পি এম ইণ্ডিয়া
ৰাষ্ট্ৰীয় ষ্টাৰ্টআপ দিৱস উপলক্ষে প্ৰধানমন্ত্ৰী শ্ৰী নৰেন্দ্ৰ মোদীয়ে ষ্টাৰ্টআপ জগতৰ সৈতে জড়িত সকলোকে শুভেচ্ছা জ্ঞাপন কৰে। ষ্টাৰ্টআপ ইণ্ডিয়া পদক্ষেপ আৰম্ভ হোৱাৰ এক দশক সম্পূৰ্ণ হোৱা উপলক্ষে এই বছৰৰ উদযাপন বিশেষ গুৰুত্বপূৰ্ণ হিচাপে পৰিগণিত হৈছে।
আন্তৰ্জাতিক ষ্টাৰ্টআপ পৰিবেশতন্ত্ৰত ভাৰতৰ উত্থান ত্বৰান্বিত কৰা যুৱচামকে ধৰি জনসাধাৰণৰ উদ্যমিতা আৰু উদ্ভাৱনী মনোভাৱ তথা সাহসক উৎসাহিত কৰাৰ উদ্দেশ্যে এই দিৱস পালন কৰা হয় বুলি প্ৰধানমন্ত্ৰীগৰাকীয়ে উল্লেখ কৰে।
পৰিবৰ্তনৰ হোতা হিচাপে ষ্টাৰ্টআপসমূহৰ ভূমিকাৰ ওপৰত গুৰুত্ব আৰোপ কৰি শ্ৰী নৰেন্দ্ৰ মোদীয়ে কয়- ‘ষ্টাৰ্টআপসমূহ হৈছে পৰিবৰ্তনৰ ইঞ্জিন, যিয়ে আমাৰ অৰ্থনীতি আৰু সমাজৰ ভৱিষ্যতক গঢ় দি আছে। এইসমূহে আমাৰ গ্ৰহটোৱে সন্মুখীন হোৱা প্ৰত্যাহ্বানসমূহৰ মোকাবিলা কৰাৰ লগতে মানুহৰ বাবে সুযোগ সৃষ্টি কৰাৰ ক্ষেত্ৰত ব্যতিক্ৰমী কাম কৰি আছে। ডাঙৰ সপোন দেখাৰ সাহস কৰি পৰম্পৰাগত নিয়মক প্ৰত্যাহ্বান জনাই বিপদাশংকা মূৰ পাতি ষ্টাৰ্টআপৰ জৰিয়তে এক পৰিবৰ্তনশীল প্ৰভাৱ সৃষ্টি কৰা প্ৰতিজন ব্যক্তিৰ বাবে মই গৌৰৱান্বিত।’
ভাৰত চৰকাৰে ষ্টাৰ্টআপ পৰিবেশতন্ত্ৰ শক্তিশালী কৰাৰ হকে সকলো অংশীদাৰৰ সৈতে কাম কৰি আছে বুলি প্ৰধানমন্ত্ৰীয়ে উল্লেখ কৰে। তেওঁ উল্লেখ কৰে যে ভাৰতে আৰম্ভ কৰা ৰিফৰ্ম এক্সপ্ৰেছে মহাকাশ আৰু প্ৰতিৰক্ষাকে ধৰি পূৰ্বতে অকল্পনীয় ক্ষেত্ৰত উদ্যোগ ল’বলৈ ষ্টাৰ্টআপৰ বাবে এক অনুকূল পৰিবেশৰ সৃষ্টি কৰিছে। ষ্টাৰ্টআপসমূহে বিপদাশংকা গ্ৰহণ কৰি সমস্যা সমাধানকাৰী হ’ব বিচৰা যুৱক-যুৱতীসকলক সমৰ্থন কৰাৰ বাবে চৰকাৰৰ প্ৰতিশ্ৰুতি পুনৰ নিশ্চিত কৰি আত্মনিৰ্ভৰ ভাৰত গঢ়ি তোলাত এক গুৰুত্বপূৰ্ণ ভূমিকা পালন কৰি আছে বুলি উল্লেখ কৰি তেওঁ গৌৰৱ প্ৰকাশ কৰে।
শ্ৰী মোদীয়ে ষ্টাৰ্টআপসমূহক সমৰ্থন কৰা পৰামৰ্শদাতা, ইনকিউবেটৰ, বিনিয়োগকাৰী, শৈক্ষিক প্ৰতিষ্ঠান আৰু অন্যান্যসকলৰ ব্যাপক পৰিবেশতন্ত্ৰৰ কথাও স্বীকাৰ কৰে। এইসমূহৰ নিৰ্দেশনা আৰু অন্তর্দৃষ্টিয়ে যুৱ উদ্ভাৱকসকলক উৎসাহিত কৰাৰ লগতে ভাৰতৰ বিকাশৰ কাহিনীত অৰিহণা যোগোৱা বুলি তেওঁ উল্লেখ কৰে।
প্ৰধানমন্ত্ৰীয়ে উদ্ভাৱন, স্থিতিস্থাপকতা আৰু ৰাষ্ট্ৰীয় প্ৰগতিৰ হোতা হিচাপে ভাৰতৰ ষ্টাৰ্টআপসমূহৰ ওপৰত নিজৰ আস্থাৰ কথা পুনৰ দোহাৰে।
এটা সংস্কৃত শ্লোকৰ উদ্ধৃতিৰে শ্ৰী মোদীয়ে ভাৰতৰ যুৱ উদ্যোগীসকলৰ সংকল্প আৰু সমৰ্পণৰ প্ৰশংসা কৰি উল্লেখ কৰে যে তেওঁলোকৰ নিৰন্তৰ প্ৰচেষ্টাই ষ্টাৰ্টআপৰ জগতত নতুন অভিলেখ স্থাপন কৰিছে। তেওঁ দৃঢ়তাৰে কয় যে তেওঁলোকৰ শক্তি আৰু আৱেগ বিকশিত ভাৰতৰ দৃষ্টিভংগী বাস্তৱায়িত কৰাৰ ক্ষেত্ৰত সৰ্বশ্ৰেষ্ঠ শক্তি হিচাপে পৰিগণিত হ’ব।
শ্ৰী মোদীয়ে এক্সত এটা থ্ৰেড পোষ্টত লিখিছেঃ
‘ৰাষ্ট্ৰীয় ষ্টাৰ্টআপ দিৱস উপলক্ষে ষ্টাৰ্টআপ জগতৰ সৈতে জড়িত সকলোকে শুভেচ্ছা জনাইছো। ষ্টাৰ্টআপ ইণ্ডিয়া আৰম্ভ হোৱাৰ এটা দশক উদযাপন কৰা উপলক্ষে আজিৰ দিনটো বিশেষ। এই দিনটো আমাৰ জনসাধাৰণ, বিশেষকৈ আমাৰ যুৱক-যুৱতীসকলৰ সাহস, উদ্ভাৱনী মনোভাৱ আৰু উদ্যমিতাৰ অভিলাষ উদযাপনৰ বিষয়ে, যিয়ে বিশ্বৰ ষ্টাৰ্টআপ পৰিবেশতন্ত্ৰত ভাৰতৰ উত্থান ত্বৰান্বিত কৰিছে।
#10YearsOfStartupIndia
https://www.pib.gov.in/PressReleseDetail.aspx?PRID=2214764®=3&lang=1’
‘ষ্টাৰ্টআপসমূহ হৈছে পৰিবৰ্তনৰ ইঞ্জিন, যিয়ে আমাৰ অৰ্থনীতি আৰু সমাজৰ ভৱিষ্যতক গঢ় দি আছে। এইসমূহে আমি সন্মুখীন হোৱা প্ৰত্যাহ্বানসমূহৰ মোকাবিলা কৰাৰ সমান্তৰালকৈ মানুহৰ বাবে সুযোগ সৃষ্টি কৰাৰ ক্ষেত্ৰত ব্যতিক্ৰমী অৱদান আগবঢ়াই আছে। ডাঙৰ সপোন দেখাৰ সাহস কৰি পৰম্পৰাগত নিয়মক প্ৰত্যাহ্বান জনাই বিপদাশংকা গ্ৰহণ কৰি ষ্টাৰ্টআপৰ জৰিয়তে এক পৰিৱৰ্তনশীল প্ৰভাৱ সৃষ্টি কৰা প্ৰতিজন ব্যক্তিৰ বাবে মই গৌৰৱান্বিত।
#10YearsOfStartupIndia’
‘ভাৰত চৰকাৰে ভাৰতৰ ষ্টাৰ্টআপ পৰিবেশতন্ত্ৰক অধিক শক্তিশালী কৰিবলৈ সকলো অংশীদাৰৰ সৈতে কাম কৰি আছে। ভাৰতে আৰম্ভ কৰা ৰিফৰ্ম এক্সপ্ৰেছে মহাকাশ, প্ৰতিৰক্ষা আৰু অন্যান্য ক্ষেত্ৰকে ধৰি বিভিন্ন খণ্ডত ষ্টাৰ্টআপসমূহৰ বাবে পূৰ্বতে অকল্পনীয় ক্ষেত্ৰত উদ্যোগ লোৱাৰ বাবে এক অতি অনুকূল পৰিবেশৰ সৃষ্টি কৰিছে। মই গৌৰৱান্বিত যে আমাৰ ষ্টাৰ্টআপসমূহে আত্মনিৰ্ভৰ ভাৰত গঢ়ি তোলাত এক গুৰুত্বপূৰ্ণ ভূমিকা পালন কৰি আছে। বিপদাশংকা গ্ৰহণ কৰি সমস্যা সমাধানকাৰী হ’ব বিচৰা আমাৰ যুৱক-যুৱতীসকলক সমৰ্থন কৰিবলৈ আমি প্ৰতিশ্ৰুতিবদ্ধ।’
#10YearsOfStartupIndia’
‘ষ্টাৰ্টআপসমূহক সমৰ্থন কৰা পৰামৰ্শদাতা, ইনকিউবেটৰ, বিনিয়োগকাৰী, শৈক্ষিক প্ৰতিষ্ঠান আৰু অন্যান্যসকলৰ পৰিবেশতন্ত্ৰক স্বীকৃতি দিয়াৰ বাবে এই দিন। তেওঁলোকৰ সমৰ্থন আৰু অন্তর্দৃষ্টিয়ে আমাৰ যুৱক-যুৱতীসকলক উদ্ভাৱন তথা বিকাশত অৰিহণা যোগোৱাৰ বাবে উৎসাহিত কৰে।
#10YearsOfStartupIndia’
‘তেওঁলোকৰ সংকল্প আৰু নিষ্ঠাৰে আমাৰ যুৱ সহকৰ্মীসকলে ষ্টাৰ্টআপৰ জগতত নতুন অভিলেখ স্থাপন কৰিছে। তেওঁলোকৰ উদ্যম আৰু আৱেগ উন্নত ভাৰতৰ সপোন বাস্তৱায়িত কৰাৰ ক্ষেত্ৰত আটাইতকৈ ডাঙৰ শক্তি হ’ব।’
दुर्लभान्यपि कार्याणि सिद्ध्यन्ति प्रोद्यमेन हि।
शिलाऽपि तनुतां याति प्रपातेनार्णसो मुहुः॥”
Best wishes to everyone associated with the world of StartUps on the occasion of National StartUp Day. Today is special because we mark a decade since the launch of StartUp India. This day is about celebrating the courage, spirit of innovation and entrepreneurial zeal of our…
— Narendra Modi (@narendramodi) January 16, 2026
***
MJPS/SR/DD
Best wishes to everyone associated with the world of StartUps on the occasion of National StartUp Day. Today is special because we mark a decade since the launch of StartUp India. This day is about celebrating the courage, spirit of innovation and entrepreneurial zeal of our…
— Narendra Modi (@narendramodi) January 16, 2026
The Government of India has been working with all stakeholders to further strengthen India’s StartUp ecosystem. The Reform Express that India has embarked on has created a very conducive atmosphere for StartUps to venture into areas previously unthinkable, be it space, defence…
— Narendra Modi (@narendramodi) January 16, 2026
This is also a day to acknowledge the ecosystem of mentors, incubators, investors, academic institutions and others who support StartUps. Their support and insights go a long way in encouraging our youth as they innovate and contribute to growth.#10YearsOfStartupIndia
— Narendra Modi (@narendramodi) January 16, 2026
अपने दृढ़ संकल्प और समर्पण से हमारे युवा साथी स्टार्टअप की दुनिया में नित-नए रिकॉर्ड बना रहे हैं। इनका जोश और जुनून विकसित भारत के सपने को साकार करने में सबसे बड़ी शक्ति बनने वाला है।
— Narendra Modi (@narendramodi) January 16, 2026
दुर्लभान्यपि कार्याणि सिद्ध्यन्ति प्रोद्यमेन हि।
शिलाऽपि तनुतां याति प्रपातेनार्णसो मुहुः॥ pic.twitter.com/kXRkqp57wO
