পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে  আজি তাছখন্দৰ শাস্ত্ৰী স্মাৰকত ভাৰতৰ প্ৰয়াত প্ৰাক্তন প্ৰধানমন্ত্ৰীগৰাকীৰ প্ৰতি শ্ৰদ্ধাঞ্জলি জ্ঞাপন কৰে। চলিত বৰ্ষত ১৯৬৫ চনত তাছখন্দত প্ৰাক্তন প্ৰধানমন্ত্ৰীগৰাকীৰ মৃত্যুৰ ৬০ বছৰ সম্পূৰ্ণ হৈছে। প্ৰাক্তন প্ৰধানমন্ত্ৰীগৰাকীৰ জীৱন আৰু উত্তৰাধিকাৰ তাছখন্দত শ্ৰদ্ধাৰে স্মৰণ কৰা হয়। স্মৃতিসৌধ আৰু ৰাস্তাৰ উপৰি স্থানীয় বিদ্যালয় আৰু তাছখন্দত তেওঁৰ নামেৰে নামাকৰণ কৰা ভাৰতীয় সাংস্কৃতিক কেন্দ্ৰও আছে।

শাস্ত্ৰী স্মাৰকত শ্ৰদ্ধাঞ্জলি জনোৱাৰ পিছত প্ৰধানমন্ত্ৰীয়ে তাছখন্দ ৰাজ্যিক প্ৰাচ্য অধ্যয়ন বিশ্ববিদ্যালয় পৰিদৰ্শন কৰে। বিশ্ববিদ্যালয়খনত প্ৰধানমন্ত্ৰী মোদীক উজবেকিস্তানৰ প্ৰধানমন্ত্ৰী আৰু ৰেক্টৰে আদৰণি জনায়। বিশ্ববিদ্যালয়খনৰ মহাত্মা গান্ধী কেন্দ্ৰত প্ৰধানমন্ত্ৰী মোদীয়ে ইণ্ডোলজিষ্ট আৰু পণ্ডিতসকলৰ সৈতে মত বিনিময় কৰে। বিশ্ববিদ্যালয়খনৰ হিন্দী ভাষা আৰু অন্যান্য ভাৰতীয় বিষয়ৰ পাঠদানৰ এক আকৰ্ষণীয় অভিলেখ আছে। চৰকাৰী ভ্ৰমণৰ সময়ত প্ৰধানমন্ত্ৰীয়ে উজবেক ছাত্ৰ-ছাত্ৰীৰ বাবে হিন্দী ভাষাৰ বাবে লাল বাহাদুৰ শাস্ত্ৰী বৃত্তিৰ কথা ঘোষণা কৰে। এইবাৰ বিশ্ববিদ্যালয়খনত হিন্দী পাঠদানৰ ৮০ বছৰ সম্পূৰ্ণ হৈছে। দুয়োখন দেশৰ মাজত থকা ঘনিষ্ঠ সাংস্কৃতিক আত্মীয়তাৰ  লগতে  উজবেকিস্তানৰ ছাত্ৰ-ছাত্ৰীসকলৰ মাজত হিন্দী শিকিবলৈ  আগ্ৰহ থকা পৰিলক্ষিত হৈ আহিছে। উজবেক আৰু হিন্দী ভাষাৰ মাজত মিল থকা ৩০০০ৰো অধিক সাধাৰণ শব্দ আছে।

***

MJPS/SS/VJ/DM