পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত কেন্দ্ৰীয় কেবিনেটে ৰে’ল খণ্ডত কাৰিকৰী সহযোগিতা আগবঢ়োৱাৰ ক্ষেত্ৰত ভাৰত আৰু ইউনাইটেড আৰৱ এমিৰেটছৰ মাজত স্বাক্ষৰিত বুজাবুজিৰ চুক্তিত অনুমোদন জনাইছে৷ বুজাবুজিৰ চুক্তিখন ২০১৮ৰ ১০ ফেব্ৰুৱাৰীত সম্পন্ন হৈছিল৷

বুজাবুজিৰ চুক্তিখনে নিম্নোক্ত দিশত কাৰিকৰী সহযোগিতা সাঙুৰি ল’ব—

১. নিয়ন্ত্ৰণ, সুৰক্ষা আৰু দূৰ্ঘটনাৰ কাৰিকৰী অনুসন্ধান৷

২. ষ্টেচন পুনৰ উন্নয়ন৷

৩. ৰে’ল ইঞ্জিন, কোচ আৰু ৱাগ’ন৷

৪. অংশগ্ৰহণকাৰীদ্বাৰা যুটীয়াভাৱে নিৰ্বাচিত আন যিকোনো ক্ষেত্ৰ৷

লাভালাভ: বুজাবুজিৰ চুক্তিখনৰ ফলস্বৰূপে ভাৰতীয় ৰে’লৱেই শেহতীয়া প্ৰযু্ক্তিসমূহ ৰে’ল খণ্ডত ব্যৱহাৰ কৰিব পাৰিব৷ বুজাবুজিৰ চুক্তিখনে তথ্যৰ বিনিময়, বিশেষজ্ঞৰ বৈঠক আৰু কৰ্মশালা, কাৰিকৰী বিশেষজ্ঞৰ ভ্ৰমণ আৰু যুটীয়াভাৱে সহমতত উপনীত হোৱা সহযোগিতামূলক প্ৰকল্প ৰূপায়ন আদিত সহায় কৰিব৷

পটভূমিঃ ৰে’লৱে মন্ত্ৰালয়ে বিভিন্ন বিদেশী চৰকাৰ আৰু ৰাষ্ট্ৰীয় ৰে’লৱেৰ সৈতে ৰে’লৱে খণ্ডত কাৰিকৰী সহযোগিতাৰ বাবে বুজাবুজিৰ চুক্তিত স্বাক্ষৰ কৰিছে৷ সহযোগিতাৰ চিনাক্তকৃত দিশসমূহৰ ভিতৰত অন্যতম হ’ল—হাইস্পীড ক’ৰিডৰ, বৰ্তমানৰ ৰে’লপথৰ গতি বৃদ্ধি কৰা, বিশ্বমানৰ ষ্টেচন স্থাপন, ৰে’ল আন্তঃগাথনিৰ আধুনিকীকৰণ আদি৷