পি এম ইণ্ডিয়া

গাজাত শান্তি স্থাপনৰ প্ৰচেষ্টাই নিৰ্ণায়ক অগ্ৰগতি লাভৰ সময়তে প্ৰধানমন্ত্ৰী শ্ৰী নৰেন্দ্ৰ মোদীয়ে আজি ৰাষ্ট্ৰপতি ড’নাল্ড ট্ৰাম্পৰ নেতৃত্বক আদৰণি জনায়। শ্ৰী মোদীয়ে কয় যে পণবন্দীসকলক মুকলি কৰি দিয়াৰ প্ৰয়াসে অব্যাহত মানৱীয় আৰু কূটনৈতিক প্ৰচেষ্টাৰাজিত এক উল্লেখযোগ্য পদক্ষেপ গ্ৰহণ কাৰ্য্যক সূচিত কৰে।

প্ৰধানমন্ত্ৰীগৰাকীয়ে পুনৰ দৃঢ়তাৰে কয় যে ভাৰতে অঞ্চলটোত স্থায়ী আৰু ন্যায্য শান্তি স্থাপনৰ বাবে অৰিহণা যোগোৱা সকলো পদক্ষেপক সমৰ্থন জনোৱাৰ অংগীকাৰত অটল হৈ আছে।

শ্ৰী মোদীয়ে এক্স-ৰ এটা প’ষ্টত এইদৰে লিখিছেঃ

“গাজাত শান্তি স্থাপনৰ প্ৰচেষ্টাই নিৰ্ণায়ক অগ্ৰগতি লাভৰ সময়তে আমি ৰাষ্ট্ৰপতি ট্ৰাম্পৰ নেতৃত্বক আদৰণি জনাইছোঁ। পণবন্দীসকলক মুকলি কৰি দিয়াৰ প্ৰয়াসে এক উল্লেখযোগ্য পদক্ষেপ গ্ৰহণ কাৰ্য্যক সূচিত কৰিছে।

ভাৰতে স্থায়ী আৰু ন্যায্য শান্তি স্থাপনৰ অৰ্থে গ্ৰহণ কৰা সকলো পদক্ষেপলৈ সমৰ্থন আগবঢ়াই যাব।

@realDonaldTrump

@POTUS”

We welcome President Trump’s leadership as peace efforts in Gaza make decisive progress. Indications of the release of hostages mark a significant step forward.

India will continue to strongly support all efforts towards a durable and just peace.@realDonaldTrump @POTUS

— Narendra Modi (@narendramodi) October 4, 2025

***

MJPS/SR/SB