పిఎంఇండియా

మానసిక ఆరోగ్యంతోనే వందశాతం ఆరోగ్యంగా ఉండటం సాధ్యం అవుతుందని మానసిక ఆరోగ్య దినోత్సవం మనకు సందేశమిస్తోందని ప్రధానమంత్రి శ్రీ నరేంద్ర మోదీ అన్నారు.

పరుగులాంటి నేటి జీవన విధానంలో– ఆత్మావలోకనానికీ, ఇతరుల పట్ల దయ చూపడానికీ ఎంతో ప్రాధాన్యం ఉందన్న సంగతిని ఈ దినోత్సవం గుర్తు చేస్తుందని ప్రధానమంత్రి అన్నారు. మానసిక ఆరోగ్యంపై విస్తృత చర్చ జరగాల్సిన అవసరం ఉందని, ప్రజలు ఈ దిశగా గట్టి ప్రయత్నం చేయాలనీ ఆయన సూచించారు.
మానసిక రోగులు కోలుకోవడానికీ, ఆనందంగా ఉండటానికీ మానసిక చికిత్సాలయాల్లో పని చేస్తున్న అందరినీ ఆయన అభినందించారు.

‘ఎక్స్’లో ప్రధానమంత్రి ఒక సందేశాన్ని ఇలా పొందుపరిచారు:

‘‘మానసిక ఆరోగ్యంతో వందశాతం ఆరోగ్యంగా ఉండటం సాధ్యం అవుతుందని మానసిక ఆరోగ్య దినోత్సవం మనకు సందేశమిస్తోంది. నేటి ఉరుకులు పరుగుల జీవన విధానంలో– ఆత్మావలోకనానికీ, ఇతరుల పట్ల దయ చూపడానికీ ఎంతో ప్రాధాన్యం ఉందన్న సంగతిని ఈ దినోత్సవం మనకు గుర్తు చేస్తుంది. మానసిక ఆరోగ్యంపై విస్తృత చర్చ జరగాల్సిన అవసరం ఉందని, ప్రజలు ఈ దిశగా గట్టి ప్రయత్నం చేయాల్సిందిగా విజ్ఞప్తి చేస్తున్నాను. మానసిక రోగులు కోలుకోవడానికీ, ఆనందంగా ఉండటానికీ మానసిక చికిత్సాలయాల్లో పని చేస్తున్న అందరినీ అభినందిస్తున్నాను’’.

***