പ്രധാനമന്ത്രി ശ്രീ നരേന്ദ്ര മോദി 2026 മാർച്ച് 3 രാവിലെ 11.15 ന് വീഡിയോ കോൺഫറൻസിങ് വഴി “സാമ്പത്തിക വളർച്ച സുസ്ഥിരമാക്കലും ശക്തിപ്പെടുത്തലും” എന്ന വിഷയത്തിൽ ബജറ്റാനന്തര വെബിനാറിനെ അഭിസംബോധന ചെയ്യും.
ഈ പ്രമേയത്തിനു കീഴിൽ വിവിധ മേഖലകളെ ഉൾപ്പെടുത്തി നാലു വ്യത്യസ്ത വെബിനാർ സെഷനുകൾ നടക്കും:
(i) നിർമാണവും വ്യാവസായിക നവീകരണവും തന്ത്രപ്രധാന മേഖലകളും;
(ii) സൂക്ഷ്മ-ചെറുകിട-ഇടത്തരം സംരംഭങ്ങളും ധനകാര്യവും വിപണിലഭ്യതയും;
(iii) നഗര സാമ്പത്തിക മേഖലകൾ;
(iv) അടിസ്ഥാനസൗകര്യവും ലോജിസ്റ്റിക്സും ചരക്കുനീക്കവും.
വ്യവസായതലം വിപുലീകരിക്കുന്നതിനും സാങ്കേതിക നേതൃത്വം ആഴത്തിലാക്കുന്നതിനും സുപ്രധാന മേഖലകളുടെ അടിത്തറ കരുത്തുറ്റതാക്കാനുമുള്ള, ഭാവി ലക്ഷ്യമിട്ടുള്ള പരിഷ്കരണ നടപടികളെ വെബിനാർ എടുത്തുകാട്ടും. ഈ മുൻഗണനകളെ ഫലപ്രദമായ പ്രവർത്തനങ്ങളാക്കി മാറ്റുന്നതിലായിരിക്കും ചർച്ചകൾ ശ്രദ്ധ കേന്ദ്രീകരിക്കുന്നത്. ഇതിനായി വ്യവസായ മേഖലയിലുള്ളവരുടെ അനുഭവസമ്പത്തിൽനിന്നുള്ള ഉൾക്കാഴ്ചകൾ പ്രയോജനപ്പെടുത്തുന്നതു പദ്ധതികൾ കൂടുതൽ ഫലപ്രദമായി നടപ്പാക്കാൻ സഹായിക്കും.
****
