پی ایم انڈیا

نئی دہلی،27دسمبر/ وزیراعظم جناب  نریندر مودی نے آج  ہماچل پردیش حکومت کا ایک سال  پورا ہونے کے موقع پر ریاست کے دھرمشالہ میں جن آبھار ریلی سے خطاب کیا۔

اسٹیج پر پہنچنے سے پہلے وزیراعظم نے حکومت کی اسکیموں سے متعلق ایک نمائش بھی دیکھی انہوں نے مختلف اسکیموں سے فائدہ اٹھانے والوں سے بھی بات چیت کی۔

ایک بڑے مجمع سے خطاب کرتے ہوئے وزیراعظم نے روحانیت اور بہادری کی سرزمین کے طور پر ریاست ہماچل پردیش کی تعریف کی۔

انہوں نے اس بات کا بھی ذکر کیا کہ سابق وزیراعظم جناب اٹل بہاری واجپئی کا ریاست سے ایک خصوصی اور گہرا رشتہ تھا۔

وزیر اعظم نے ریاستی سرکار کی اس بات کے لئے بھی تعریف کی کہ اپنی اسکیموں کے ذریعہ وہ گزشتہ ایک سال میں ریاست کے دیہی علاقوں کے لوگوں تک پہنچ  پائی ہے۔

وزیراعظم نے کہا کہ ریاستی سرکار اگلی نسل کے بنیادی ڈھانچے پر توجہ دے رہی ہے۔انہوں نے کہا کہ شاہراؤں، ریلویز، بجلی، شمسی توانائی اور پیٹرولیم کےشعبے سے متعلق پروجیکٹ ہماچل پردیش میں سرگرمی کے ساتھ زیر نفاذ ہیں۔

وزیراعظم نے ریاست کی سیاحت کی صلاحیت کے بارے میں بھی تفصیل سے ذکر کیا۔اس تناظر میں انہوں نے کہا کہ ہندوستان میں بیرون ملکوں سے آنے والے سیاحوں کی تعداد میں کافی اضافہ ہوا ہے انہوں نے کہا کہ 2013 میں 70 لاکھ سیاح ریاست میں آئے تھے جب کہ 2017 میں یہ تعداد بڑھ کر ایک کروڑ ہوگئی ۔ اسی طرح انہوں نے کہا کہ 2013 میں منظور شدہ ہوٹلوں کی تعداد تقریباً 1200 تھی جو اب بڑھ کر 1800 ہوگئی ہے۔

وزیراعظم نے یاد دلایا کہ گزشتہ 40 سال سے  ہمارے سابق فوجی ایک عہدہ۔ ایک پنشن  کے خواہش مند تھے۔ انہوں نے کہا کہ جب ان کی حکومت اقتدار میں آئی تو پورے معاملے کی صورت حال اور درکار وسائل کی صورتحال ایک دم واضح تھی۔ اس کے بعد سابق فوجیوں کی فلاح وبہبود کو یقینی بنانے کے لئے ایک عہدہ ایک پنشن کو نافذ کیا گیا۔

وزیراعظم نے ہماچل پردیش کے عوام کی اس بات کے لئے خصوصی طور پر تعریف کی کہ انہوں نے صفائی ستھرائی کے تئیں اپنے عزم کو برقرار رکھا ہے  ۔وزیراعظم نے کہا کہ انہوں نے سووچھتا کو ایک سنسکار کے طور پر قبول کیا ہے وزیراعظم نے یہ بھی کہا کہ اس سے ریاست میں سیاحت کے شعبے کو فروغ ملے گا۔

وزیر اعظم نے واضح کیا کہ کس طرح مرکزی حکومت نے بدعنوانی کو جڑ سے اکھاڑ پھینکا ہے۔ انہوں نے کہا کہ فائدے کی براہ راست منتقلی کے  ذریعہ  بدعنوانی پر لگام  کس دی گئی ہے اور تقریباً 90 ہزار کروڑ روپیہ بچا لیا گیا ہے۔

***********

U – 6476