మార్గ‌ద‌ర్శ‌కాల‌కు అనుగుణంగా భార‌త ఆహార సంస్థ (ఎఫ్ సి ఐ) ఉద్యోగుల‌కు ఉద్యోగ విర‌మ‌ణ ల‌బ్ధికింద పెన్ష‌న్‌తో పాటు పోస్ట్- రిటైర్ మెంట్ మెడికల్ స్కీమ్ ను ప్ర‌వేశ‌పెట్టే ప్రతిపాదనకు మంత్రిమండ‌లి ఆమోదం తెలిపింది. ఈ మేర‌కు ప్ర‌ధాన మంత్రి శ్రీ న‌రేంద్ర మోదీ అధ్య‌క్ష‌త‌న ఈ రోజు జరిగిన కేంద్ర మంత్రివ‌ర్గ స‌మావేశం తన ఆమోదాన్ని తెలిపింది.

ఈ రెండు ప‌థ‌కాల అమ‌లుకు ప్ర‌భుత్వంపై పడే వార్షిక ఆర్థిక భారం.. ఉద్యోగుల ప్ర‌స్తుత జీతాల స్థాయి ప్ర‌కారం.. 134.4 కోట్ల రూపాయ‌ల‌ దాకా ఉంటుంది.

ఎఫ్‌ సి ఐ ఉద్యోగుల‌కు కొత్త పెన్ష‌న్ ప‌థ‌కం ముఖ్యాంశాలు :

1. వర్తింపు – ఉద్యోగులు అందరికీ. భార‌త ఆహార సంస్థ‌లో 1.12.2008 నాటికి వేత‌న‌దారుల ప‌ట్టిక‌లో ఉన్న ఉద్యోగులు (I, II, III మరియు IV కేటగిరీల వారు) అందరితో పాటు ఆ తేదీ తరువాత నియామకం జరిగిన వారికి కూడా ఈ పథకం వ‌ర్తిస్తుంది.

2. అర్హ‌త – మ‌ర‌ణం సంభ‌వించిన సంద‌ర్భాలు మిన‌హా, ఉద్యోగ విర‌మ‌ణ‌ కన్నా ముందు క‌నీసం 15 సంవ‌త్స‌రాల సర్వీస్ పిరియడ్ కలిగి ఉండాలి.

3. అమలు వ‌ర్తించే తేదీ – 01.12.2008. (వేత‌న స‌వ‌ర‌ణ అల‌వెన్సులు వ‌ర్తించే తేదీకి అనుగుణంగా)

4. యాజ‌మాన్యం చందా – 01.12.2008 నాటికి ప‌నిచేస్తున్న ఉద్యోగుల విషయంలో గాని, లేదా ఆ త‌రువాత నియ‌మితులైన ఉద్యోగుల విషయంలో గాని మూల‌ వేత‌నం మరియు డి ఎ లో నెల‌కు 10 శాతం వంతున.

5. ఉద్యోగులు తప్పనిసరిగా చెల్లించవలసిన చందా – మూల వేతనం + డి ఎ లో నెలకు 2 శాతం వంతున.
ఉద్యోగుల స్వ‌చ్ఛంద చందా – మూల‌ వేత‌నం + డి ఎ లో నెలకు 25 శాతం వరకు.

6. లాభాలు – ఉద్యోగ విర‌మ‌ణ త‌రువాత పింఛ‌ను (యాన్యుఇటీ) మరియు డెత్ కవర్.

ఎఫ్‌సిఐ ఉద్యోగుల‌కు ఉద్యోగ విర‌మ‌ణానంత‌ర నూతన వైద్య ప‌థ‌కం ముఖ్యాంశాలు:

1. వ‌ర్తింపు – భార‌త ఆహార సంస్థ‌లో ప‌నిచేస్తున్న I, II, III మరియు IV కేటగిరీల ఉద్యోగులు అందరికీ, ఇంకా విశ్రాంత ఉద్యోగుల‌కు కూడా ఈ పథకం వర్తిస్తుంది; అయితే, విశ్రాంత ఉద్యోగులు ప్ర‌స్తుతం అమ‌లులో ఉన్న‌ ‘కరెంట్ ఎంప్లాయీ ఫండెడ్ మెడికల్ హెల్త్ స్కీమ్ ఫర్ రిటైరీస్’ స‌భ్యులు అయి ఉండాలి.

2. అర్హ‌త – మ‌ర‌ణం సంభ‌వించిన సంద‌ర్భాలు మిన‌హా, ఉద్యోగ విర‌మ‌ణ‌ కన్నా ముందు క‌నీసం 15 సంవ‌త్స‌రాల సర్వీస్ పిరియడ్ కలిగి ఉండాలి.

3. యాజ‌మాన్యం చందా – 01.04.2016 నుండి వ‌ర్తించే విధంగా మూల‌ వేత‌నం+ డి ఎ లో నెల‌కు 3.83 శాతం.

4. ఉద్యోగి చందా – ఉద్యోగ విర‌మ‌ణ కాలంలో కడపటి సారి అందుకున్న మూల వేతనం మరియు డి ఎ / సర్వీసు లో ఉంటూ మరణించిన సమయానికి (దాంపత్య భాగస్వామి విషయంలో), ఇది క‌నీసం 10,000 రూపాయ‌లుగా ఉండాలి.

5. క‌వ‌రేజి – ఉద్యోగ విర‌మ‌ణ చేసిన మెంబరు, అత‌ని/ఆమె దాంపత్య భాగ‌స్వామి, మరియు డిపెండెంట్ డిసేబుల్ డ్ చైల్డ్ లకు భారతదేశంలోని ఏ ఆసుపత్రిలోనైనాఅయ్యే వైద్య‌ సేవ‌ల ఖర్చులను .. మొత్తంమీద వార్షిక గరిష్ఠ ప‌రిమితికి మించ‌కుండా.. ఈ పథకం ఇముడ్చుకొంటుంది.

పూర్వ రంగం :

భార‌త ఆహార సంస్థ‌ల చ‌ట్టం,1964 లో భాగంగా ఎఫ్ సి ఐ ని 1965 లో స్థాపించారు. ఆహార ధాన్యాలు, ఇత‌ర ఆహార వ‌స్తువుల సేక‌ర‌ణ‌, నిల్వ‌, పంపిణీ మరియు అమ్మకం ఈ సంస్థ స్థాప‌న‌ లోని ముఖ్యోద్దేశాలు. దేశంలో ఆహార భ‌ద్ర‌త‌ ధ్యేయాన్ని నెరవేర్చడంలో ఈ సంస్థ ఇన్నేళ్లుగా కీల‌కమైన పాత్రను పోషిస్తూ వ‌చ్చింది. ఈ సంస్థ‌కు ఉన్న వ్యూహాత్మ‌కమైన ప్రాముఖ్యాన్ని, కార్యకలాపాల ప‌రిమాణాన్ని, తదిత‌ర ప‌రామితులను దృష్టిలో ఉంచుకొని ఎఫ్ సి ఐ ని షెడ్యూల్ ‘ఎ’ కు చెందిన కేంద్ర ప్ర‌భుత్వరంగ సంస్థలు (సి పి ఎస్ ఇ లు)గా గుర్తించారు.