പിഎം ഇന്ത്യ
പ്രധാനമന്ത്രി ശ്രീ നരേന്ദ്രമോദിയുടെ അദ്ധ്യക്ഷതയില് ചേര്ന്ന കേന്ദ്ര മന്ത്രിസഭായോഗം പുനരുപയോഗ ഊര്ജ്ജത്തിനായി 2360 കോടി രൂപയുടെ കടപത്രം പുറപ്പെടുവിക്കാന് നവീന -പുനരുപയോഗ ഊര്ജ്ജ മന്ത്രാലയത്തിന് അനുമതി നല്കി.
ഇന്ത്യന് പുനരുപയോഗ ഊര്ജ്ജ വികസന ഏജന്സിയിലൂടെയാണ് നവീന പുനരുപയോഗ ഊര്ജ്ജ മന്ത്രാലയം 2017-18ലേക്ക് കടപത്രം ഇറക്കുന്നത്. ഇതില് നിന്നും ലഭിക്കുന്ന ഫണ്ട് ഇന്ത്യന് പുനരുപയോഗ ഊര്ജ്ജ വികസന ഏജന്സി അംഗീകരിച്ച പദ്ധതികള്ക്കായി ചെലവഴിക്കും. സൗരോര്ജ്ജ പാര്ക്കുകള്, ഹരിതോര്ജ്ജ ഇടനാഴി, പവനോര്ജ്ജ ഉല്പ്പാദനത്തിന് ആനുകൂല്യം നല്കല്, സി.പി.എസ്.യു-പ്രതിരോധ സൗരോര്ജ്ജ പദ്ധതി, സൗരോര്ജ്ജ പദ്ധതികള്ക്കുള്ള വയബിലിറ്റി ഗ്യാപ് ഫണ്ട്, സൗരോര്ജ്ജ മേല്ക്കൂര, ഓഫ്-ഗ്രിഡ്/വൈദ്യുതി വിതരണ ശൃംഖല, പുനരുപയോഗ ഊര്ജ്ജത്തിന്റെ വികേന്ദ്രീകരണം, കോര്പ്പറേഷനുകള് സ്വതന്ത്രഭരണ സ്ഥാപനങ്ങള് എന്നിവയില് നിക്ഷേപം നടത്തുക തുടങ്ങിയ പദ്ധതികള്ക്കും പരിപാടികള്ക്കുമായാണ് ഇവ വിനിയോഗിക്കുന്നത്. പുനരുപയോഗ ഊര്ജ്ജമേഖലയിലുള്ള സമയോചിതമായ ഈ നിക്ഷേപം ആ മേഖലയിലെ അടിസ്ഥാനസൗകര്യങ്ങളില് വലിയ കുതിച്ചുചാട്ടമുണ്ടാക്കുകയും പുനരുപയോഗ ഊര്ജ്ജമേഖലയില് അഭിമാനകരമായ ലക്ഷ്യപ്രാപ്തിക്ക് വഴിവയ്ക്കുകയും ചെയ്യും. ഇത്തത്തില് ലഭ്യമാക്കുന്ന അധിക വിഭവം പുനരുപയോഗ ഊര്ജ്ജ മേഖലയില് കൂടുതല് ശേഷി വികസനത്തിന് വഴിവയ്ക്കുകയൂം അതിലൂടെ കൂടുതല് തൊഴിലവസരങ്ങള് സൃഷ്ടിക്കപ്പെടുകയും ചെയ്യും.
