পি এম ইণ্ডিয়া

কীৰ্গিজ গণৰাজ্যৰ ৰাষ্ট্ৰপতি শ্ৰীযুত সুৰণবে ছাৰিপ’ভিচ জীনবেকভে নতুন দিল্লীত ৩০ মে’, ২০১৯ত আয়োজিত প্ৰধানমন্ত্ৰী শ্ৰী নৰেন্দ্ৰ মোদীৰ শপত গ্ৰহণ অনুষ্ঠানত অংশগ্ৰহণ কৰে৷

কীৰ্গিস্তানে বৰ্তমান ছাংহাই সহযোগিতা সংস্থাৰ নেতৃত্ব বহন কৰি থকাৰ লগতে ই মধ্য এছিয়াৰ ভাৰতৰ এক গুৰুত্বপূৰ্ণ সহযোগী দেশ৷ ৰাষ্ট্ৰপতি জীনবেকভে প্ৰধানমন্ত্ৰীক উষ্ম আদৰণি জনোৱাৰ লগতে ১৩-১৫ জুনত অনুষ্ঠিত হ’বলগীয়া এছচিঅ’ সন্মিলন তথা দ্বিপাক্ষিক ভ্ৰমণৰ বাবে আমন্ত্ৰণ জনায়৷

ভাৰত আৰু কীৰ্গিস্তানৰ মাজত উষ্ম আৰু বন্ধুত্বপূৰ্ণ সম্পৰ্কৰ কথা দোঁহাৰি প্ৰধানমন্ত্ৰীয়ে বিগত বছৰসমূহৰ দ্বিপাক্ষিক সহযোগিতা সুদৃঢ় কৰাক লৈ সন্তষ্টি প্ৰকাশ কৰে৷ শপতগ্ৰহণ অনুষ্ঠানত উপস্থিত থকাৰ বাবে তেওঁ ৰাষ্ট্ৰপতি জীনবেকভক ধন্যবাদ জনাই আৰু কীৰ্গিস্তান ভ্ৰমণৰ বাবে জনোৱা আমন্ত্ৰণৰ বাবে কৃতজ্ঞতা প্ৰকাশ কৰি সেই ভ্ৰমণৰ বাবে আগ্ৰহেৰে অপেক্ষা কৰিব বুলি কয়৷

****

AKT/KP/DB