পি এম ইণ্ডিয়া

প্ৰধানমন্ত্ৰী নৰেন্দ্ৰ মোদীয়ে এইপৰ্যন্ত লাভ কৰা বিভিন্ন উপহাৰসমূহৰ নিলাম প্ৰক্ৰিয়া শনিবাৰে সন্ধিয়া সামৰণি পৰে৷

নিলাম প্ৰক্ৰিয়াই দেশৰ জনসাধাৰণৰ পৰা ব্যাপক সঁহাৰি লাভ কৰে৷ দুটা পৰ্যায়ত এই প্ৰক্ৰিয়া সম্পন্ন হয়৷ এটা হ’ল নেচনেল গেলেৰী অৱ ম’ডাৰ্ণ আৰ্টত আয়োজিত দুদিনীয়া নিলাম আৰু pmmementos.gov.in ৱেৱছাইটৰ জৰিয়তে ই-নিলাম৷

এই সময়ছোৱাত প্ৰধানমন্ত্ৰীৰ ১৮০০ স্মৃতিচিহ্ন নিলাম হয়৷

নিলামৰ পৰা লাভ কৰা ধন নমামী গংগে আঁচনিৰ দৰে মহৎ কামত ব্যৱহাৰ কৰা হ’ব৷

নিলামৰ কেইটামান গুৰুত্বপূৰ্ণ দিশঃ

নেচনেল গেলেৰী অৱ ম’ডাৰ্ণ আৰ্টত আয়োজিত দুদিনীয়া নিলামত হস্তনিৰ্মিত কাঠৰ বাইকে ৫ লাখ টকা লাভ কৰে৷ একেই পৰিমাণৰ ধন লাভ কৰে প্ৰধানমন্ত্ৰী নৰেন্দ্ৰ মোদীক অংকন কৰা এখন বিশেষ পেইণ্টিঙে৷

ই-নিলামত চমকপ্ৰদ মূল্য লাভ কৰা কেইটামান উপহাৰ—

• ৫ হাজাৰ টকা মূল্যৰ ভগৱান শিৱৰ এটি মূৰ্তিয়ে নিলামত ১০ লাখ দৰ লাভ কৰে৷ ভিত্তিমূল্যতকৈ ই হ’ল ২০ গুণ অধিক৷

• ৪ হাজাৰ টকাৰ ভিত্তিমূল্যৰ কাঠেৰে নিৰ্মিত অশোক স্তম্ভৰ এটি ৰেপ্লিকা ১৩ লাখত বিক্ৰী হয়৷

• অসমৰ মাজুলীৰ এটি পৰম্পৰাগত শৰাইৰ মূল্য নিলামত ১২ লাখ টকা হয়৷ ইয়াৰ ভিত্তিমূল্য আছিল ২০০০টকা৷

• অমৃতশৰৰ এছজিপিচিৰ পৰা লাভ কৰা এটি বিশেষ উপহাৰে ১০.১ লাখ টকা লাভ কৰে৷ ইয়াৰ ভিত্তিমূল্য আছিল ১০হাজাৰ টকা৷

• ৪হাজাৰ টকাৰ ভিত্তিমূল্যৰ গৌতম বুদ্ধৰ এটি মূৰ্তিয়ে নিলামত ৭ লাখ লাভ কৰে৷

• প্ৰধানমন্ত্ৰী মোদীক নেপালৰ প্ৰধানমন্ত্ৰী শ্ৰী সুশীল কৈৰালাই আগবঢ়োৱা এটি বাঘৰ পৰম্পৰাগত পিতলৰ মূৰ্তিৰ মূল্য নিলামত ৫.২০ লাখ স্পৰ্শ কৰে৷

• ১০ হাজাৰ টকা ভিত্তিমূল্যৰ এটি ৰূপৰ কলহে ৬লাখ টকা লাভ কৰে৷

আন বহুতো স্মৃতিচিহ্নই নিলামত ভিত্তিমূল্যতকৈ বহুগুণে অধিক মূল্য লাভ কৰে৷

প্ৰধানমন্ত্ৰী মোদীয়ে আনকি গুজৰাটৰ মুখ্যমন্ত্ৰী হৈ থাকোতেও এইদৰে উপহাৰৰ নিলাম কৰিছিল৷ উক্ত ধন কন্যা শিশুৰ শিক্ষাৰ নামত ব্যয় কৰা হৈছিল৷ একেই অভ্যাস অব্যাহত ৰাখি প্ৰধানমন্ত্ৰীয়ে পবিত্ৰ গংগা নদীৰ স্বচ্ছতাৰ বাবে উপহাৰৰ সামগ্ৰীসমূহ নিলাম কৰে৷

****

AKT/KP/MS