پی ایم انڈیا

وزیرِ اعظم جناب نریندر مودی 5 ستمبر کو شام 7 بجے شری رام کالج آف کامرس (ایس آر سی سی) کی صد سالہ تقریبات میں شرکت کریں گے۔ اس موقع پر وزیرِ اعظم تقریب کے شرکا سے خطاب بھی کریں گے۔

دہلی یونیورسٹی کا شری رام کالج آف کامرس بھارت کے ممتاز اعلیٰ تعلیمی اداروں میں سے ایک اور تجارت، معاشیات اور انتظامی علوم کے شعبوں میں علم و تعلیم کا ایک ممتاز مرکز ہے۔ معروف صنعت کار اور مخیر شخصیت سر شری رام نے 1926 میں اس ادارے کی بنیاد رکھی تھی۔ گزشتہ ایک صدی کے دوران اس کالج نے علما، ماہرین، منتظمین، صنعت کاروں، پالیسی سازوں اور ملک کی تعمیر و ترقی میں کردار ادا کرنے والی متعدد نسلوں کی علمی و عملی تربیت کی ہے۔

صد سالہ تقریبات یوم اساتذہ کے ساتھ منعقد ہو رہی ہیں، جس کے باعث اس موقع کی اہمیت مزید بڑھ گئی ہے۔ اس دن قوم نسلوں کی تشکیل اور معاشرے کی بنیادوں کو مضبوط بنانے میں اساتذہ اور معلمین کے گراں قدر کردار کو خراجِ تحسین پیش کرتی ہے۔

******

ش ح۔ ش ا ر۔ ول

Uno-3036