পি এম ইণ্ডিয়া

চাফাই কৰ্মচাৰীৰ ৰাষ্ট্ৰীয় আয়োগ(এনচিএছকে)ৰ ম্যাদ ৩১.৩.২০১৯ৰ বিপৰীতে আৰু তিনি বছৰলৈ বৃদ্ধিৰ প্ৰস্তাৱত কেন্দ্ৰীয় কেবিনেটে অনুমোদন জনাইছে৷

মুল বৈশিষ্ট্যসমূহঃ

এনচিএছকে আইন ১৯৯৩ৰ অধীনত ১৯৯৩ চনত প্ৰথম অৱস্থাত ৩১.৩.১৯৯৭ চনলৈকে এক সময় ধাৰ্য কৰি এনচিএছকেৰ স্থাপন কৰা হৈছিল৷ পৰৱৰ্তী সময়ত এই আইনখনৰ ম্যাদ ৩১.৩.২০০২ আৰু তাৰ পাছত ২৯.০২.২০০৪লৈ বৃদ্ধি কৰা হয়৷ এই এনচিএছকে আইনখন ২৯.০২.২০০৪ৰ পৰা কাৰ্যকৰী হোৱাকৈ বাতিল কৰা হয়৷ ইয়াৰ পাছত এনচিএছকেক এক অ-বিধিবদ্ধ সংস্থা হিচাপে সময়ে-সময়ে ম্যাদ বৃদ্ধি কৰা হৈছে৷ বৰ্তমানৰ আয়োগৰ ম্যাদ ৩১.৩.২০১৯লৈ বাহাল থাকিব৷

মুখ্য প্ৰভাৱঃ

দেশৰ চাফাই কৰ্মচাৰী তথা এনে কামৰ সৈতে জড়িত ব্যক্তিসকল এই প্ৰস্তাৱিত সিদ্ধান্তৰ মুখ্য হিতাধিকাৰী হ’ব আৰু এনচিএচকেই এই লোকসকলৰ কল্যান তথা তেওঁলোকৰ উন্নয়নৰ হকে কাম কৰিব৷ হাতেৰে কাম কৰা চাফাই কৰ্মীৰ সংখ্যা এমএছ আইনৰ ৩১.৩.২০১৯ৰ সমীক্ষা মতে ১৪,২২৬গৰাকী আৰু নিটী আয়োগৰ পৰামৰ্শক্ৰমে সামাজিক ন্যায় আৰু সবলীকৰণ মন্ত্ৰালয়ে কৰা সমীক্ষা মতে ৩১.০১.২০১৯লৈকে এই সংখ্যা ৩১,১২৮গৰাকী৷

পটভূমিঃ

উল্লেখ্য যে চৰকাৰে চাফাই কৰ্মী আৰু তেওঁলোকৰ পৰিয়ালৰ কল্যান তথা উন্নীতকৰণৰ হকে সময়ে-সময়ে এলানি কাৰ্যসূচী গ্ৰহণ কৰি আহিছে৷ বিভিন্ন সময়ত লাভ কৰা অভিযোগৰ ভিত্তিত আইনৰ জৰিয়তে তেওঁলোকৰ সুৰক্ষাৰ দিশতো চৰকাৰে পদক্ষেপ গ্ৰহণ কৰি আহিছে৷ ইয়াৰ ভিত্তিতে চৰকাৰে চাফাই কৰ্মচাৰীৰ ৰাষ্ট্ৰীয় আয়োগৰ ম্যাদ পৰৱৰ্তী তিনি বছৰৰ বাবে বৃদ্ধিৰ প্ৰস্তাৱত অনুমোদন জনায়৷

AKT/DB