পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি কেন্দ্ৰীয় মন্ত্ৰী শ্ৰী পীয়ুষ গোৱেলে ভাৰত-ব্ৰিটেইন সৰ্বাত্মক অৰ্থনৈতিক আৰু বাণিজ্য চুক্তি (চিইটিএ) আৰু সামাজিক সুৰক্ষা চুক্তি সন্দৰ্ভত লিখা এটা প্ৰবন্ধ শ্বেয়াৰ কৰি ইয়াক ভাৰত-ব্ৰিটেইন অংশীদাৰিত্বৰ এক গুৰুত্বপূৰ্ণ মাইলৰ খুঁটি বুলি অভিহিত কৰে। শ্ৰী মোদীয়ে কয় যে দুয়োখন চুক্তিয়ে ভাৰত আৰু ব্ৰিটেইনৰ মাজত অৰ্থনৈতিক সম্পৰ্ক অধিক গভীৰ কৰাৰ লগতে দুয়োখন দেশৰ উমৈহতীয়া উচ্চাকাংক্ষাক তেওঁলোকৰ জনসাধাৰণৰ বাবে স্পষ্ট সুযোগলৈ ৰূপান্তৰিত কৰিব।

শ্ৰী মোদীয়ে উল্লেখ কৰে যে এই চুক্তিয়ে ভাৰতৰ কৃষক, উদ্যোগী আৰু এমএছএমইসমূহক কেইবাটাও প্ৰাণৱন্ত খণ্ডত ব্ৰিটেইনৰ বজাৰলৈ প্ৰৱেশাধিকাৰ সম্প্ৰসাৰিত কৰি নতুন গতি প্ৰদান কৰিব। তেওঁ লগতে কয় যে সামাজিক সুৰক্ষাৰ চুক্তিখনে ব্ৰিটেইনত অস্থায়ীভাৱে কাম কৰা ভাৰতীয় পেছাদাৰীসকলক অমূল্য সমৰ্থন প্ৰদান কৰাৰ লগতে ভাৰতীয় উদ্যোগসমূহৰ প্ৰতিযোগিতামূলক সামৰ্থ বৃদ্ধি কৰিব।

শ্ৰী মোদীয়ে এক্স-ত পোষ্ট কৰিছেঃ

এয়া ভাৰত-ব্ৰিটেইনৰ অংশীদাৰিত্বৰ এক গুৰুত্বপূৰ্ণ মুহূৰ্ত!

সৰ্বাত্মক অৰ্থনৈতিক আৰু বাণিজ্যিক চুক্তি তথা সামাজিক সুৰক্ষা চুক্তি বলৱৎ হোৱাৰ লগে লগে আমাৰ অৰ্থনৈতিক সম্পৰ্ক আৰু গভীৰ হ’বলৈ গৈ আছে। একেলগে, এই চুক্তিসমূহে আমাৰ উমৈহতীয়া উচ্চাকাংক্ষাক আমাৰ জনসাধাৰণৰ বাবে স্পষ্ট সুযোগলৈ ৰূপান্তৰিত কৰে।

এই চুক্তিয়ে আমাৰ কৃষক, উদ্যোগী আৰু এমএছএমইক নতুন গতি প্ৰদান কৰিব। কেইবাটাও প্ৰাণৱন্ত খণ্ডই ব্ৰিটেইনৰ বজাৰত অধিক শক্তিশালী প্ৰৱেশাধিকাৰ লাভ কৰিব। ই দক্ষ ভাৰতীয় প্ৰতিভাৰ বাবে অধিক গতিশীলতাক সমৰ্থন কৰাৰ লগতে প্ৰযুক্তি, পেছাদাৰী সেৱা আৰু উদ্ভাৱনৰ ক্ষেত্ৰতো সহযোগিতা গভীৰ কৰিব।

এই সামাজিক সুৰক্ষা চুক্তিয়ে ব্ৰিটেইনত অস্থায়ীভাৱে কাম কৰা ভাৰতীয় পেছাদাৰীসকলক অমূল্য সহায় আগবঢ়োৱাৰ লগতে ভাৰতীয় উদ্যোগসমূহৰ প্ৰতিযোগিতামূলক ক্ষমতাক শক্তিশালী কৰিব।

এই মুহূৰ্তটোৱে আমাৰ গণতন্ত্ৰসমূহৰ মাজত থকা বিশ্বাস আৰু বাণিজ্য, প্ৰযুক্তি, বিনিয়োগ আৰু উদ্ভাৱনৰ দ্বাৰা পৰিচালিত এক অগ্ৰগামী অংশীদাৰিত্ব গঢ়ি তোলাৰ আমাৰ সংকল্পক প্ৰতিফলিত কৰে। ভাৰত আৰু ব্ৰিটেইনে অংশীদাৰী সমৃদ্ধিৰ বাবে একেলগে কাম কৰি থাকিব।

#IndiaUKFTA

This is a significant moment in the India-United Kingdom partnership!

With the coming into force of the Comprehensive Economic and Trade Agreement and the Agreement on Social Security, our economic linkages are going to get even deeper. Together, these agreements translate our… https://t.co/6yZR0IUfCP

— Narendra Modi (@narendramodi) July 15, 2026

***

MJPS/SS/VJ/DD