পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি ফ্ৰান্সৰ ইভিয়ানত অনুষ্ঠিত জি৭ সন্মিলনত “সকলোৰে বাবে এক সন্তুলিত, অংশীদাৰী আৰু বহনক্ষম অৰ্থনৈতিক বিকাশ পুনৰুজ্জীৱিতকৰণ” শীৰ্ষক আলোচনাচক্ৰত ভাষণ প্ৰদান কৰে।

অংশীদাৰী আৰু বহনক্ষম বিকাশৰ ওপৰত সন্মিলনখনৰ গুৰুত্বক প্ৰশংসা কৰি প্ৰধানমন্ত্ৰীয়ে উল্লেখ কৰে যে অনিশ্চয়তাৰ দ্বাৰা বিশ্বখন প্ৰভাৱিত হোৱাৰ সময়ত বহনক্ষম বিকাশৰ বাৰ্তা সমগ্ৰ বিশ্বতে অৰ্থপূৰ্ণভাৱে গ্ৰহণ কৰা হ’ব। তেওঁ কয় যে বিকাশ কেৱল জিডিপি বা বাণিজ্যিক সংখ্যাৰ ওপৰত হোৱা উচিত নহয়, বৰং জনসাধাৰণৰ অন্তৰ্ভুক্তি আৰু কল্যাণৰ ওপৰত ইয়াৰ প্ৰকৃত প্ৰভাৱ হোৱা উচিত। এই সন্দৰ্ভত তেওঁ “সকলোৰে সৈতে, সকলোৰে বিকাশ, সকলোৰে বিশ্বাস, সকলোৰে প্ৰয়াস” নীতিৰ ওপৰত আধাৰিত ভাৰতৰ সামগ্ৰিক বিকাশৰ কাহিনীৰ ওপৰত আলোকপাত কৰে।

প্ৰধানমন্ত্ৰীয়ে উল্লেখ কৰে যে ভাৰতৰ অন্তৰ্ভুক্তিমূলক বিকাশৰ মন্ত্ৰই ইয়াৰ আন্তঃৰাষ্ট্ৰীয় সম্পৰ্ককো পথ প্ৰদৰ্শন কৰিছে, সেইটো ইয়াৰ জি-২০ৰ অধ্যক্ষতাত “এক পৃথিৱী, এক পৰিয়াল, এক ভৱিষ্যত”ৰ মূলমন্ত্রৰ সৈতে যথাযথভাৱে প্ৰতিফলিত হৈছিল। তেওঁ লগতে কয় যে একেধৰণৰ দৃষ্টিভংগীয়ে যোগান শৃংখল শক্তিশালী কৰিবলৈ, বিনিয়োগ আৰু নিযুক্তিৰ সুযোগ সৃষ্টি কৰিবলৈ আৰু উদ্ভাৱনক উৎসাহিত কৰিবলৈ ভাৰত মধ্য প্ৰাচ্য ইউৰোপ অৰ্থনৈতিক কৰিডৰ (আইএমইচি) ৰ ধাৰণাক পথ প্ৰদৰ্শন কৰিছিল। সংকট আৰু সংঘাতে গোলকীয় দক্ষিণত দুৰ্বল প্ৰভাৱ পেলাইছে বুলি উল্লেখ কৰি তেওঁ তেওঁলোকৰ বোজা হ্ৰাস কৰিবলৈ আন্তঃৰাষ্ট্ৰীয় সংহমৰ্মিতাৰ আহ্বান জনায়। তেওঁ পৰামৰ্শ দিয়ে যে আন্তঃৰাষ্ট্ৰীয় বিত্তীয় প্ৰতিষ্ঠানসমূহে উন্নয়নশীল দেশসমূহক অৰ্থনৈতিক দৃঢ়তা প্ৰদান কৰিব পৰা সমৰ্থন প্ৰণালী বিকশিত কৰা উচিত। তেওঁ লগতে আই এম ই চি ৰ দৰে আফ্ৰিকা, লেটিন আমেৰিকা আৰু প্ৰশান্ত মহাসাগৰীয় দ্বীপপুঞ্জৰ দেশসমূহক সংযোগকাৰী প্ৰকল্পসমূহ বিবেচনা কৰাৰ বাবেও আহ্বান জনায়। এই দৃষ্টিভংগীক বাস্তৱায়িত কৰিবলৈ প্ৰধানমন্ত্ৰীয়ে যোগাযোগ আৰু বাণিজ্য ত্বৰান্বিত কৰাৰ বাবে ইণ্টাৰনেচনেল ম’বিলাইজেচন পাৰ্টনাৰশ্বিপ সৃষ্টি কৰাৰ পৰামৰ্শ দিয়ে, য’ত জি৭-ৰ মূলধন, ভাৰতৰ প্ৰতিভা আৰু গোলকীয় দক্ষিণৰ মালিকানা একত্ৰিত কৰিব পৰা যায়।

প্ৰধানমন্ত্ৰীয়ে এক সুস্থিৰ, বিশ্বাসযোগ্য আৰু সমৃদ্ধিশালী বিশ্ব অৰ্থনীতিৰ প্ৰতি ভাৰতৰ দায়বদ্ধতা পুনৰ নিশ্চিত কৰি উল্লেখ কৰে যে একত্ৰীকৰণ, অংশীদাৰিত্ব আৰু অংশীদাৰী প্ৰগতিৰ ওপৰত ইয়াৰ বিশ্বাসে ইয়াক জি৭ ৰ সদস্য আৰু আন কেইবাখনো দেশৰ সৈতে বাণিজ্যিক চুক্তি আগবঢ়াই নিবলৈ অনুপ্ৰাণিত কৰিছে।

*****

MJPS/SS/ST/HS