پی ایم انڈیا

نئی دہلی،29 اکتوبر /

وزیر اعظم اور میرے گہرے دوست آبے جی ،

ممتاز مندوبین ،

دوستو ،

نمستے ،

کوناّ چیوا !

یہاں ٹوکیو میں، اور اس سے پہلے یمانا شی  میں اور اپنے گھر میں جس اپنے پن کے ساتھ آبے سان نے  میرا خیر مقدم کیا ،  اس نے میرے اس جاپان دورے کی کامیابی کو نا قابل فراموش بنا دیا ہے ۔  جاپان مشرق اور مغرب کی تہذیبوں کے سرکردہ پہلوؤں کا ملاپ ہے ۔ یہ وہی  عظیم ملک ہے ، جس نے سکھایا ہے کہ بنی نوع انسان کی ترقی کا راستہ قدیم اور جدید کے مابین تصادم کا نہیں بلکہ ان کے پُر امن بقائے باہمی اور خلاقیت کا ہے ۔ نئے کا خیر مقدم اور قدیم کا احترام ۔ یہ جاپان کی عالمی تہذیب کو  خاص عطیہ ہے  اور ساتھ ہی بھارت اور جاپان کی ایک بڑی مماثلت بھی ہے ۔

حضرات ،

          جاپان اور بھارت کے تعلقات کو بحر ہند اور بحر الکاہل  سی گہرائی  اور وسعت حاصل ہے ۔ یہ تعلقات جمہوری اقدار اور آزادی کے تئیں نیز قانون کی حکمرانی  کے تئیں مشترکہ وابستگی پر منحصر ہیں ۔ اپنے تعلقات کے آئندہ کے فروغ کے لئے ایک وسیع ویژن پر کل اور آج آبے سان کے ساتھ  میری مفید گفت و شنید ہوئی ہے ۔ آج اس مشترکہ ویژن پر ہم نے دستخط کئے ہیں اور کل یہ ہمارے مستقبل کو نئی روشنی دے گا ۔ ہمارے درمیان اس بات پر  مکمل اتفاق ہے کہ ہم اپنے تعاون کو  ڈجیٹل شراکت داری سے سائبر  اسپیس تک ، صحت سے دفاع اور سلامتی تک اور سمندر سے خلاء تک ہر شعبے میں بلا روک ٹوک رفتار بخشیں گے ۔ مجھے بتایا گیا ہے کہ آج جاپان کے سرمایہ کاروں  نے بھارت میں 2.5 بلین ڈالر کی نئی سرمایہ کاری کا اعلان کیا ہے ۔ اس سے بھارت میں لگ بھگ 30000 لوگوں کو روز گار ملے گا ۔ اسی سفر کے دوران دو طرفہ کرنسی سے متعلق  انتظام پر بھی اتفاق ہوا ہے ۔  اس سے ہمارا باہمی اعتماد اور ہماری اقتصادی شراکت داری  کی  افزوں طور پر ترقی سے ہمکنار ہوتی ہوئی قربت صاف طور پر ظاہر ہوتے ہیں ۔ 

دوستو ،

          21 ویں صدی ایشیا کی صدی ہے لیکن اس کی ہیئت پر سوال ہیں ۔ اس کا فائدہ ہو گا ، کیا کرنا ہو گا ۔ ایسے بہت سے سوال ہیں  ۔ لیکن ایک بات صاف ہے ، بھارت اور جاپان کے تعاون کے بغیر 21 ویں ایشیا کی صدی نہیں ہو سکتی ۔ آبے سان اور میں ہمارے غیر ملکی اور وزرائے دفاع کے مابین 2 + 2 گفت و شنید  کے لئے متفق ہوئے ہیں ۔ اس کا مقصد دنیا میں امن اور استحکام کو فروغ دینا ہے ۔ بین الاقوامی شمسی اتحاد میں جاپان کا داخلہ دنیا کے مفاد میں ایسے تعاون کی ایک  روشن مثال بنے گا ۔

دوستو ،

          اگلے سال جاپان اوساکا میں جی 20 سربراہ  ملاقات کی میز بانی کرے گا ۔  اگلے سال رگبی عالمی کپ بھی جاپان میں منعقد کیا جائے گا ۔ پہلی بار یہ ٹورنامنٹ ایشیا میں منعقد ہو گا اور پھر 2020 ء میں اولمپکس کا انعقاد ٹوکیو میں ہو گا ۔ ان تمام اہم عالمی تقریبات کے لئے میری جانب سے اور پورے بھارت کی جانب سے ہماری دِلی نیک تمنائیں آپ کے ساتھ ہیں ۔ بھارت – جاپان کے تعلقات میں پیش رفت  ، جاپان کے   کائیزن فلسفے  کی طرح  لامتناہی  ہیں  ۔ وزیر اعظم آبے کے ساتھ مل کر ان تعلقات کو اور زیادہ مستحکم بنانے کے لئے میں پابندِ عہد ہوں ۔ میں ایک بار پھر آبے سان کو ، جاپان کی حکومت اور آپ سب کا دِلی شکریہ ادا کرتا ہوں اور نیک تمنائیں پیش کرتا ہوں ۔

دومو اریگاتو گوزائی مس 

( م ن   ۔  ع ا  )      ( 29 – 10 – 2018 )

U. No.5541