পি এম ইণ্ডিয়া

ইয়াত উপস্থিত ভদ্ৰপুৰুষ তথা ভদ্ৰমহিলাসকল৷

পূৰ্বাঞ্চলৰ মহান শিল্পকাৰ ভাই  লোগনলৈ প্ৰণাম৷ দেশ আৰু বিশ্বত নিজৰ হাতৰ যাদু প্ৰদৰ্শন কৰা বন্ধু-ভগিনীসকললৈ অলেখ অভিনন্দন৷ প্ৰাচীন কালৰে পৰা কাশী নগৰী বিশ্ব বজাৰত প্ৰসিদ্ধ৷ ৰেচমৰ শাৰীয়েই হওক অথবা পুতলা, মোৰ কাশী সবাতোকৈ আগত৷

যেতিয়া পচোৰী মহোদয়ে ভাষণত প্ৰধানমন্ত্ৰী আমাৰ অতিথিৰ ৰূপত আহিছে বুলি কৈছিল, দৰাচলতে নহয়, মই অতিথি নহয়৷ আপোনালোকে মোক ইমান মৰম দিছে, মোক নিজৰ কৰি লৈছে৷ মোক কোৱা হৈছে যে ছিল্ক, ফেব্ৰিক, সুতা, কাপোৰ আৰু দলিচাৰ সৈতে জড়িত ১১খন জিলাৰ উদ্যমী ইয়ালৈ আহিছে৷ আৰু কিছু দেৰী পূৰ্বে ইয়াত যি বিপণী স্থাপন কৰা হৈছিল, তাত ইটোতকৈ সিটো উন্নত সামগ্ৰী প্ৰদৰ্শন কৰা হৈছে৷ ইয়াত কিছুমান লোকে ঋণৰ সাহায্য পোৱাৰ লগতে কিছুমানে হস্তশিল্পৰ সৈতে জড়িত সামগ্ৰী লাভ কৰিছে৷ আপোনালোক সকলোকে অলেখ অভিনন্দন তথা শুভকামনা জনাইছো৷

বন্ধুসকল, কিছু দেৰী পূৰ্বে ইয়াত বাৰাণসী আৰু দেশৰ সৈতে জড়িত কোটি টকাৰ প্ৰকল্পৰ লোকাৰ্পণ আৰু আধাৰশিলা স্থাপন কৰা হৈছে৷ ইয়াত বাৰাণসীৰ আন্তঃগাঁথনিৰ সৈতে জড়িত প্ৰকল্পটো আছেই, নগতে টেলিকম বিভাগৰ সমগ্ৰ দেশৰ পেঞ্চনধাৰী ভাতৃ-ভগ্নীসকলক সুবিধা প্ৰদান কৰা যোজনাও অন্তৰ্ভুক্ত কৰা হৈছে৷ এই সকলো পৰিযোজনাৰ বাবে বাৰাণসীসহিতে সমূহ হিতাধিকাৰীসকললৈ অলেখ অভিনন্দন জনাইছো৷ 

ভাতৃ আৰু ভগ্নীসকল, আজি ইয়াত যিমানবোৰ যোজনা অথবা পৰিযোজনাৰ আধাৰশিলা স্থাপন কৰা হৈছে, সেই সকলোবোৰৰ  মূলতে এটা কথাই মুখ্য- আৰু সেই কথাটো হ’ল, ব্যৱসায় সহজ হওক, ইজ অব্ লিভিং আৰু ইজ অব্ ডুয়িং বিজনেছ সহজ হওক, অৰ্থাৎ জীৱন সৰল হওক, সুগম হওক আৰু ব্যৱসায় কৰাটো সহজ হওক৷ এই দুয়োটাত নিজৰ মাজত যি সম্পৰ্ক আছে সিমানেই বিকাশৰ এই সমূহ প্ৰকল্পত পৰস্পৰে পৰস্পৰৰ সৈতে সম্বন্ধ আছে৷ চৰকাৰ মেক ইন ইণ্ডিয়া অভিযানক সবলীকৰণ কৰাৰ বাবে প্ৰতিশ্ৰুতিবদ্ধ৷

উত্তৰ প্ৰদেশ চৰকাৰৰ এক জিলা, এক উৎপাদনৰ এই প্ৰয়োগ মেক ইন ইণ্ডিয়াৰেই এক প্ৰকাৰৰ কাৰ্যসূচী হিচাপে বিবেচিত হৈছে৷ এই যোজনাই উত্তৰ প্ৰদেশক বিশ্বৰ ঔদ্যোগিক মানচিত্ৰত স্থাপিত কৰিবলৈ সক্ষম হ’ব৷ ইয়াৰ বাবে মই যোগী মহোদয় আৰু তেওঁৰ সমগ্ৰ দলটোক অভিনন্দন জনাইছো৷ উত্তৰ প্ৰদেশ সৰু-ডাঙৰ উদ্যোগসমূহৰ কেন্দ্ৰস্থল হৈ পৰিছে৷ কৃষিৰ পিছত সকলোতকৈ অধিক কৰ্ম সংস্থাপন এমএছএমই খণ্ডত হয়৷ এয়া এমএছএমই খণ্ডৰ পৰম্পৰাৰ এক অংশস্বৰূপ হিচাপে বিবেচিত হৈছে৷

মোৰাদাবাদৰ পিতলৰ কলাই হওক, ভদোইৰ দলিচা, বাৰাণসীৰ ৰেচমৰ সামগ্ৰী, ইয়াৰ শাড়ী, আগ্ৰাৰ পেঠা, মেৰথৰ খেলৰ সামগ্ৰী, লক্ষ্ণৌৰ চিকেনকাৰী, গোৰখপুৰৰ টেৰাকটা কাল, প্ৰতাপগড়ৰ আম্বলা, শ্ৰাৱস্তীৰ থাৰু কলা; সকলো জিলাতে কিবা নহয় কিবা এটা ভিন্নতা আছে, বিশেষত্ব আছে; যাৰ দ্বাৰা ইয়াৰ অসংখ্য লোক নিয়োজিত হৈছে৷ এই কলাৰ প্ৰসাৰণৰ বাবে এক জনপদ- এক উৎপাদন যোজনাই লাভদায়ক হিচাপে বিবেচিত হ’ব৷

বন্ধুসকল, বাৰাণসীসহিতে এই সমগ্ৰ পূৰ্বাঞ্চল হস্তশিল্পৰ এক কেন্দ্ৰৰ দৰে৷ কলা শিল্প লাগিলে কাপোৰৰেই হওক অথবা মাটি বা ধাতুৰ বাচনৰ হওক; ইয়াৰ প্ৰতিটো কোণতে কলা সমাহিত হৈ আছে৷ বাৰাণসীৰ নিকটৱৰ্তী স্থানৰ সৈতে জড়িত ১০টা উৎপাদনে জিআই টেগ অৰ্থাৎ জিঅ’গ্ৰাফিকেল ইণ্ডিকেচনৰ স্বীকৃতিও লাভ কৰিছে৷

ইয়াত প্ৰায় ৬০ হাজাৰ হাত যঁতৰ আছে, প্ৰায় ৭০ হাজাৰ পাৱাৰলুম আছে, প্ৰায় ডেৰ লাখ শিপিনী আছে যিয়ে এই কলাক সমৃদ্ধ কৰিছে৷ এক জিলা, এক সামগ্ৰী কাৰ্যসূচীৰ অধীনত চৰকাৰে এই কলাক এক লাভদায়ক ব্যৱসায়লৈ পৰিৱৰ্তিত কৰাৰ দিশত অগ্ৰসৰ হৈছে৷

উদ্যমীসকলৰ, হস্তশিল্পীসকলৰ, কলাকাৰসকলৰ যাতে পুঁজিৰ অভাৱ নহয়, তেওঁলোকে যাতে ভাল মেচিন, ভাল সঁজুলি পায়, তেওঁলোকৰ উপযুক্ত প্ৰশিক্ষণ হওক, তেওঁলোকৰ সামগ্ৰীসমূহৰ উপযুক্ত মাৰ্কেটিং হওক, সামগ্ৰীসমূহৰ উপযুক্ত দাম পাওক; তাৰবাবে এই যোজনা প্ৰণয়ন কৰা হৈছে৷

এই যি কলা, পৰম্পৰাৰ সৃষ্টি হৈছে- ইয়াৰ বাবে কেন্দ্ৰ আৰু ৰাজ্য চৰকাৰে যথা সম্ভৱ ধৰণে প্ৰয়াস কৰি আছে৷ মই নিজেও দেশৰ এনেকুৱা ১০০খন জিলাৰ নিয়মীয়াকৈ নিৰীক্ষণ কৰি আছো য’ত লঘূ উদ্যোগ, এমএছএমই আমাৰ পৰম্পৰাৰ অংশ হৈ পৰিছে৷

ভাতৃ আৰু ভগ্নীসকল, যিদৰে কোৱা হ’ল যে এই সন্মিলনৰ সময়চোৱাত প্ৰায় দুহেজাৰ কোটি টকাৰ ঋণ বিতৰণ কৰা হৈছে৷ এতিয়া দুহেজাৰ কোটি টকা ব্যৱসায়ীসকলৰ হাতলৈ আহিব আৰু ইয়াৰ দ্বাৰা আৰ্থিক বিকাশে গতি লাভ কৰিব৷

ইয়াত উদ্যমীসকলৰ উপৰিও বেংকৰো বহু বিষয়া উপস্থিত আছে৷ সকলো সময়মতেই সম্পন্ন কৰা হৈছে৷ যি লক্ষ্যৰ সৈতে দীনদয়াল হস্তকলা টোলৰ নিৰ্মাণ কৰা হৈছিল সেই সপোন আজি আমাৰ চকুৰ সম্মুখতে সম্পূৰ্ণ হোৱাত সন্তুষ্টি লাভ কৰিছো৷ আপোনালোক সকলোৰে বাবে এয়া ব্যৱসায়, বাণিজ্য আৰু সংবাদৰ মাধ্যম হওক, ইয়াৰ অন্তৰালত এই ধাৰণাই আছিল৷

বন্ধুসকল, এক জনপদ-এক উৎপাদন যোজনাৰ লক্ষ্য হ’ল উৎপাদনৰ পৰা আৰম্ভ কৰি বিক্ৰীলৈ সম্পূৰ্ণ সমাধান আগবঢ়োৱা৷ মই আপোনালোকক বাৰাণসীৰ শিপিনী আৰু কাৰিকৰসকলৰেই উদাহৰণ দিবলৈ বিচাৰিম৷

চৰকাৰৰ দ্বাৰা তেওঁলোকক সৰল চৰ্তত বেংকৰ পৰা ঋণ প্ৰদান কৰা হৈছে, কেঁচামালৰ বাবে সাহায্য প্ৰদান কৰা হৈছে৷ শিপিনীসকলক যি পৰিচয় পত্ৰ প্ৰদান কৰা হৈছে তাৰ দ্বাৰা মধ্যভোগীসকলক আঁতৰ কৰাত সহায়ক হৈছে৷ কিয়, মধ্যভোগীৰ কথাটো পছন্দ হোৱা নাই নেকি? সমস্যা হৈছে নেকি? কিন্তু সমস্যা হ’লেও দেশক মধ্যভোগীসকলৰ পৰা আঁতৰাই ৰাখিব লাগিব৷

ইয়াৰোপৰি ইয়াত বাৰাণসীতেই ৯টা সাধাৰণ সেৱা কেন্দ্ৰ নিৰ্মাণ কৰা হৈছে৷ এই কেন্দ্ৰসমূহৰ জৰিয়তে মাৰ্কেটিঙৰ বাবে শিপিনীসকলক সাহায্য প্ৰদান কৰা হৈছে৷ তাৰোপৰি ভদোই, মিৰ্জাপুৰ, মেঘা কাৰ্পেট ক্লাষ্টাৰতো শিপিনীসকলক আধুনিক লুম প্ৰদান কৰা হৈছে৷ 

শিপিনীসকলৰ সৈতে মাটিৰ কামৰ সৈতে জড়িত কাৰিকৰসকলক আধুনিক ‘চাক’, নতুন মেচিন প্ৰদান কৰা হৈছে৷ অলপ আগেয়ে মোক এজন কাৰিকৰে কৈছিল- আধুনিক চাকটো এখন টেবুলৰ ওপৰতো ৰাখিব পাৰি আৰু ইয়াৰ পৰা বাচন নিৰ্মাণ কৰিব পাৰি৷ তেওঁ মোক ক’লে যে মুদ্ৰা যোজনাৰ দ্বাৰা তেওঁ ১০ লাখ টকা লাভ কৰিছে৷ আৰু মই তেওঁৰ মুখমণ্ডলত এক উজ্বলতা দেখিলো৷ তেওঁলোকৰ মুখৰ চমকনি দেখিলে মোৰ মুখতো চমকনিৰ সৃষ্টি হয়৷ এই সমূহ প্ৰয়াসৰ মাজতে আজি যিবোৰ কাৰ্যসূচী অনুষ্ঠিত হৈছে তাৰ বহুমূলীয়া উপহাৰৰ সাৰ্থকতা আমি সকলোৱে নিৰৱচ্ছিন্নভাৱে দেখি আছো৷

বন্ধুসকল, সাধাৰণ পৰিয়ালসকলৰ যুৱসমাজক নিয়োজনৰ সৈতে জড়িত কৰাৰ বাবে আমি অহৰহ প্ৰয়াস কৰি আছো৷ কিছু দেৰী পূৰ্বে এনেকুৱা হিতাধিকাৰীক সাহায্য প্ৰদান কৰা হৈছে য’ত এলপিজি গেছৰ পৰিবহণৰ সৈতে সংযোগ কৰিবলৈ বিচৰা হৈছে৷ চৰকাৰে ট্ৰাক কিনিবলৈ বিচৰা এনে উদ্যমীসকলক সহায় কৰি আছে আৰু তেল কোম্পানীসকলে এওঁলোকৰ সুবিধা গ্ৰহণ কৰি আছে৷

ভাতৃ আৰু ভগ্নীসকল, সাধাৰণ মানুহৰ জীৱন সৰল আৰু সুগম হ’লে ব্যৱসায়ও সহজ হৈ পৰে৷ আন্তঃগাঁথনি ভাল হ’লে আৰু চৰকাৰী প্ৰক্ৰিয়াত ব্যক্তিসকল জড়িত হ’বলগীয়া নহ’লে  জীৱনো সহজ পৰে৷ এই সংকল্পৰ সৈতেই বিগত চাৰিটা বৰ্ষৰ পৰা আমি কাম কৰি আহিছো৷

মই মনোজ সিনহা ডাঙৰীয়া আৰু তেওঁৰ বিভাগক অভিনন্দন জনাইছো৷ তেওঁ টেলিকম বিভাগত চৰকাৰী প্ৰক্ৰিয়াসমূহৰ সৈতে জড়িত এক বৃহৎ বিসংগতি আজি দূৰ কৰিছে৷

সমগ্ৰ জীৱনটো কাম কৰাৰ পিছত পেঞ্চনভোগীসকলে বিভাগে বিভাগে যি দৌৰিবলগীয়া হৈছিল, যি সমস্যাৰ সন্মুখীন হ’বলগীয়া হৈছিল সেই প্ৰক্ৰিয়াৰ সৰলীকৰণ কৰা হৈছে৷ ‘সম্পন্ন’ অৰ্থাৎ system for authority and management of pension যোজনা আজি মুকলি কৰা হৈছে৷

বন্ধুসকল, এতিয়া পেঞ্চনৰ স্বীকৃতিৰ পৰা আৰম্ভ কৰি সমাপনলৈ সকলো কাম বিভাগে কৰিব৷ ইয়াৰ দ্বাৰা চৰকাৰৰ প্ৰতি বছৰে কোটি টকাৰ সঞ্চয় হোৱাৰ লগতে পেঞ্চন ধাৰকসকলৰো সুবিধা হ’ব৷ ইয়াৰ দ্বাৰা প্ৰায় ১১ হাজাৰ কোটি টকাৰ পেঞ্চন সময়মতে জমা কৰাটো সম্ভৱ হৈ পৰিব৷ পেঞ্চন ধাৰকসকলে ঘৰত বহি বহিয়েই নিজৰ ম’বাইল ফোনৰ দ্বাৰা ইয়াক ট্ৰেক কৰিব পাৰিব৷ পূৰ্বতে পৃথক পৃথক এজেন্সীসকল জড়িত হোৱাৰ ফলত যি সমস্যাৰ সৃষ্টি হৈছিল, তাৰ পৰিমাণ কমি যাব৷ যদি কোনো অভিযোগ উত্থাপিত হয় তেতিয়া ইয়াৰ সমাধানত কম সময়ৰ প্ৰয়োজন হ’ব৷ ইয়াৰ দ্বাৰা দেশৰ ডাক-বিভাগৰ অসংখ্য প্ৰাক্তন কৰ্মচাৰী লাভান্বিত হ’ব৷

বাৰাণসী আৰু পূৰ্বাঞ্চলৰ বাবে দুগুণ অভিনন্দন কিয়নো control communication account অৰ্থাৎ চিচিএৰ উপ-কাৰ্যালয় এতিয়া বাৰাণসীত খোলা হৈছে৷ এতিয়া পেঞ্চনৰ সৈতে জড়িত তথ্য জমা কৰাত আৰু আনবোৰ অভিযোগ নিবাৰণ কৰাৰ বাবে বাৰে বাৰে লক্ষ্ণৌলৈ যোৱাৰ প্ৰয়োজন নহ’ব৷

বন্ধুসকল, পেঞ্চনভোগীসকলৰ বাবে টেলিকম বিভাগৰ যি যোজনা আজি আৰম্ভ হৈছে, এয়া চৰকাৰৰ নাগৰিককেন্দ্ৰিক সেৱা, ন্যূনতম চৰকাৰ, সৰ্বাধিক শাসনৰ এক প্ৰধান অংশ হিচাপে বিবেচিত হৈছে৷ অৰ্থাৎ চৰকাৰী প্ৰক্ৰিয়াসমূহ কিদৰে সৰল হওক, জনসাধাৰণে যাতে ইয়াৰ সুবিধা লাভ কৰিব পাৰে; তাৰবাবে চৰকাৰে নিৰন্তৰে প্ৰয়াস কৰি আছে৷

ডিজিটেল ইণ্ডিয়াৰ জৰিয়তে দেশৰ জনসাধাৰণৰ জীৱনক সৰল কৰি তোলাৰ প্ৰয়াসৰ ই এটা অংশ৷ আজি জন্ম প্ৰমাণপত্ৰৰ পৰা আৰম্ভ কৰি জীৱন প্ৰমাণ পত্ৰলৈ চৰকাৰৰ শ শ সেৱাৰ গতি অতি ক্ষীপ্ৰতাৰে সম্প্ৰসাৰিত হ’ব ধৰিছে৷

ইপিএফ- ইয়াৰ অনলাইন স্থানান্তৰণ অথবা উলিওৱাৰ সুবিধা ইতিমধ্যেই প্ৰদান কৰা হৈছে৷ এতিয়া পেঞ্চনৰ দৰে সুবিধাসমূহৰো সৰলীকৰণ কৰা হৈছে৷

ঘৰে ঘৰে গৈ দিব্যাংগ, বৃদ্ধসকলক ডিজিটেল জীৱন প্ৰমাণপত্ৰ প্ৰদান কৰাৰ কাম চলিব ধৰিছে৷ জীৱন প্ৰমাণ পত্ৰ যোজনাৰ দ্বাৰা প্ৰায় আঢ়ৈ কোটি পেঞ্চনভোগী উপকৃত হৈছে৷

ভাতৃ আৰু ভগ্নীসকল, চৰকাৰে ইণ্ডিয়া পোষ্ট পে’মেণ্ট বেংকৰ জৰিয়তে গাঁৱে-গাঁৱে, ঘৰে-ঘৰে বেংকিং সেৱা প্ৰদানৰ দিশত অগ্ৰসৰ হৈছে৷ পিয়নে আপোনাৰ ঘৰ আৰু বেংকৰ লেনদেন সম্পন্ন কৰিব৷ এই ব্যৱস্থা সন্দৰ্ভত চৰকাৰে বিভিন্ন পদক্ষেপ গ্ৰহণ কৰিছে আৰু কাম চলিব ধৰিছে৷

এই পৰ্যন্ত দেশত প্ৰায় ২৫ হাজাৰ ডাকঘৰে এই সুবিধা আৰম্ভ কৰিছে৷ আনসমূহতো অতি শীঘ্ৰেই বেংকিং সেৱা আৰম্ভ কৰা হ’ব৷

বন্ধুসকল, বেংকিঙৰ পৰা আৰম্ভ কৰি ভূমিৰ সৈতে জড়িত তথ্যকে ধৰি নিজৰ ফচল, নিজৰ উৎপাদন অনলাইনৰ জৰিয়তে বিক্ৰী কৰাৰ অনেক সুবিধা আজি অনলাইনত উপলব্ধ৷ সমগ্ৰ দেশতে পৰিব্যাপ্ত তিনি লাখতকৈও অধিক সাধাৰণ সেৱা কেন্দ্ৰ নেটৱৰ্কৰ দ্বাৰা গাঁৱতো এই সুবিধা উপলব্ধ হৈছে৷ এই নেটৱৰ্কক বিগত চাৰে চাৰি বছৰত প্ৰস্তুত কৰা হৈছে৷

আপোনালোকেও বাতৰি কাকতত হয়তো পঢ়িছে যে বিগত দুই-আঢ়ৈ বছৰৰ পৰা ভাৰতত ইণ্টাৰনেটৰ সংযোগত ৬৫% পৰ্যন্ত বৃদ্ধি হৈছে আৰু আজি দেশত ৫০ কোটিতকৈও অধিক ইণ্টাৰনেট সংযোগে কাম কৰি আছে৷ চহৰততো ইয়াৰ সংখ্যা বৃদ্ধি হৈছেই লগতে গাঁৱতো ক্ষীপ্ৰ গতিত বৃদ্ধি হৈছে৷ দেশৰ প্ৰায় ডেৰ লাখ পঞ্চায়তক ব্ৰডবেণ্ডৰ সৈতে জড়িত কৰা হৈছে৷ উত্তৰ প্ৰদেশত ইয়াৰ সংখ্যা সৰ্বাধিক হৈছে, প্ৰায় ২৯ হাজাৰ গাঁৱত সংযোগ প্ৰদান কৰা হৈছে৷

অনাগত সময়ত যেতিয়া দেশৰ প্ৰতিতো কোণৰ ইণ্টাৰনেটৰ সুবিধা উপলব্ধ হ’ব তেতিয়া ডিজিটেল ইণ্ডিয়া, নতুন ভাৰতৰ নতুন শক্তিয়ে নিজৰ পৰিচয় সাব্যস্ত কৰিব৷

বন্ধুসকল, ডিজিটেল ইণ্ডিয়াৰ অভিযানৰ দ্বাৰা দেশৰ সাধাৰণ নাগৰিকসকলৰ সুবিধা বৃদ্ধি হোৱাৰ লগতে ভ্ৰষ্টাচাৰ কম কৰাৰ আৰু চৰকাৰী লেনদেনৰ দক্ষতা বৃদ্ধি কৰাৰ সাধন হিচাপেও বিবেচিত হৈছে৷ পূৰ্বতে চৰকাৰী বিভাগসমূহ ক্ৰয়ক লৈ বহুতো সন্দেহ আৰু অভিযোগ উত্থাপন হৈছিল৷ এতিয়া কেন্দ্ৰ চৰকাৰে নিজৰ বিভাগসমূহৰ বাবে ক্ৰয়ৰ এক নতুন ব্যৱস্থা প্ৰণয়ন কৰিছে৷ কেন্দ্ৰ চৰকাৰে গভৰ্ণমেণ্ট ই-মাৰ্কেট প্লেচ অৰ্থাৎ জেম নামৰ এটা প’ৰ্টেল মুকলি কৰিছে আৰু মই বিচাৰিম যে আপোনালোকে ইয়াৰ পৰা লাভ আদায় কৰক৷ উত্তৰ প্ৰদেশৰ ক্ষুদ্ৰ ক্ষুদ্ৰ ব্যৱসায়ীয়েও ইয়াৰ পৰা প্ৰচুৰ লাভ অৰ্জন কৰিব পাৰে৷

ইয়াৰ জৰিয়তে দেশৰ যিকোনো ক্ষুদ্ৰ ব্যৱসায়ীয়ে নিজৰ উৎপাদিত সামগ্ৰী কেন্দ্ৰ চৰকাৰক, ৰাজ্য চৰকাৰক প্ৰত্যক্ষভাৱে বিক্ৰী কৰিব পাৰে৷ ইয়াৰ আটাইতকৈ ডাঙৰ লাভ সাধাৰণ গৃহিণীৰ পৰা আৰম্ভ কৰি এমএছএমইৰ সৈতে জড়িত উদ্যমীসকলেও লাভ কৰিছে৷

বন্ধুসকল, ক্ষুদ্ৰ, লঘূ, মজলীয়া উদ্যোগ অৰ্থাৎ এমএছএমইৰ বাবে ই অতিশয় সুন্দৰ প্লেটফ’ৰ্ম হিচাপে বিবেচিত হৈছে৷ অলপতে এমএছএমই খণ্ডৰ বাবে যি ১২টা দেৱালীৰ উপহাৰ ঘোষণা কৰা হৈছিল তাত জেমৰ এক বৃহৎ অৱদান আছে৷ বৃহৎ উদ্যমীসকলৰ ওচৰত যাতে ক্ষুদ্ৰ উদ্যমীসকলৰ টকা বন্ধ হৈ নাথাকে, কেশ্ব ফ্ল’ যাতে ব্যাহত নহয়, তাৰাবে কেন্দ্ৰ চৰকাৰৰ সকলো উদ্যোগক জেমৰ সৈতে জড়িত কৰোৱাটো অনিবাৰ্য কৰা হৈছে৷

কেৱল এয়াই নহয়, ডিজিটেল সেৱাৰ জৰিয়তে এমএছএমইয়ে যাতে ঋণ লোৱাত অসুবিধা নাপায় তাৰবাবে অনলাইন ঋণৰ ব্যৱস্থা কৰা হৈছে৷ আৰু আপোনালোকে জানি সুখী হ’ব যে আপোনালোকৰ মাজৰ বহুতেই ইয়াৰ লাভ উঠাইছে৷ কেৱল ৫৯ মিনিটত এক কোটি টকা পৰ্যন্ত ঋণ অনলাইন প’ৰ্টেলৰ জৰিয়তে অনুমোদন প্ৰদান কৰাৰ কাম সফলতাপূৰ্বক চলিব ধৰিছে৷ অন্যথা এক কোটি টকাৰ ঋণৰ বাবে জোতাৰ তলী সমান হৈ পৰিলহেঁতেন৷ আজি ৫৯ মিনিটতে এই কাম সম্পন্ন হৈছে৷

বন্ধুসকল, দেশত এমএছএমইক সৱলীকৰণ কৰাৰ বাবে চৰকাৰ প্ৰতিশ্ৰুতিবদ্ধ৷ চৰকাৰৰ এয়াই প্ৰয়াস যে যিমানবোৰ এমএছএমই আছে, জিএছটিৰ সৈতে জড়িত হৈ আছে, তেওঁলোকে বেংকৰ পৰা ঋণ পাবলৈ যাতে কষ্ট কৰিবলগীয়া নহয়, তেওঁলোকে অনলাইনত চায়েই ইয়াৰ কাম আগবঢ়াব পাৰে৷ কেৱল জিএছটি আৰু নিজৰ ৰিটাৰ্ণ তথ্যৰ মাধ্যমৰ দ্বাৰা অথবা অনলাইন ৰেকৰ্ড প্ৰত্যক্ষ কৰাৰ পিছত বেংকে নিজেই ঋণৰ বাবে যোগাযোগ কৰিব৷

এই সকলোবোৰ প্ৰয়াসে দেশত ইজ অব্ ডুয়িং বিজনেছ সুনিশ্চিত কৰিছে, যাৰ দ্বাৰা ব্যৱসায়-বাণিজ্য সহজ হৈছে, তৰুণ প্ৰজন্মই নিয়োজনৰ সুবিধা লাভ কৰিছে৷

বন্ধুসকল, কাশী আৰু পূৰ্বাঞ্চল সহিতে সম্পূৰ্ণ পূব ভাৰতত আধুনিক সুবিধা আৰু উদ্যোগসমূহৰ বাবে উন্নত পৰিবেশ সৃষ্টি কৰাৰ কাম ব্যাপক পৰ্যায়ত চলিব ধৰিছে৷ প্ৰধানমন্ত্ৰী উৰ্জা গংগা যোজনাৰ অধীনত গেছ পাইপ লাইন বহুওৱা হৈছে৷ ইয়াৰ দ্বাৰা ঘৰসমূহৰ পাকঘৰৰ পৰা আৰম্ভ কৰি খাদ কাৰখানাৰ বাবে গেছ উপলব্ধ হোৱা আৰম্ভ হৈছে৷ বাৰাণসীতো এই কম খৰচী ৰন্ধন গেছ যোজনাৰ দ্বাৰা সহস্ৰাধিক ঘৰ উপকৃত হৈছে৷ উত্তৰ প্ৰদেশ, বিহাৰ, ঝাৰখণ্ড, উৰিষ্যা, পশ্চিম বংগ, জগদীশপুৰৰ পৰা হালদিয়ালৈ প্ৰায় ১৩ হাজাৰ কোটি টকাৰ ব্যয়েৰে পাইপ লাইন বহুওৱা হৈছে৷ ইয়াৰ প্ৰথম পৰ্যায়ৰ কাম অতি সোনকালেই সমাপ্ত হ’ব৷

মহিলাসকলে স্বচ্ছ আৰু কম খৰচী গেছ লাভ কৰিব৷ চিএনজিৰ দ্বাৰা বাহনসমূহ চলিলে প্ৰদূষণ কম হ’ব আৰু যুৱ প্ৰজন্মই উদ্যোগ সম্প্ৰসাৰণৰ দ্বাৰা নিয়োজনৰ নতুন সুবিধা লাভ কৰিব৷

বন্ধুসকল, ইয়ালৈ অহাৰ পূৰ্বে মই আন্তঃৰাষ্ট্ৰীয় ধান গৱেষণা কেন্দ্ৰলৈ গৈছিলো৷ এই কেন্দ্ৰ বিজ্ঞান আৰু প্ৰযুক্তিৰ দ্বাৰা খেতিক লাভদায়ক কৰি তোলাৰ আমাৰ নীতিৰ পৰিণাম হিচাপে বিবেচিত হৈছে৷ ইয়াত ভাৰতৰ বাবে ধানৰ সৈতে জড়িত উত্তম প্ৰকাৰৰ বীজ আৰু আনবোৰ প্ৰক্ৰিয়াৰ গৱেষণা হোৱাৰ লগতে এছিয়া আৰু বিশ্বৰ অন্য দেশসমূহৰ বাবেও সমাধান কেন্দ্ৰ হিচাপে পৰিগণিত হ’ব৷

বন্ধুসকল, কাশীৰ পৰিৱৰ্তন এতিয়া চকুত লগা হৈছে৷ দিব্য কাশীৰ স্বৰূপ এতিয়া আৰু ভব্য হ’বলৈ ধৰিছে৷ আজিও বাৰাণসীৰ বিকাশৰ সৈতে জড়িত অনেক যোজনাৰ আধাৰশিলা স্থাপন আৰু লোকাৰ্পণ কৰা হৈছে৷ ইয়াৰে অধিকাংশ প্ৰকল্প পথসমূহক ওখ কৰাৰ সৈতে জড়িত আৰু ইয়াৰ ঐতিহাসিক আস্থাৰ সৈতে জড়িত গুৰুত্বপূৰ্ণ স্থানসমূহৰ সৌন্দৰ্যবৰ্ধনৰ সৈতেও জড়িত৷

এই সকলোবোৰ কাৰ্যৰ দ্বাৰা কাশীৰ সৌন্দৰ্য দুগুণে বৃদ্ধি হ’ব৷ কাশীবাসীৰ, কাশীলৈ অহা-যোৱা কৰা লোকসকলৰ জীৱন সৰল হৈ উঠিব৷ এনেকুৱা বহু পদক্ষেপ গ্ৰহণ কৰা হৈছে য’ত স্বাধীনতাৰ পূৰ্বেই অলপ-অচৰপকৈ কাম আৰম্ভ হৈছিল৷

ভাতৃ আৰু ভগ্নীসকল, চৰকাৰৰ এয়াই প্ৰয়াস যে কাশীৰ আত্মা ছিন্ন-ভিন্ন নকৰাকৈ আমাৰ এই চিৰ-পুৰাতন চহৰ নতুন কায়াৰে সৈতে যাতে বিশ্বৰ সন্মুখলৈ আহে৷ বাবা বিশ্বনাথৰ অসীম কৃপা আমাৰ সকলোকে ওপৰত আছে৷ আমাৰ এই কৰ্তব্য যে যি কাম মাতৃ অহল্যাবায়ে প্ৰায় দুশ বছৰ পূৰ্বে কৰিছিল তাক আগবঢ়োৱাৰ সৌভাগ্য আমি লাভ কৰিছো৷ এনেক দশকৰ উদাসীনতাৰ পিছত বাৰাণসীৰ ঘাট, ইয়াৰ মন্দিৰসমূহৰ সংৰক্ষণ আৰু সৌন্দৰ্যবৰ্ধনৰ কামত আপোনালোকে যিদৰে সমৰ্থন আগবঢ়াইছে তাৰবাবে মই আপোনালোকক, কাশীবাসীক হৃদয়েৰে ধন্যবাদ জ্ঞাপন কৰিছো৷

ইয়াৰে সাংসদ হোৱাৰ পৰিপ্ৰেক্ষিতত কাশীবাসীৰ প্ৰতি মই কৃতজ্ঞ৷ বাবাৰ চিৰ পুৰাতন স্থানৰ দিব্যতাক ভব্যতাৰ সৈতে জড়িত কৰাও আমাৰ দায়িত্ব যাতে দেশ আৰু বিশ্বৰ পৰা অহা প্ৰতিজন ভক্তই বিনা সমস্যাই বাবা বিশ্বনাথ দৰবাৰত শিৰ দোৱাব পাৰে৷

এনেকুৱা এনেক সুবিধাৰ নিৰ্মাণ আমি সকলো কাশীবাসীয়ে একত্ৰিত হৈ কৰি আছো আৰু এই কামৰ গতি ক্ষীপ্ৰ কৰিব লাগিব৷

বন্ধুসকল, এই দৰে মা গংগাৰ পবিত্ৰতা আৰু অবিৰলতাৰ প্ৰতিও আমি দায়বদ্ধ৷ মই সুখী যে আমাৰ প্ৰয়াসসমূহৰ পৰিণাম লাহে লাহে দেখিবলৈ পোৱা গৈছে৷ আপোনালোক সকলোৱে মিডিয়াত দেখুওৱা সেই প্ৰতিবেদনসমূহ দেখিছে যে কিদৰে মাছ, ঘৰিয়ালসহিতে অনেক জীৱ-জন্তু মা গংগালৈ পুনৰ ঘূৰি আহিছে৷ অলপতে দেশৰ অনেক বৈজ্ঞানিকৰ এটা দলে গংগা জলৰ পৰীক্ষণৰ পিছত এটা প্ৰতিবেদন দাখিল কৰিছে৷ এই প্ৰতিবেদনত মা গংগাৰ প্ৰদূষণৰ স্তৰ হ্ৰাস হোৱাটো পৰিলক্ষিত হৈছে৷ নমামি গংগাৰ দৰে অভিযান যিদৰে আগবাঢ়িবলৈ ধৰিছে ঠিক সেইদৰে নিৰ্মল আৰু অবিৰল গংগাৰ লক্ষ্যও নিকটলৈ অহাটো পৰিলক্ষিত হৈছে৷ এই সকলোবোৰ আপোনালোক কাশীবাসী, গংগাৰ পাৰত বাস কৰা প্ৰতিজন ব্যক্তিৰ ইচ্ছাশক্তি আৰু সহযোগত সম্ভৱ হৈছে৷

বন্ধুসকল, যেতিয়া সমগ্ৰ পাৰদৰ্শিতাৰ সৈতে, প্ৰমাণীকৰণৰ সৈতে, জন-সহযোগিতাৰ সৈতে চৰকাৰে কাম কৰে তেতিয়া সাৰ্থক পৰিণাম অৱশ্যেই প্ৰাপ্ত হয়৷ অন্যথা আপোনালোক সাক্ষী আছে যে পূৰ্বতে গংগা একচন প্লেনৰ পৰা আৰম্ভ কৰি গংগা বেচিন অথৰিটীলৈ কিমানবোৰ যোজনা প্ৰস্তুত কৰা হৈছিল৷ মা গংগাৰ নামত হাজাৰ কোটি টকা বোৱাই দিয়া হৈছিল৷

মা গংগাৰ নিৰ্মলতাৰ বাবে ধনৰ শক্তিয়েই পৰ্যাপ্ত নহয়, চিন্তা-ধাৰাও স্বচ্ছ হ’ব লাগিব৷ স্বচ্ছ চিন্তা-ধাৰাৰে গংগাও পৰিষ্কাৰ হোৱাটো নিশ্চিত৷ আমি সম্পূৰ্ণ নৈতিকতাৰ সৈতে, সুস্থ চিন্তা-ধাৰাৰ সৈতে গংগাজীক স্বচ্ছ কৰি তোলাৰ অভিযানত জড়িত হৈছো৷

কাশীৰ ভাতৃ আৰু ভগ্নীসকল, প্ৰবাসী ভাৰতীয় দিৱসলৈ আৰু দুই-তিনি সপ্তাহহে বাকী আছে৷ মই নিজে সমগ্ৰ বিশ্বৰ প্ৰবাসী ভাৰতীয়সকলক কাশীলৈ অহাৰ আমন্ত্ৰণ জনাইছো৷ আপোনালোকৰ তৰফৰ পৰা ময়েই কৈছো৷ অনাগত দিনসমূহত আমি বিশ্বৰ সন্মুখত পুৰাতন কাশীৰ আধুনিক স্বৰূপ, বিশ্বৰ দৃষ্টি উজ্বলাই তোলা দৃশ্যৰাজি প্ৰস্তুত কৰাটো আমাৰ কাশীবাসীৰ দায়িত্ব৷ কাশীয়ে তেওঁলোকক প্ৰভাৱান্বিতও কৰক, কাশীয়ে তেওঁলোকক প্ৰেৰিতও কৰক; এই অৱকাশ কাশীয়ে হেৰুৱাব নালাগে৷

আমি নিশ্চিত ৰূপত এক ভব্য আৰু সফল আয়োজন কৰিম আৰু মই এক সাংসদৰ ৰূপত, আপোনালোকৰ প্ৰতিনিধিৰ ৰূপত বিশ্বৰ পৰা অহা অতিথিসকলৰ এনেদৰে সেৱা-সৎকাৰ কৰিব লাগিব যে বিশ্বত যাতে পুনৰবাৰ কাশীৰ নাম প্ৰতিধ্বনিত হয়৷

শেষত মই পুনৰবাৰ আপোনালোক সকলো শিল্পকাৰ বন্ধু, সকলো হিতাধিকাৰীলৈ অলেখ অভিনন্দন জনাইছো৷ দুদিন পিছত ২০১৮ বৰ্ষৰ সমাপ্ত হ’ব, ২০১৯ বৰ্ষ দুৱাৰদলিত উপস্থিত হৈছে৷ মই আপোনালোক সকলোকে নৱবৰ্ষৰ শুভেচ্ছা জনাইছো৷ কাশী আৰু ইউপিৰ সকলো ব্যক্তিলৈ মোৰ তৰফৰ পৰা মংগল কামনা থাকিল৷ বাবা বিশ্বনাথৰ আশীৰ্বাদ আমি সকলোৱে দেশৰ নৱ নিৰ্মাণৰ বাবে, কাশীৰ নৱ নিৰ্মাণৰ বাবে, উত্তৰ প্ৰদেশৰ নৱ নিৰ্মাণৰ বাবে দিন-ৰাতি এক কৰি, নিজৰ পৰিশ্ৰম কম নকৰি, এই আশাৰ সৈতে মই নিজৰ ভাষণ সামৰিছো৷

আপোনালোক সকলোলৈ অশেষ ধন্যবাদ৷

হৰ হৰ মহাদেৱ৷

ধন্যবাদ৷

***

अतुल तिवारी/शाहबाज हसीबी/निर्मल शर्मा/MANN