મુખ્ય વિષયવસ્તુ પર જાઓ
Search
મેનુ
મેનુ બંધ કરો
HOME

પીએમઇન્ડિયાપીએમઇન્ડિયા

ન્યૂઝ અપડેટ

વિષયવસ્તુ પીઆઇબીથી આપમેળે પ્રાપ્ત થાય છે

પ્રધાનમંત્રીએ છત્તીસગઢની મુલાકાત લીધી, નવા રાયપુર ખાતે ઇન્ટીગ્રેટેડ કમાન્ડ અને કંટ્રોલ સેન્ટરનું ઉદઘાટન કર્યું; આધુનિક, વિસ્તૃત ભિલાઈ સ્ટીલ પ્લાન્ટ દેશને સમર્પિત કર્યો


પ્રધાનમંત્રી શ્રી નરેન્દ્ર મોદીએ આજે છત્તીસગઢની મુલાકાત લીધી હતી. તેમણે નવા રાયપુર સ્માર્ટ સિટી ખાતે ઇન્ટીગ્રેટેડ કમાન્ડ એન્ડ કંટ્રોલ સેન્ટરનું ઉદઘાટન કર્યું. તેમને કમાન્ડ એન્ડ કંટ્રોલ સેન્ટર અંગેના વિવિધ પાસાઓની ટૂંકમાં જાણકારી આપવામાં આવી હતી.

ત્યારબાદ તેમણે ભિલાઈ સ્ટીલ પ્લાન્ટ ખાતે બ્લાસ્ટ ફર્નેસ-8ની મુલાકાત લીધી અને ત્યાં પણ તેમને પ્લાન્ટની વિવિધ બાબતોની માહિતી આપવામાં આવી હતી. પ્રધાનમંત્રીને આવકારવા માટે ભિલાઈની શેરીઓમાં લોકો કતારબંધ ઉભા હતા.

એક વિશાળ જાહેર સભા ખાતે પ્રધાનમંત્રીએ આધુનિક અને વિસ્તૃતીકરણ પામેલો ભિલાઈ સ્ટીલ પ્લાન્ટ દેશને સમર્પિત કર્યો હતો. તેમણે આઈઆઈટી ભિલાઈનો શિલાન્યાસ પણ કરાવ્યો. ત્યારબાદ તેમણે ભારતનેટના બીજા તબક્કાનો પ્રારંભ દર્શાવતી એક તકતીનું અનાવરણ પણ કર્યું હતું. પ્રધાનમંત્રીએ જગદલપુર અને રાયપુર વચ્ચે હવાઈસેવાનો પ્રારંભ કરાવ્યો હતો. તેમણે વિવિધ યોજનાઓ અંતર્ગત લાભાર્થીઓને લેપટોપ, પ્રમાણપત્રો અને ચેક વગેરેનું પણ વિતરણ કર્યું હતું.

જનમેદનીને સંબોધતા પ્રધાનમંત્રી એ બાબતની ખાતરી ઉચ્ચારી હતી કે વિકાસ એ જ તમામ પ્રકારની હિંસાનો શ્રેષ્ઠ ઉત્તર છે.

તેમણે કહ્યું કે ભિલાઈ સ્ટીલ પ્લાન્ટે દેશના નિર્માણમાં સિંહફાળો આપ્યો છે. તેમણે જણાવ્યું કે આધુનિક અને વિસ્તૃતીકરણ પામેલો પ્લાન્ટ નવા ભારતના મજબુત પાયાનું નિર્માણ કરવામાં અગત્યની ભૂમિકા ભજવશે. આજના દિવસે અન્ય વિકાસ કાર્યો કે જેમનું લોકાર્પણ કરવામાં આવ્યું હતું તેમના ફાયદાઓ અંગે પણ તેમણે માહિતી આપી હતી.

પ્રધાનમંત્રીએ જણાવ્યું કે છેલ્લા બે મહિનામાં ગ્રામ સ્વરાજ અભિયાનની હકારાત્મક અસર જોવા મળી છે. તેમણે વધુમાં કહ્યું કે આ અભિયાન મિશનને 115 મહત્વાકાંક્ષી જિલ્લાઓમાં મજબુત રીતે પાલન કરવમાં આવી રહ્યું છે કે જેમાંથી 12 જિલ્લાઓ છત્તીસગઢના છે. રાજ્યમાં જન ધન યોજના, મુદ્રા યોજના, ઉજ્જવલા યોજના, પાક વીમા યોજના અને સૌભાગ્ય યોજના દ્વારા પ્રાપ્ત થયેલ લાભો અંગે પણ તેમણે માહિતી આપી હતી.

શ્રી નરેન્દ્ર મોદીએ જણાવ્યું કે જનજાતિના લોકોની હિતને ધ્યાનમાં રાખીને જંગલ અધિકાર કાયદો કડકાઈથી અમલમાં મુકવામાં આવી રહ્યો છે. તેમણે કહ્યું કે સરકાર આદિજાતિના કલ્યાણ માટે કાર્ય કરી રહી છે અને સમગ્ર દેશમાં એકલવ્ય વિદ્યાલયોનું નિર્માણ કરવામાં આવી રહ્યું છે.

RP

લોકપ્રિય સમાચાર

પ્રધાનમંત્રીએ 11 વર્ષના સમાવેશી વિકાસ અને રાષ્ટ્રીય સશક્તિકરણ પર પ્રકાશ પાડતો લેખ શેર કર્યો 11 Jun, 2025
મહાકુંભનું સમાપન થયું છે, ‘એકતાના મહાયજ્ઞ’નું સમાપન થયું છે; પ્રયાગરાજમાં એકતાના આ ભવ્ય મેળાવડાના સમગ્ર 45 દિવસ દરમિયાન, 140 કરોડ નાગરિકોની શ્રદ્ધા એક જ સમયે આ એક ઉત્સવમાં એકઠી થઈ, જે ખરેખર અભિભૂત કરનારું છે! : પ્રધાનમંત્રી 27 Feb, 2025
પ્રધાનમંત્રીએ 2025ના તમામ પદ્મ પુરસ્કાર વિજેતાઓને અભિનંદન પાઠવ્યા 25 Jan, 2025
સ્વામિત્વ યોજના હેઠળ પ્રોપર્ટી કાર્ડના વિતરણ દરમિયાન પ્રધાનમંત્રીના લાભાર્થીઓ સાથેના વાર્તાલાપ અને સંબોધનનો મૂળપાઠ 18 Jan, 2025
પ્રધાનમંત્રીએ સુપ્રસિદ્ધ ગાયક મોહમ્મદ રફીને તેમની 100મી જન્મજયંતી પર યાદ કર્યા 24 Dec, 2024

તાજા સમાચાર

પ્રધાનમંત્રીએ કેન્દ્રીય મંત્રી શ્રી ભૂપેન્દ્ર યાદવનો એક લેખ શેર કર્યો જે ગ્રેટર વન-હાર્ન્ડ રાઇનોસેરોસની સંરક્ષણ સફરને મજબૂત કરવાના પ્રયાસો પર પ્રકાશ પાડે છે 23 Sep, 2026
પુરુષોની વ્યક્તિગત સ્પર્ધામાં બ્રોન્ઝ જીતવા અને સોફ્ટ ટેનિસમાં ભારતના અત્યાર સુધીના પ્રથમ એશિયન ગેમ્સ મેડલ વિજેતા બનવા બદલ પ્રધાનમંત્રીએ જય મીણાને અભિનંદન પાઠવ્યા 23 Sep, 2026
પ્રધાનમંત્રીએ પરિનાઝ ધાલીવાલ, મહેશ્વરી ચૌહાણ અને રાયઝા ધિલ્લોનને મહિલા સ્કીટ ટીમ ઇવેન્ટમાં બ્રોન્ઝ મેડલ જીતવા બદલ અભિનંદન આપ્યા 23 Sep, 2026
પ્રધાનમંત્રી શ્રી નરેન્દ્ર મોદીએ મીરાબાઈ ચાનુને મહિલાઓની 49 કિગ્રા વેઈટલિફ્ટિંગ ઇવેન્ટમાં સિલ્વર મેડલ જીતવા બદલ અભિનંદન પાઠવ્યા 23 Sep, 2026
પ્રધાનમંત્રી શ્રી નરેન્દ્ર મોદીએ આજે આયુષ્માન ભારતના સફળ અમલીકરણના આઠ વર્ષ પૂર્ણ થવાના પ્રસંગે તેની સિદ્ધિઓ પર પ્રકાશ પાડ્યો હતો 23 Sep, 2026