بحرانوں اور تنازعات کے موجودہ دور میں وزیر اعظم جناب نریندر مودی نے امن کے قیام کی تمام کوششوں کی حمایت کے لیے بات چیت، باہمی احترام اور تعاون کی ضرورت پر زور دیا۔ آزاد، کھلے، جامع اور اصولوں پر مبنی ہند-بحرالکاہل خطہ کی وکالت کرتے ہوئے وزیر اعظم نے کہا کہ عالمی سطح پر امن، استحکام اور پیش بینی کو فروغ دینے میں مشرقی ایشیا سربراہی اجلاس کو اپنا کردار ادا کرنا چاہیے۔
انہوں نے خاص طور پر دنیا بھر میں بحرانوں اور تنازعات کے باعث غذائی اجناس، ایندھن اور کھاد کی سلامتی پر پڑنے والے اثرات کو اجاگر کیا۔ انہوں نے تجارتی جہازوں اور جہاز رانوں کی حفاظت اور سلامتی کو یقینی بنانے کی ضرورت پر بھی زور دیا، جنہیں بین الاقوامی آبی راستوں میں مسلسل نشانہ بنایا جا رہا ہے۔ وزیر اعظم نے واضح کیا کہ ہندوستان یوکرین اور مغربی ایشیا میں جاری تنازعات کے پرامن حل کی جانب مرکوز تمام کوششوں کی حمایت کرتا ہے۔
انہوں نے امن پسند معاشروں کے لیے دہشت گردی سے لاحق خطرات کو بھی اجاگر کیا۔
مشرقی ایشیا سربراہی اجلاس کے پلیٹ فارم کے تحت تعاون کو مستحکم کرنے کے لیے وزیر اعظم نے درج ذیل تجاویز پیش کیں:
I) جہاز رانوں کی حفاظت کا اقدام: مشترکہ تربیت اور ہنگامی حالات سے نمٹنے کے لیے باہمی تعاون کو فروغ دینا۔
II) مشرقی ایشیا سربراہی اجلاس کی سائبر جرائم کانفرنس: آن لائن دھوکہ دہی اور سائبر جرائم جیسے سرحد پار جرائم سے پیدا ہونے والے جدید دور کے خطرات سے نمٹنے کے لیے نیشنل فارنسک سائنس یونیورسٹی میں اس کانفرنس کا انعقاد۔
III) مشرقی ایشیا سربراہی اجلاس کا بحری ورثے کا میلہ: لوتھل میں اس میلے کا انعقاد۔
IV) مشرقی ایشیا سربراہی اجلاس کا یونیورسٹی کانکلیو: مشرقی ایشیا سربراہی اجلاس میں شامل ممالک کے ساتھ تعلیمی تعاون کو فروغ دینے کے لیے نالندہ میں اس کا انعقاد۔
وزیر اعظم نے جمہوریہ فلپائن کے صدر عزت مآب فرڈیننڈ آر مارکوس کو سربراہی اجلاس کے کامیاب انعقاد پر مبارک باد دی۔
وزیر اعظم کی مکمل تقریر یہاں [link] ملاحظہ کی جا سکتی ہے:
*****
ش ح-ظ الف– ت ع
UR No. 7791
My message at the East Asia Summit…the world needs PEACE, PROSPERITY and PREDICTABILITY. Also reiterated India’s commitment to working closely with ASEAN nations as well as a commitment to an Indo-Pacific that is free, open, inclusive and rules based. Announced important initiatives to give fresh momentum to regional cooperation. SEAFARERS’ SAFETY INITIATIVE: Greater coordination among nations to protect those who work at sea, particularly during emergencies and maritime crises. EAS CYBER CRIME CONFERENCE: India will host a conference at the National Forensic Sciences University to develop a stronger collective response to cyber threats, online fraud and transnational crime. EAS MARITIME HERITAGE FESTIVAL: The ancient port city of Lothal will bring together EAS nations to celebrate centuries of seafaring traditions, commerce and cultural exchanges. EAS UNIVERSITY CONCLAVE: Nalanda will serve as a platform for universities, scholars and students to forge new partnerships in education, research and innovation.
— Narendra Modi (@narendramodi) November 17, 2026