পি এম ইণ্ডিয়া

প্ৰধানমন্ত্রী শ্রী নৰেন্দ্ৰ মোদীয়ে আজি সংসদত উত্থাপন কৰা বাজেটৰ ভূয়সী প্ৰশংসা কৰি কয় যেন নতুন ভাৰতৰ বাবে এই বাজেটে সমগ্ৰ দেশবাসীক উজ্জীৱিত কৰিব৷ ২০১৯-২০ বৰ্ষৰ অন্তৱর্তীকালীন বাজেট উত্থাপন কৰাৰ পাছত একাধিক টুইট বার্তাৰ লগতে এক বিবৃতিত প্ৰধানমন্ত্রীয়ে কয় যে ১২ কোটিৰ অধিক কৃষক আৰু তেওঁলোকৰ পৰিয়াল, ৩ কোটিতকৈ অধিক মধ্যবিত্ত শ্রেণীৰ কৰদাতা তথা তেওঁলোকৰ পৰিয়ালকে ধৰি ৩০-৪০ কোটি শ্ৰমজীৱি লোক নতুন ভাৰতৰ বাবে বাজেটৰ জৰিয়তে ধন্য হ’ব৷

প্ৰধানমন্ত্রীয়ে কয় যে এনডিএ চৰকাৰৰ উন্নয়নমূলক প্ৰচেষ্টাৱলীৰ ফলত বহু লোক উপকৃত হৈছে, যাৰ প্ৰতিফলন ঘটিছে এইবাৰৰ বাজেটত৷ এই বাজেটত কৃষক কল্যাণৰ পৰা মধ্যবিত্ত শ্রেণীৰ লোকসকলৰ সুবিধালৈ, আয়কৰ ৰেহাই সীমাৰ পৰা আন্তঃগাঁথনিমূলক খণ্ডলৈকে, নিৰ্মাণ খণ্ডৰ পৰা এমএছএমই খণ্ডৰ কল্যাণৰ কথা চিন্তা কৰা হৈছে৷

দৰিদ্ৰতাৰ কৱলৰ পৰা বহু লোকক মুক্তি পোৱাক লৈ প্ৰধানমন্ত্রীয়ে সন্তোষ প্ৰকাশ কৰে৷ তেওঁ কয় যে আমাৰ নতুন মধ্যবিত্ত শ্রেণীৰ সংখ্যা বৃদ্ধি পোৱাৰ সমান্তৰালভানে তেওঁলোকৰ সপোনো বৃদ্ধি হৈছে৷ কৰ ৰেহাই পোৱাক লৈ মধ্যবিত্ত শ্রেণীক অভিনন্দন জনাই প্ৰধানমন্ত্ৰী মোদীয়ে কয় যে দেশৰ উন্নয়নত মধ্যবিত্ত শ্রেণীৰ অপৰিসীম অৱদানৰ বাবে মই তেওঁলোকক অভিনন্দন জনাইছো৷

বাজেটত কৃষক কল্যাণমূলক প্ৰচেষ্টাৱলীৰ প্ৰসংগত প্ৰধানমন্ত্ৰী মোদীয়ে খেদ প্ৰকাশ কৰি কয় যে বিগত কেইটামান বছৰৰ পৰা কৃষকৰ স্বার্থত বহু প্ৰচেষ্টা লোৱা হৈছে যদিও, এই প্ৰচেষ্টাৱলীৰ সা-সুবিধাৰ পৰা কৃষকসকল বঞ্চিত হৈছে৷ প্ৰধানমন্ত্ৰী কিষাণ নিধি আঁচনিক কৃষক কল্যাণৰ দিশত এক ঐতিহাসিক পদক্ষেপ হিচাপে উল্লেখ কৰি প্ৰধানমন্ত্ৰী মোদীয়ে কয় যে যিসকল কৃষকৰ ৫ একৰতকৈ কম ভূমি আছে, সেইসকলৰ এই আঁচনিৰ জৰিয়তে বিশেষভাবে লাভান্বিত হ’ব৷ এই বাজেটত পশু পালন, মীনপাল খণ্ডৰ উন্নয়নত দিশতো কেতবোৰ প্ৰস্তাৱ লোৱা হৈছে বুলি প্ৰধানমন্ত্রীয়ে লগতে কয়৷
অসংগঠিত খণ্ডৰ স্বার্থ ৰক্ষাৰ প্ৰতি গুৰত্ব আৰোপ কৰি প্ৰধানমন্ত্ৰীয়ে কয় যে প্ৰধানমন্ত্রী শ্ৰম যোগী ধন যোজনাই এই ক্ষেত্রৰ ব্যাপকভাবে সহায় কৰিব৷ এই বাজেটত স্বাভাৱিকভাবেই অসংগঠিত খণ্ডৰ স্বার্থ ৰক্ষাত বিশেষ গুৰুত্ব দিয়া হৈছে৷ আয়ুষ্মান ভাৰত যোজনা আৰু সামাজিক সুৰক্ষাৰ দৰে আঁচনিসমূহে অসংগঠিত খণ্ডৰ সৈতে জড়িত লোক উপকৃত কৰিব বুলিও তেওঁ সদৰি কৰে৷

সমাজৰ সকলো শ্রেণীয়ে উন্নয়নৰ সুফলসমূহ উপভোগ কৰাটো সুনিশ্চিত কৰাটো অতিকে গুৰুত্বপূর্ণ বুলি মন্তব্য কৰি প্ৰধানমন্ত্রীয়ে কয়, “এই বাজেটে দুখীয়া লোকসকলক সবল কৰাৰ লগতে কৃষকসকলক উদ্গনি যোগাই অৰ্থনৈতিক বৃদ্ধিত অৰিহণা যোগাব৷”

***

AKT/SH/SBP/DB