પીએમઇન્ડિયા

પ્રધાનમંત્રી શ્રી નરેન્દ્ર મોદીએ આજે ​​હજીરા, ગુજરાત ખાતે લાર્સન એન્ડ ટુબ્રો (L&T) સંકુલની મુલાકાત લીધી હતી, જ્યાં તેમણે વિવિધ ક્ષેત્રોમાં કંપની દ્વારા વિકસાવવામાં આવી રહેલી અગ્રણી નવીનતાઓ નિહાળી હતી.

પ્રધાનમંત્રીએ ભારતના સંરક્ષણ ક્ષેત્રમાં આત્મનિર્ભરતાને પ્રોત્સાહન આપવામાં L&T દ્વારા ભજવવામાં આવેલી મહત્વપૂર્ણ ભૂમિકાની ખૂબ પ્રશંસા કરી હતી. આ મુલાકાતની ઝલક શેર કરતા, શ્રી મોદીએ આ સુવિધા કેન્દ્ર ખાતે થઈ રહેલી એન્જિનિયરિંગ સિદ્ધિઓ અને પ્રગતિની સરાહના કરી હતી.

X પરની પોસ્ટ્સની શ્રેણીમાં, પ્રધાનમંત્રીએ શેર કર્યું:

“આજે બપોરે, હજીરા ખાતે L&T સંકુલની મુલાકાત લીધી. વિવિધ ક્ષેત્રોમાં તેમની કેટલીક અગ્રણી નવીનતાઓ નિહાળી. સંરક્ષણ ક્ષેત્રમાં આત્મનિર્ભરતાને આગળ ધપાવવામાં L&T દ્વારા ભજવવામાં આવેલી ભૂમિકા પ્રશંસનીય છે. @larsentoubro”

“હજીરા, ગુજરાતમાં L&T સંકુલની મુલાકાતની કેટલીક વધુ ઝલક અહીં પ્રસ્તુત છે.”

SM/NP/JD