پی ایم انڈیا

روسی فیڈریشن کے پہلے نائب وزیر اعظم عزت مآب ڈینس مانتوروف نے آج وزیر اعظم جناب نریندر مودی سے ملاقات کی۔

پہلے نائب وزیر اعظم مانتوروف نے وزیر اعظم کو باہمی فائدہ مند تعاون کے مختلف شعبوں میں ہونے والی پیش رفت کے بارے میں آگاہ کیا، جس میں تجارتی اور اقتصادی شراکت داری، کھاد، رابطے اور عوام کے درمیان تعلقات شامل ہیں۔

وزیر اعظم نے دسمبر 2025 میں 23 ویں بھارت-روس سالانہ چوٹی کانفرنس کے لئے صدر پوتن کے بھارت کے کامیاب دورے کو یاد کیا۔

انہوں نے سالانہ چوٹی کانفرنس کے نتائج کو لاگو کرنے کے لیے دونوں فریقوں کی طرف سے کی جانے والی مسلسل کوششوں پر اطمینان کا اظہار کیا، جس کا مقصد بھارت-روس خصوصی اور مراعات یافتہ اسٹریٹجک پارٹنرشپ کو مزید مضبوط بنانا ہے۔

وزیر اعظم نے صدر پوتن کو گرم جوشی سے مبارکباد پیش کی اور کہا کہ وہ ان کے مسلسل تبادلوں کے منتظر ہیں۔

***

(ش ح۔اص)

UR No 5353