కేంద్ర మంత్రి శ్రీ శివ్రాజ్ సింగ్ చౌహాన్ రాసిన ఒక వ్యాసాన్ని ప్రధానమంత్రి శ్రీ నరేంద్ర మోదీ ఈ రోజు ప్రజలతో పంచుకున్నారు. స్వదేశీ టీకా మందుల తయారీ గత 12 సంవత్సరాల్లో పశుగణాన్ని సాంక్రామిక వ్యాధుల నుంచి రక్షించడంలో ఏ విధంగా కీలక పాత్రను పోషిస్తున్నదీ మంత్రి తన వ్యాసంలో ప్రస్తావించారు. ఈ ప్రయత్నాలు పశువుల ఆరోగ్యాన్ని కాపాడటం, వ్యాధులతో వచ్చే నష్టాలను తగ్గించడం, రైతుల ఆదాయాన్ని పెంచడంతో పాటు రైతుల జీవన స్థాయిని మెరుగుపరచడానికి దోహదం చేశాయి.
స్వదేశీ టీకాలను రూపొందించడం పశువుల ఆరోగ్యసంరక్షణ రంగంలో భారత్ సామర్థ్యాలు విస్తరిస్తున్న ధోరణిని ప్రతిబింబిస్తోందనీ, అంతేకాక ఈ పరిణామం వ్యవసాయ రంగంలో దృఢ, స్వయంసమృద్ధ విస్తారిత అనుబంధ వ్యవస్థను నిర్మించడంలో భారత్ నిబద్ధతను కూడా చాటుతోందనీ శ్రీ మోదీ అన్నారు.
సామాజిక మాధ్యమం ‘ఎక్స్’లో ఒక సందేశాన్ని ప్రధానమంత్రి పొందుపరుస్తూ:
‘‘గత 12 సంవత్సరాల్లో రైతు సోదరీ, సోదరుల సౌభాగ్యంతో పాటు గ్రామీణ భారత్ను శక్తిమంతమైందిగా తీర్చిదిద్దే దిశగా కూడా అనేక చరిత్రాత్మక నిర్ణయాలను తీసుకున్నారు. స్వదేశీ టీకాలను అభివృద్ధిపరచడంతో సాంక్రామిక వ్యాధుల నుంచి పశు, పక్ష్యాదులను సురక్షితంగా ఉంచడంలో ఏ విధంగా తోడ్పాటు లభిస్తోందో మంత్రి శ్రీ శివ్రాజ్ సింగ్ చౌహాన్ తన వ్యాసంలో సమగ్రంగా వివరించారు. దీంతో రైతుల ఆదాయం వృద్ధి చెందడమే కాక, వారి జీవితాలు కూడా మెరుగుపడి, సౌలభ్యాన్ని సంతరించుకున్నాయి’’ అని పేర్కొన్నారు.
***
पिछले 12 वर्षों में किसान भाई-बहनों की समृद्धि और ग्रामीण भारत को सशक्त बनाने की दिशा में कई ऐतिहासिक कदम उठाए गए हैं। केंद्रीय कृषि एवं किसान कल्याण मंत्री @ChouhanShivraj जी ने अपने इस आलेख में विस्तार से बताया है कि कैसे स्वदेशी टीकों के विकसित होने से पशु-पक्षियों को संक्रामक रोगों से सुरक्षित रखने में मदद मिल रही है। इससे न केवल किसानों की आय बढ़ी है, बल्कि उनका जीवन भी बेहतर और आसान हुआ है।
— PMO India (@PMOIndia) November 20, 2026