পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীৰ পৌৰহিত্যত কেন্দ্ৰীয় কেবিনেটে শান্তিপূৰ্ণ উদ্দেশ্যত মহাকাশ অন্বেষণ আৰু উপযোগিতাৰ বাবে ভাৰতৰ মহাকাশ গৱেষণা সংস্থা আৰু বলিভিয়ান মহাকাশ সংস্থাৰ মাজত হোৱা বুজাবুজিৰ চুক্তিপত্ৰত অনুমোদন প্ৰদান কৰিছে৷

এই বুজাবুজিৰ চুক্তিপত্ৰত ভাৰতৰ ইছৰ’ আৰু বলিভিয়াৰ মহাকাশ এজেন্সীয়ে ২৯ মাৰ্চ ২০১৯ তাৰিখে ভাৰতৰ ৰাষ্ট্ৰপতিয়ে বলিভিয়া যাত্ৰাৰ সময়ত ছান্তাক্ৰুজ ডি লা ছিয়েৰা, বলিভিয়াত হস্তাক্ষৰ কৰিছিল৷

বিৱৰণঃ

এই বুজাবুজিৰ চুক্তিপত্ৰৰ দ্বাৰা পৃথিৱীৰ ৰিম’ট ছেন্সিং, উপগ্ৰহ যোগাযোগ, উপগ্ৰহভিত্তিক নেভিগেচন, মহাকাশ বিজ্ঞান আৰু গ্ৰহসম্বন্ধীয় অন্বেষণ, মহাকাশযান, মহাকাশ প্ৰণালী আৰু ভূ-তল প্ৰণালীৰ ব্যৱহাৰ তথা মহাকাশ প্ৰযুক্তিৰ ব্যৱহাৰসহিতে মহাকাশ বিজ্ঞান, প্ৰযুক্তি তথা অনুপ্ৰয়োগৰ দৰে সহযোগিতাৰ সম্ভাৱিত ক্ষেত্ৰসমূহক সমৃদ্ধ কৰিব৷
এই বুজাবুজিৰ চুক্তিপত্ৰৰ দ্বাৰা ইছৰ’ আৰু বলিভিয়া মহাকাশ এজেন্সীৰ সদস্যসমূহক অন্তৰ্ভুক্ত কৰি এক সংযুক্ত কাৰ্যপ্ৰণালী স্থাপন কৰাত সহায়ক হ’ব যি সময়সীমা আৰু বুজাবুজিৰ চুক্তিপত্ৰৰ কাৰ্যপ্ৰণালী সহিতে কাৰ্যযোজনা প্ৰস্তুত কৰিব৷

প্ৰণয়ন নীতি আৰু লক্ষ্যঃ

এই হস্তাক্ষৰিত বুজাবুজিৰ চুক্তিপত্ৰৰ দ্বাৰা নিৰ্দিষ্ট কাৰ্যসূচী পূৰণ কৰা তথা সময়সীমা অনুসৰি এক সংযুক্ত কাৰ্যপ্ৰণালী স্থাপন কৰাত সহায়ক হ’ব৷

মুখ্য প্ৰভাৱঃ

এই বুজাবুজিৰ চুক্তিপত্ৰৰ দ্বাৰা পৃথিৱীৰ ৰিম’ট ছেন্সিং, উপগ্ৰহ যোগাযোগ, উপগ্ৰহভিত্তিক নেভিগেচন, মহাকাশ বিজ্ঞান আৰু গ্ৰহসম্বন্ধীয় অন্বেষণ, মহাকাশযান, মহাকাশ প্ৰণালী আৰু ভূ-তল প্ৰণালীৰ ব্যৱহাৰ তথা মহাকাশ প্ৰযুক্তিৰ ব্যৱহাৰসহিতে মহাকাশ বিজ্ঞান, প্ৰযুক্তি তথা অনুপ্ৰয়োগৰ দৰে সহযোগিতাৰ সম্ভাৱিত ক্ষেত্ৰসমূহক সমৃদ্ধ কৰিব৷

অন্তৰ্নিহিত ব্যয়ঃ

প্ৰত্যেক নিৰ্দিষ্ট গতিবিধিৰ সম্বন্ধত বিত্তীয় যোগদান সংযুক্ত গতিবিধিৰ স্বৰূপৰ ওপৰত নিৰ্ভৰ কৰিব যি সম্বন্ধীয় প্ৰণয়ন চুক্তি (ব্যৱস্থাপনা)/ঠিকাত প্ৰদান কৰা হ’ব৷

লাভঃ

এই বুজাবুজিৰ চুক্তিৰ দ্বাৰা বাহৰেইন চৰকাৰৰ সৈতে সহযোগিতাৰ দ্বাৰা মানৱতাৰ কল্যাণৰ বাবে মহাকাশ প্ৰযুক্তিৰ অনুপ্ৰয়োগৰ ক্ষেত্ৰত সংযুক্ত গতিবিধি বিকশিত কৰাত সহায়ক হ’ব৷ এইদৰে দেশৰ বিভিন্ন ক্ষেত্ৰ লাভান্বিত হ’ব৷

পৃষ্ঠভূমিঃ

বলিভিয়া মহাকাশ এজেন্সীয়ে ভাৰতৰ ৰাজদূতক ২০১৬ বৰ্ষৰ ডিচেম্বৰ মাহত ইছৰ’ৰৰ সৈতে মহাকাশ সহযোগিতা স্থাপন কৰাৰ ইচ্ছা প্ৰকাশ কৰিছিল৷ এই পৰিপ্ৰেক্ষিতত ইছৰ’ই ৫-৬ জুন, ২০১৭ তাৰিখে প্ৰতিনিধীয় ভ্ৰমণৰ সময়ত পৃথিৱীৰ পৰ্যৱেক্ষণ আৰু উপগ্ৰহ যোগাযোগৰ সম্ভাৱিত ক্ষেত্ৰসমূহত সহযোগিতাৰ বিষয়ে চিন্তা ব্যক্ত কৰে৷ এবিই প্ৰতিনিধিয়ে বেংগালুৰুত ইছৰ’ৰ প্ৰযুক্তিগত সুবিধাসমূহৰ অৱলোকন কৰে৷ বলিভিয়া পক্ষই ভাৰতৰ সৈতে মহাকাশ সহযোগিতা আৰম্ভ কৰাৰ বাবে ইচ্ছা প্ৰকাশ কৰে৷ এই অনুৰোধৰ ভিত্তিত ভাৰত-বলিভিয়া মহাকাশ সহযোগিতাৰ বাবে এজেন্সী পৰ্যায়ত বুজাবুজিৰ চুক্তিপত্ৰৰ বাবে অনুমোদন প্ৰদান কৰা হয়৷ তদনুসাৰে বলিভিয়া পক্ষই নিজৰ সহমত প্ৰকাশ কৰে আৰু দুয়োটা পক্ষই হস্তাক্ষৰ কৰাৰ বাবে সহমত প্ৰকাশ কৰে৷

*****

VRRK/PK/SH/MANN