পি এম ইণ্ডিয়া

প্ৰধানমন্ত্ৰী নৰেন্দ্ৰ মোদীয়ে ২৭ জানুৱাৰী ২০১৯ তাৰিখে কেৰেলাৰ কোচি ভ্ৰমণ কৰিব৷ এই ভ্ৰমণৰ সময়চোৱাত তেওঁ বিপিচিএল কোচিত সংবদ্ধ শোধনাগাৰ প্ৰসাৰণ কমপ্লেক্স ৰাষ্ট্ৰলৈ বুলি উচৰ্গা কৰিব৷ তাৰোপৰি তেওঁ একেটা স্থানতে পেট্ৰ’কেমিকেল কমপ্লেক্সৰো আধাৰশিলা স্থাপন কৰিব৷ কোচিৰ আইঅ’চিএল এলপিজি বটলিং প্লাণ্টত ম’ণ্ডেড ষ্ট’ৰেজ ভেছেল মুকলি কৰাৰ লগতে ইট্টুমানুৰত দক্ষতা বিকাশৰ প্ৰতিষ্ঠানৰ আধাৰশিলাও স্থাপন কৰিব৷

সংবদ্ধ শোধনাগাৰ প্ৰসাৰণ কমপ্লেক্স এক আধুনিক প্ৰসাৰণ কমপ্লেক্সলৈ পৰিৱৰ্তিত হ’ব আৰু ইয়াত বিশ্বমানৰ গুণগততা প্ৰদান কৰা হ’ব৷ ইয়াত ভাৰতৰ বাবে ইন্ধন পৰিষ্কাৰৰ সঁজুলি স্থাপন কৰা হ’ব৷ ই এলপিজি আৰু ডিজেলৰ উৎপাদন দুগুণ কৰিব আৰু এই কাৰখানাৰ পেট্ৰ’কেমিকেল প্ৰকল্পৰ বাবে কেঁচামাল যোগান ধৰিব৷

কোচিৰ আইঅ’চিএল এলপিজি বটলিং প্লাণ্টৰ ম’ণ্ডেড ষ্ট’ৰেজ ভেছেলৰ মুঠ জমা সামৰ্থ হ’ব ৪৩৫০ মেট্ৰিকটন৷ ইয়াৰ জৰিয়তে ৬ দিনৰ বটলিং সামৰ্থ বৃদ্ধিৰ বাবে পদক্ষেপ গ্ৰহণ কৰা হৈছে৷ ই আটাইতকৈ সুৰক্ষিত প্লাণ্ট হিচাপে বিবেচিত হ’ব৷

বিপিচিএল কোচিৰ পেট্ৰ’কেমিকেল কমপ্লেক্স মেক ইন ইণ্ডিয়াৰ অধীনত এক পদক্ষেপ৷ প্ৰপিলিনৰ পৰা আহৰণ কৰা পেট্ৰ’কেমিকেল আৰু পলিয়’ল প্ৰকল্পই বিভিন্ন নিম্ন উদ্যোগৰ অনুঘটক হিচাপে কাম কৰিব৷

পেট্ৰ’কেমিকেল আৰু প্ৰাকৃতিক গেছ মন্ত্ৰালয়ৰ অধীনত ইট্টুমানুৰত স্থাপন কৰিবলগীয়া দক্ষতা বিকাশৰ প্ৰতিষ্ঠানে কাৰিকৰী শিক্ষা প্ৰদান কৰাৰ লগতে তেল আৰু গেছৰ খণ্ডত যুৱপ্ৰজন্মৰ বাবে নিয়োজনৰ সুবিধাও প্ৰদান কৰিব৷ এই বিশ্বমানৰ প্ৰতিষ্ঠানখন কেৰেলা চৰকাৰে প্ৰদান কৰা আঠ একৰৰ ভূমিত স্থাপন কৰা হ’ব৷ ইয়াত প্ৰতিবছৰে ২০টা বিভিন্ন বিষয়ত ১০০০ গৰাকী প্ৰাৰ্থীক প্ৰশিক্ষণ প্ৰদান কৰাৰ ক্ষমতা থাকিব৷

ইয়াৰ পূৰ্বে ১৫ জানুৱাৰী ২০১৯ তাৰিখে প্ৰধানমন্ত্ৰীয়ে ক’ল্লাম বাইপাথ মুকলি কৰিছিল আৰু থিৰুৱনন্তপুৰমৰ পদ্মনাভস্বামী মন্দিৰ দৰ্শন কৰিছিল৷

***

AKT/AK/MANN