پی ایم انڈیا

وزیرِ اعظم جناب نریندر مودی نے تاریخی بھارت چھوڑو تحریک میں حصہ لینے والے تمام مجاہدینِ آزادی کو یاد کرتے ہوئے ہندوستان کی آزادی کی جدوجہد میں ان کی بے مثال جرأت اور غیر متزلزل عزم کو خراجِ عقیدت پیش کیا ہے۔ جناب مودی نے کہا کہ مہاتما گاندھی کی قیادت سے حاصل ہونے والی تحریک و رہنمائی کے زیرِ اثر بھارت چھوڑو تحریک کی پُرزور صدا نے آزادی کی جدوجہد میں نئی روح پھونک دی اور اس نے ہندوستانی عوام کے اس اٹل عزم کا اظہار کیا کہ وہ نوآبادیاتی اقتدار کی غلامی سے آزادی حاصل کر کے رہیں گے۔

وزیرِ اعظم نے ایکس پر اپنے پیغام میں کہا:

تاریخی بھارت چھوڑو تحریک میں حصہ لینے والے تمام مجاہدینِ آزادی کو یاد کرتا ہوں۔ ان کی جرأت و بہادری ہمیشہ ہر ہندوستانی کے لیے باعثِ تحریک رہے گی۔ مہاتما گاندھی جی کی قیادت سے متاثر ہو کر بھارت چھوڑو تحریک کی پُرزور صدا نے ہماری آزادی کی جدوجہد میں نئی توانائی پیدا کی اور اس نے ہمارے عوام کے اس غیر متزلزل عزم کی عکاسی کی کہ وہ نوآبادیاتی اقتدار کی غلامی سے نجات حاصل کریں گے۔

Remembering all those who participated in the historic Quit India Movement. Their courage will always remain an inspiration for every Indian. Inspired by the leadership of Mahatma Gandhi Ji, the clarion call of Quit India infused new energy into our freedom struggle and reflected…

— Narendra Modi (@narendramodi) August 9, 2026

******

ش ح۔ ش ا ر۔ ول

Uno-1670