പിഎം ഇന്ത്യ
പൊതുമേഖലാസംരംഭ വകുപ്പി(ഡി.പി.ഇ.)ന്റെ മാര്ഗനിര്ദേശപ്രകാരം ഫുഡ് കോര്പറേഷന് ഓഫ് ഇന്ത്യ (എഫ്.സി.ഐ.) ജീവനക്കാര്ക്ക് പെന്ഷനും വിരമിച്ചശേഷമുള്ള ചികില്സാപദ്ധതിയും നടപ്പാക്കുന്നതിനു പ്രധാനമന്ത്രി ശ്രീ. നരേന്ദ്ര മോദിയുടെ അധ്യക്ഷതയില് ചേര്ന്ന കേന്ദമന്ത്രിസഭാ യോഗം അംഗീകാരം നല്കി.
നിലവിലുള്ള സാഹചര്യത്തില് ഈ പദ്ധതികള് നടപ്പാക്കാന് ഒരു വര്ഷം 134.4 കോടി രൂപ ആവശ്യമായിവരും.
എഫ്.സി.ഐ. ജീവനക്കാര്ക്കുള്ളു പുതിയ പെന്ഷന് പദ്ധതിയുടെ സവിശേഷതകള്:
1. ആനുകൂല്യത്തിന് അര്ഹതപ്പെട്ടവര്: 1.12.2008നു ശമ്പളപ്പട്ടികയില് പെട്ടവരോ അതിനുശേഷം നിയമിതരാവയരോ ആയ എല്ലാ കോര്പറേഷന് ജീവനക്കാരും (I, II, III, IV വിഭാഗങ്ങളില് പെട്ടവര്).
2. യോഗ്യത: പിരിയുംമുമ്പ് കുറഞ്ഞത് 15 വര്ഷത്തെ സേവനം. മരണം സംഭവിച്ചവര്ക്ക് ഇതു ബാധകമായിരിക്കില്ല.
3. നടപ്പാക്കപ്പെടുന്ന തീയതി: 01.12.2008 (വേതനം പുതുക്കിയുള്ള ആനുകൂല്യത്തിനു പ്രാബല്യമുള്ള തീയതി പ്രകാരം)
4. തൊഴില്ദാതാവ് അടയ്ക്കേണ്ട തുക: 1.12.2008നു നിലവിലുള്ളതോ അതിനുശേഷം നിയമിതരാകുകയോ ചെയ്ത എല്ലാ ജീവനക്കാര്ക്കും അടിസ്ഥാന ശമ്പളത്തിന്റെയും ഡി.എയുടെയും 10 ശതമാനം
5. ജീവനക്കാരന് നിര്ബന്ധമായും നല്കിയിരിക്കേണ്ട തുക: അടിസ്ഥാനശമ്പളത്തിന്റെയും ഒരു മാസത്തെ ഡി.എയുടെയും 2 ശതമാനം. ജീവനക്കാരനു സ്വന്തം താല്പര്യത്തില് അടയ്ക്കാവുന്ന തുക: അടിസ്ഥാന ശമ്പളത്തിന്റെയും ഒരു മാസത്തെ ഡി.എയുടെയും 25 ശതമാനം വരെ.
6. നേട്ടങ്ങള്: വിരമിക്കുമ്പോള് നിശ്ചിത തുക വര്ഷാശന പെന്ഷന്, മരണം സംഭവിച്ചാല് സാമ്പത്തിക സഹായം.
വിരമിച്ച എഫ്.സി.ഐ. ജീവനക്കാര്ക്കുള്ള ചികില്സാപദ്ധതിയുടെ സവിശേഷതകള്
1. ആര്ക്കൊക്കെ അപേക്ഷിക്കാം: ജീവനക്കാര് പണം ലഭ്യമാക്കുന്ന വിരമിച്ചവര്ക്കായുള്ള ചികില്സാപദ്ധതിയില് അംഗങ്ങളായിട്ടുള്ള I, II, III, IV വിഭാഗങ്ങളില് പെട്ട എല്ലാ ജീവനക്കാരും വിരമിച്ച ജീവനക്കാരും.
2. യോഗ്യത: പിരിയുംമുമ്പ് കുറഞ്ഞത് 15 വര്ഷത്തെ സേവനം. മരണം സംഭവിച്ചവര്ക്ക് ഇതു ബാധകമായിരിക്കില്ല.
3. തൊഴില്ദാതാവ് അടയ്ക്കേണ്ട തുക: 01.04.2016 മുതല് പ്രാബല്യത്തിലുള്ള അടിസ്ഥാന ശമ്പളത്തിന്റെയും ഡി.എയുടെയും 3.83 ശതമാനം
4. ജീവനക്കാരന് അടയ്ക്കേണ്ട തുക: വിരമിക്കുന്ന സമയത്തോ വിരമിക്കുംമുമ്പ് മരിച്ചെങ്കില് അപ്പഴോ ലഭിച്ചിരുന്ന അടിസ്ഥാന ശമ്പളവും ഡി.എയും അഥവാ കുറഞ്ഞതു പതിനായിരം രൂപ.
5. ആനുകൂല്യം: വാര്ഷിക പരിധിക്കു വിധേയമായി വിരമിച്ച അംഗം, ജീവിതപങ്കാളി, ആശ്രയിച്ചുകഴിയുന്ന ഭിന്നശേഷിയുള്ള കുട്ടി എന്നിവര്ക്ക് ഇന്ത്യയിലെ ഏത് ആശുപത്രിയിലും ചികില്സ നേടുന്നതിനുള്ള ചെലവുകള്.
