পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি যোগ্যকাৰ্টাৰ ইউনেস্কো বিশ্ব ঐতিহ্য ক্ষেত্ৰ প্ৰম্বনন মন্দিৰ চৌহদ পৰিদৰ্শন কৰে। বিশেষ অভিব্যক্তি হিচাপে ইণ্ডোনেছিয়াৰ ৰাষ্ট্ৰপতি প্ৰাবোৱো ছুবিয়ান্তোৱেও প্ৰধানমন্ত্ৰীৰ সৈতে মন্দিৰ পৰিদৰ্শন কৰে। দুয়োগৰাকী নেতাই মন্দিৰ চৌহদত ভাৰতীয় পুৰাতাত্ত্বিক জৰীপ (এএছআই)ৰ সংৰক্ষণ আৰু পুনৰুদ্ধাৰ প্ৰকল্পৰ শুভাৰম্ভৰ সৈতে সংগতি ৰাখি এখন ফলক উন্মোচন কৰে।

নৱম শতিকাত নিৰ্মিত প্ৰম্বনন মন্দিৰ চৌহদ হৈছে ইণ্ডোনেছিয়াৰ সৰ্ববৃহৎ মন্দিৰ চৌহদ, যি ত্ৰিমুৰ্তি ভগৱান ব্ৰহ্মা, ভগৱান বিষ্ণু আৰু ভগৱান শিৱৰ প্ৰতি উৎসৰ্গিত। মন্দিৰ চৌহদটো ভাৰত আৰু ইণ্ডোনেছিয়াৰ মাজত অংশীদাৰী সভ্যতা আৰু সাংস্কৃতিক ঐতিহ্যৰ এক স্থায়ী প্ৰতীক হিচাপে স্বাক্ষৰ বহন কৰি আছে।

প্ৰম্বনন চৌহদত মন্দিৰসমূহৰ পুনৰুদ্ধাৰৰ বাবে ভাৰতৰ সহায় অন্বেষণ কৰিবলৈ ২০২৫ চনত ৰাষ্ট্ৰপতি প্ৰাবোৱোৰ ভাৰত ভ্ৰমণৰ সময়ত দুয়োগৰাকী নেতাৰ মাজত হোৱা বুজাবুজিৰ ফলশ্ৰুতিত এই সংৰক্ষণ প্ৰকল্পটোৰ শুভাৰম্ভ হৈছিল।

দক্ষিণ-পূব এছিয়াৰ কেইবাটাও বিশ্ব ঐতিহ্য ক্ষেত্ৰৰ ঐতিহ্য পুনৰুদ্ধাৰ আৰু সংৰক্ষণৰ ক্ষেত্ৰত ভাৰতৰ বিশেষ কৃতিত্ব আছে। এ এছ আয়ে ইয়াৰ পূৰ্বে ইণ্ডোনেছিয়াৰ বোৰোবোদুৰ মন্দিৰ চৌহদৰ নথিকৰণৰ কামো হাতত লৈছে। প্ৰম্বনন মন্দিৰ চৌহদৰ পুনৰুদ্ধাৰ আৰু সংৰক্ষণৰ বাবে ভাৰতৰ সহযোগিতাই অংশীদাৰী সভ্যতাৰ ঐতিহ্য সংৰক্ষণৰ বাবে ইয়াৰ স্থায়ী দায়বদ্ধতাক প্ৰতিফলিত কৰে।

***

MJPS/SS/ST/NB