পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি ইজৰাইলৰ প্ৰধানমন্ত্ৰী মাননীয় বেঞ্জামিন নেতান্যাহুৰ সৈতে টেলিফোনযোগে বাৰ্তালাপ কৰে।

দুয়োগৰাকী নেতাই নৱবৰ্ষৰ শুভেচ্ছা বিনিময় কৰাৰ লগতে দুয়োখন দেশৰ জনসাধাৰণৰ শান্তি আৰু সমৃদ্ধি কামনা কৰে।

তেওঁলোকে সমাগত বছৰটোত ভাৰত-ইজৰাইলৰ কৌশলগত অংশীদাৰিত্ব অধিক শক্তিশালী কৰাৰ বাবে গণতান্ত্ৰিক মূল্যবোধ, গভীৰ পাৰস্পৰিক বিশ্বাস আৰু এক অগ্ৰগামী দৃষ্টিভংগীৰ দ্বাৰা পৰিচালিত অংশীদাৰী অগ্ৰাধিকাৰসমূহ চিনাক্ত কৰে।

তেওঁলোকে সন্ত্ৰাসবাদৰ সকলো ৰূপ আৰু প্ৰকাশৰ প্ৰতি তেওঁলোকৰ শূন্য-সহনশীলতাৰ দৃষ্টিভংগীৰ পুনৰাবৃত্তি কৰে আৰু এই বিপদৰ বিৰুদ্ধে যুঁজিবলৈ তেওঁলোকৰ প্ৰতিশ্ৰুতি পুনৰ নিশ্চিত কৰে।

প্ৰধানমন্ত্ৰী নেতান্যাহুৱে প্ৰধানমন্ত্ৰীক গাজা শান্তি পৰিকল্পনা ৰূপায়ণৰ বিষয়ে অৱগত কৰে। প্ৰধানমন্ত্ৰীয়ে অঞ্চলটোত এক ন্যায়সংগত আৰু দীৰ্ঘস্থায়ী শান্তিৰ প্ৰচেষ্টাৰ বাবে ভাৰতৰ ধাৰাবাহিক সমৰ্থনৰ কথা দোহাৰে।

তেওঁলোকে পাৰস্পৰিক স্বাৰ্থৰ আঞ্চলিক আৰু গোলকীয় বিষয়সমূহৰ ওপৰতো মতামত বিনিময় কৰে।

দুয়োগৰাকী নেতাই সম্পৰ্ক বৰ্তাই ৰাখিবলৈ সন্মত হয়।

***

MJPS/SR/MK