پی ایم انڈیا
وزیراعظم جناب نریندر مودی نے آج فرانس کے شہرایوین میں منعقدہ جی-7 سربراہی اجلاس کے موقع پرمتحدہ عرب امارات کے صدر عزت مآب جناب شیخ محمد بن زایدالنہیان سے ملاقات کی۔ یہ 2026 میں دونوں رہنماؤں کے درمیان تیسری ملاقات تھی جو ہندوستان اور متحدہ عرب امارات کے درمیان مضبوط اور متحرک جامع اسٹریٹجک شراکت داری کی عکاسی کرتی ہے۔
دونوں رہنماؤں نے دوطرفہ تعاون میں ہونے والی پیش رفت اور مثبت پیش رفت کا جائزہ لیا، جس میں ٹیکنالوجی، تجارت، سرمایہ کاری، توانائی اور دفاع کے شعبے شامل ہیں۔ یہ پیش رفت صدر عزت مآب شیخ محمد بن زاید النہیان کے جنوری 2026 میں ہندوستان کے دورے اور وزیراعظم نریندر مودی کے مئی 2026 میں متحدہ عرب امارات کے دورے کے نتیجے میں مزید مضبوط ہوئی۔ دونوں رہنماؤں نے باہمی دلچسپی کے علاقائی اور عالمی امور پر بھی تبادلۂ خیال کیا۔
وزیراعظم نے مغربی ایشیا میں پائیدار امن، سلامتی اور استحکام کے فروغ کے لیے مکالمے، سفارت کاری، بین الاقوامی قانون کے احترام، خودمختاری اور علاقائی سالمیت کی اہمیت پر زور دیا۔ دونوں فریقوں نے آبنائے ہرمز کے ذریعے آزاد، محفوظ اور بلا رکاوٹ بحری آمد و رفت، تجارت اور کاروباری سرگرمیوں کے تسلسل پر زور دیا۔
وزیراعظم نے صدر شیخ محمد بن زاید النہیان کو ہندوستان میں رواں سال منعقد ہونے والے برکس سربراہی اجلاس میں شرکت کی دعوت بھی دی۔
********
ش ح- ظ الف- ش ب ن
UR-8725
PM @narendramodi met with His Highness Sheikh @MohamedBinZayed and discussed ways to further strengthen the India-UAE Comprehensive Strategic Partnership across diverse sectors. The PM also expressed gratitude to the UAE leadership for its continued care and support for the… pic.twitter.com/7G69K0wCJu
— PMO India (@PMOIndia) June 16, 2026
Had a very good meeting with my brother, His Highness Sheikh Mohamed bin Zayed Al Nahyan. We discussed India-UAE ties across sectors and ways to further energise our Comprehensive Strategic Partnership. Once again expressed gratitude to him and the UAE Government for the care and… pic.twitter.com/mleTUqbRfC
— Narendra Modi (@narendramodi) June 16, 2026
عقدتُ اجتماعاً مثمراً للغاية مع أخي صاحب السمو الشيخ محمد بن زايد آل نهيان، حيث ناقشنا العلاقات الهندية الإماراتية في مختلف القطاعات، وسبل تعزيز شراكتنا الاستراتيجية الشاملة. وقد جددتُ شكري وتقديري له ولحكومة دولة الإمارات العربية المتحدة على اهتمامهم ورعايتهم للجالية الهندية… pic.twitter.com/jRaFEyQKTF
— Narendra Modi (@narendramodi) June 16, 2026
