পি এম ইণ্ডিয়া

মোৰ শ্ৰদ্ধাৰ দেশবাসী,

মই গোটেই দিন পাঞ্জাৱত আছিলো৷

মোৰ কৰ্তব্য যে মই আপোনালোকক পোনপটীয়াকৈ জনাও৷

আজি উচ্চতম ন্যায়ালয়ে এক ঐতিহাসিক ৰায়দান দিয়ে,

যিটো বিগত শ শ বছৰ এক ইতিহাস আছিল৷

সমগ্ৰ দেশবাসীৰ এইটো ইচ্ছা আছিল যে এই বিষয়টো লৈ সদায়েই শুনানি হওক,

যিকি নহওক আজি চূড়ান্ত সিদ্ধান্ত ঘোষণা হ’ল৷

দশক দশক ধৰি চলা ন্যায় প্ৰক্ৰিয়াৰ এতিয়া শেষ হ’ল৷

বন্ধুসকল,

সমগ্ৰ বিশ্বই এইটো মানি নয় যে ভাৰত বৃহত্তম গণতান্ত্ৰিক দেশ আৰু আজি বিশ্ববাসীয়ে এইটোও জানিলে যে ভাৰতৰ গণতন্ত্ৰ কিমান জীৱন্ত আৰু শক্তিশালী৷

ৰায়দানৰ পাছত যিদৰে প্ৰতিটো শ্ৰেণী,

প্ৰতিটো সমূদায়,

প্ৰতিটো পন্থাৰ লোকসকল,

সমগ্ৰ দেশবাসীয়ে ইয়াক মুক্ত মনেৰে স্বীকাৰ কৰি লৈছে,

সেইটোৱে ভাৰতৰ প্ৰাচীন সংস্কৃতি,

পৰম্পৰা আৰু ভাতৃত্ববোধ মনোভাৱক প্ৰতিফলিত কৰিছে৷

ভাই–ভনীসকল,

ভাৰতক যাৰ বাবে জানে–ইয়াৰ অনৈক্যৰ মাজত ঐক্যতা, আজি আই মন্ত্ৰই স্পষ্ট ৰূপত পূৰ্ণতা পোৱাটো পৰিলক্ষিত হৈছে৷

হাজাৰ হাজাৰ বছৰৰ পাছতো কোনোবাই অনৈক্যৰ মাজত একতা,

ভাৰতৰ এই প্ৰাণৱন্তক উপলব্ধি কৰিবলৈ হ’লে আজিৰ এই ঐতিহাসিক দিনৰ,

আজিৰ ঘটনাৰ সহায় ল’ব,

যিটো আমি আজি নিজে ৰচনা কৰিছো,

নিজেই লিখিছো৷

বন্ধুসকল,

ভাৰতৰ ন্যায়পালিকাৰ ইতিহাসতো আজিৰ এই দিনটো এক স্বৰ্ণিল অধ্যায়ৰ দৰে৷

এই বিষয়টোৰ সন্দৰ্ভত ৰায়দান দিয়াৰ সময়ত উচ্চতম ন্যায়ালয়ে সকলোৰে মন্তব্য শুনে,

বহু ধৈৰ্যৰে শুনে আৰু সৰ্বসন্মতিক্ৰমে সিদ্ধান্ত ঘোষণা কৰে৷

এয়া সাধাৰণ কাম নহয়৷

উচ্চতম ন্যায়ালয়ে এই ৰায়দানৰ বেলিকা দৃঢ় ইচ্ছাশক্তি প্ৰদৰ্শিত কৰিছে৷

আৰু সেইবাবে,

দেশৰ ন্যায়াধীশ, ন্যায়ালয় আৰু আমাৰ ন্যায় প্ৰণালীক অভিনন্দনৰ পাত্ৰ৷

বন্ধুসকল,

৯ নৱেম্বৰ সেইটো দিন আছিল,

যেতিয়া বাৰ্লিনৰ প্ৰাচীৰ ধ্বংস হৈছিল৷

দুটা বিপৰীত ধাৰাৰ একেলগ হৈ নতুন সংকল্প লৈছিল৷

আজি ৯ নৱেম্বৰৰ দিনাই কাৰ্টাৰপুৰ কৰিডৰৰ আৰম্ভ হৈছে৷

ইয়াৰ ভাৰতৰো সহযোগ আছে, পাকিস্তানৰো আছে৷

আজি অযোধ্যা ৰায়দানৰ সমান্তৰালভাৱে ৯ নৱেম্বৰ তাৰিখত আমি একেলগ থাকি আগুৱাই যোৱা শিক্ষাও দিছে৷

আজিৰ দিনটোৱে আমি একেলগ হৈ জীয়াই থকাৰ বাৰ্তাও দিছে৷

এই বিষয়ক লৈ কেতিয়াবা ক’ৰবাত কাৰোবাৰ মনত বেয়া মনোভাৱ আছিল যদিও

আজি সেইবোৰ নাইকিয়া কৰাৰ দিন৷

নতুন ভাৰতত ভয়, বেয়া মনোভাৱ, নেতিবাচক চিন্তাৰ কোনো স্থান নাই৷

বন্ধুসকল.

সৰ্বোচ্চ ন্যায়ালয়ে আজি ৰায়দানে দেশবাসীক এই বাৰ্তাও দিলে যে অতি কঠিম বিষয়ৰ সমাধান সংবিধানৰ আওতালৈ আহে, আইনৰ আওতালে আহে৷

আমি, এই ৰায়াদানৰ পৰা শিকি লোৱা লাগে যে যদিও অলপ সময়ৰ প্ৰয়োজন হয়,

তথাপিও আমি ধৈৰ্য ধৰি থকাটো উচিত৷

যিকোনো পৰিস্থিতিত ভাৰতৰ সংবিধান, ভাৰতৰ ন্যায় প্ৰণালীৰ ওপৰত আমাৰ বিশ্বাস অটুট আছে, সেইটো গুৰুত্বপূৰ্ণ৷

বন্ধুসকল,

সৰ্ব্বোচ্চ ন্যায়ালয়ৰ এই ৰায়দানে আমাৰ বাবে এক নতুন সুৰ্যোদয় আনি দিব৷

এই বিবাদে কেইবাটাও প্ৰজন্মৰ ওপৰত প্ৰভাৱ পৰিলেও, কিন্তু এই ৰায়দানৰ পাছত আমি এই সংকল্প ল’ব লাগিব যে এতিয়া নতুন প্ৰজন্মই নতুন  উদ্যমেৰে নতুন ভাৰত নিৰ্মাণত যোগদান আগবঢ়াব৷

আঁহক এক নতুন আৰম্ভণি কৰো৷

এতিয়া এক নতুন ভাৰত নিৰ্মাণ কৰো৷

আমি আমাৰ বিশ্বাস আৰু বিকাশৰ এই  কথাৰ পৰা এইটো সুচাইছে যে মোৰ সৈতে আগুৱাব লগীয়া কোনো যাতে পিছপৰি ৰোৱা নাই৷

আমি সকলোকে লগত লৈ,

সকলোৰে বিকাশ সাধন কৰি আৰু সকলোকে বিশ্বাসত লৈ আগুৱাব লাগিব৷

বন্ধুসকল,

ৰাম মন্দিৰ নিৰ্মাণ ৰায়দান উচ্চতম ন্যায়ালয়ে প্ৰদান কৰিলে৷

এতিয়া দেশৰ প্ৰতিগৰাকী নাগৰিকৰ ৰাষ্ট্ৰ নিৰ্মাণৰ দায়িত্ববোধ আৰু বাঢ়িল৷

ইয়াৰ লগতে,

এগৰাকী নাগৰিক হিচাপে আমাৰ সকলোৰে বাবে দেশৰ ন্যায় প্ৰণালী পালন কৰা, নিয়ম–কানুনক সন্মান কৰাৰ দায়িত্বও বৃদ্ধি পালে৷

এতিয়া সমাজৰ খাতিৰত প্ৰতিগৰাকী ভাৰতীয়ই নিজৰ কৰ্তব্য, নিজৰ দায়িত্বক অগ্ৰাধিকাৰ দি কাম কৰিব লাগিব৷

আমাৰ মাজত সৌহাদ্য,

আমাৰ একতা,

আমাৰ শান্তি,

দেশৰ বিকাশৰ বাবে বহুত গুৰত্বপূৰ্ণ৷

আমি ভৱিষ্যতৰ দিশে চাব লাগিব, ভৱিষ্যতৰ ভাৰতৰ বাবে কাম কৰিব লাগিব৷

ভাৰতৰ সন্মুখত আৰু প্ৰত্যাহ্বান আছে,

লক্ষ্য আৰু সংকল্পও আছে৷

প্ৰতিগৰাকী ভাৰতীয়,

একত্ৰিত হৈ, একেলগে আগুৱাই এই লক্ষ্যত উপনীত হ’ম৷

জয় হিন্দ!

*****

VRRK/NG/MI/DB