পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে ২০২০ৰ প্ৰথমখন প্ৰগতিৰ বৈঠকত সভাপতিত্ব কৰে৷ ৩২তম প্ৰগতিৰ এই বৈঠকত কেন্দ্ৰ আৰু ৰাজ্য চৰকাৰক অন্তৰ্ভুক্ত কৰি আঁচনিসমূহৰ সময়মতে ৰূপায়নৰ খতিয়ান লোৱা হয়৷

আজিৰ প্ৰগতিৰ বৈঠকত প্ৰধানমন্ত্ৰীয়ে মুঠ এঘাৰটা বিষয়ৰ ওপৰত আলোচনা কৰে৷ ইয়াৰে ভিতৰত ৯টা পলম হোৱা প্ৰকল্পও আছে৷ ২৪,০০০ কোটি টকাৰ এই ৯টা প্ৰকল্প উৰিষ্যা, তেলেংগানা, মহাৰাষ্ট্ৰ, ঝাৰখণ্ড, বিহাৰ, কৰ্ণাটক, অন্ধ্ৰ প্ৰদেশ, কেৰেলা আৰু উত্তৰ প্ৰদেশ তথা তিনিখন কেন্দ্ৰীয় শাসিত অঞ্চলত বিয়পি আছে৷ ইয়াৰে ভিতৰত তিনিটা প্ৰকল্প ৰে’লৱে মন্ত্ৰালয়, পাঁচটা প্ৰকল্প পথ পৰিবহণ আৰু ৰাষ্ট্ৰীয় ঘাইপথ মন্ত্ৰালয় আৰু এটা প্ৰকল্প পেট্ৰ’লিয়াম তথা প্ৰাকৃতিক গেছ মন্ত্ৰালয়ৰ আছে৷

বীমা আঁচনি- পিএমজেজেবিৱাই আৰু পিএমএছবিৱাই আঁচনিৰ কাম পুনৰীক্ষণ

বৈঠকত প্ৰধানমন্ত্ৰীয়ে পিএমজেজেবিৱাই আৰু পিএমএছবিৱাই বীমা আঁচনিৰ বিত্তীয় সেৱা বিভাগ সম্বন্ধীয় অভিযোগসমূহৰ পৰ্যালোচনা কৰে৷ প্ৰধানমন্ত্ৰীয়ে অপৰাধ আৰু অপৰাধী অনুসৰণ নেটৱৰ্ক আৰু ছিষ্টেম প্ৰকল্পৰ কামকাজৰো খতিয়ান লয়৷

উল্লেখ্য, ৩১তম প্ৰগতি বৈঠকত প্ৰধানমন্ত্ৰীয়ে ১২.৩০ লাখ কোটি টকাৰ মুঠ ২৬৯টা প্ৰকল্পৰ কামকাজৰ খতিয়ান লৈছিল৷

***

VRRK/AK/MANN