పిఎంఇండియా

 ప్రధానమంత్రి శ్రీ నరేంద్ర మోదీ, 1998 మేలో పోఖ్రాన్‌లో చరిత్రాత్మక రీతిలో భారత్ నిర్వహించిన అణు పరీక్షలను ఈ రోజు గుర్తు చేసుకున్నారు. వాటిని దేశ సంకల్పాన్ని చాటిచెప్పిన ముఖ్యమైన ఘట్టంగా వర్ణించారు. ‘‘మే 11న జరిగిన పరీక్షల తర్వాత ప్రపంచమంతా భారత్‌‌పై ఒత్తిడి తీసుకొచ్చిననప్పటికీ, ఏ శక్తీ భారత్‌ను నియంత్రించలేదని నిరూపించాం’’ అని శ్రీ మోదీ పేర్కొన్నారు.

ప్రధానమంత్రి పంచుకున్న సంస్కృత శ్లోకం

‘‘ఏవం పరస్పరాపేక్షా శక్తిశక్తిమతోః స్థితా। 

న శివేన వినా శక్తిర్న శక్త్యా వినా శివః। । ’’

సామాజిక మాధ్యమం ఎక్స్‌లో ప్రధానమంత్రి ఇలా పేర్కొన్నారు:

‘‘మన దేశ సంకల్పం ఎంత దృఢమైనదో 1998లో ఇదే రోజు భారత్ నిర్వహించిన అణు పరీక్షలు ప్రపంచానికి చాటి చెప్పాయి. మే 11 నాటి పరీక్షల తర్వాత ప్రపంచమంతా దేశంపై తీవ్రమైన ఒత్తిడి తీసుకువచ్చినప్పటికీ, ఏ శక్తీ భారత్‌ను నియంత్రించలేదని మనం నిరూపించాం.

‘‘ఏవం పరస్పరాపేక్షా శక్తిశక్తిమతోః స్థితా। 

న శివేన వినా శక్తిర్న శక్త్యా వినా శివః। । ’’