പിഎം ഇന്ത്യ

ബഹുമാനപ്പെട്ട പ്രധാനമന്ത്രി ഫാം മിന്‍ ചിന്‍,

ഇരു രാജ്യങ്ങളിലെയും പ്രതിനിധികളേ,

മാധ്യമങ്ങളില്‍ നിന്നുള്ള ഞങ്ങളുടെ സുഹൃത്തുക്കളേ,

നമസ്‌കാരം!

ഷിന്‍ ചാവോ!

പ്രധാനമന്ത്രി ഫാം മിന്‍ ചിന്നിനെയും അദ്ദേഹത്തിന്റെ സംഘത്തെയും ഞാന്‍ സ്‌നേഹപൂര്‍വ്വം സ്വാഗതം ചെയ്യുന്നു.

ഒന്നാമതായി, എല്ലാ ഇന്ത്യക്കാരുടെയും പേരില്‍, ജനറല്‍ സെക്രട്ടറി നുയെന്‍ ഫു ട്രോങ്ങിന്റെ നിര്യാണത്തില്‍ ഞാന്‍ എന്റെ അഗാധമായ അനുശോചനം രേഖപ്പെടുത്തുന്നു.

അദ്ദേഹം ഇന്ത്യയുടെ നല്ല സുഹൃത്തായിരുന്നു. അദ്ദേഹത്തിന്റെ നേതൃത്വത്തിലും ഇന്ത്യവിയറ്റ്‌നാം ബന്ധങ്ങള്‍ക്ക് തന്ത്രപരമായ ദിശാബോധം ലഭിച്ചു.

സുഹൃത്തുക്കളേ,

കഴിഞ്ഞ ദശകത്തില്‍, നമ്മുടെ ബന്ധങ്ങളുടെ വ്യാപ്തി ഒരുപോലെ വികസിക്കുകയും ആഴത്തിലാവുകയും ചെയ്തു. 

കഴിഞ്ഞ 10 വര്‍ഷമായി, നാം നമ്മുടെ ബന്ധത്തെ സമഗ്രമായ തന്ത്രപരമായ പങ്കാളിത്തമാക്കി മാറ്റി.

നമ്മുടെ ഉഭയകക്ഷി വ്യാപാരം 85 ശതമാനത്തിലധികം വര്‍ദ്ധിച്ചു.

ഊര്‍ജം, സാങ്കേതികവിദ്യ, വികസന പങ്കാളിത്തം എന്നീ മേഖലകളില്‍ പരസ്പര സഹകരണം വിപുലീകരിച്ചു.

പ്രതിരോധ,സുരക്ഷാ മേഖലകളിലെ പരസ്പര സഹകരണത്തിന് പുതിയ ഗതിവേഗം കൈവന്നു

കഴിഞ്ഞ ദശകത്തില്‍, കണക്റ്റിവിറ്റി പല മടങ്ങ് വര്‍ദ്ധിച്ചു. ഇന്ന് ഞങ്ങള്‍ക്ക് 50ലധികം നേരിട്ടുള്ള വിമാനങ്ങള്‍ ഉണ്ട്.

ഇതോടൊപ്പം, ടൂറിസം തുടര്‍ച്ചയായി വര്‍ദ്ധിച്ചുകൊണ്ടിരിക്കുന്നു, കൂടാതെ ആളുകള്‍ക്ക് ഇ-വിസ സൗകര്യവും നല്‍കിയിട്ടുണ്ട്.

‘മൈ സണ്‍’ ലൈ പുരാതന ക്ഷേത്രങ്ങളുടെ പുനരുദ്ധാരണ പ്രവര്‍ത്തനങ്ങള്‍ വിജയകരമായി പൂര്‍ത്തിയാക്കി.

സുഹൃത്തുക്കളേ,

കഴിഞ്ഞ ദശകത്തിലെ നേട്ടങ്ങള്‍ നോക്കുമ്പോള്‍, ഇന്നത്തെ നമ്മുടെ ചര്‍ച്ചയില്‍ പരസ്പര സഹകരണത്തിന്റെ എല്ലാ മേഖലകളെക്കുറിച്ചും ഞങ്ങള്‍ സമഗ്രമായി ചര്‍ച്ച ചെയ്തു.

ഭാവി ആസൂത്രണം ചെയ്യുന്നതിനായി നിരവധി നടപടികള്‍ സ്വീകരിച്ചു.

 ‘വികസിത് ഭാരത് 2047’, വിയറ്റ്‌നാമിന്റെ ‘വിഷന്‍ 2045’ എന്നിവയിലൂടെ, രണ്ട് രാജ്യങ്ങളിലും വികസനം കുതിച്ചുയര്‍ന്നതായി ഞങ്ങള്‍ വിശ്വസിക്കുന്നു.

ഇത് പരസ്പര സഹകരണത്തിന്റെ നിരവധി പുതിയ മേഖലകള്‍ തുറക്കുന്നു.

അതിനാല്‍, ഞങ്ങളുടെ സമഗ്രമായ തന്ത്രപരമായ പങ്കാളിത്തം കൂടുതല്‍ ശക്തിപ്പെടുത്തുന്നതിന്, ഇന്ന് ഞങ്ങള്‍ ഒരു പുതിയ കര്‍മ്മ പദ്ധതി സ്വീകരിച്ചു.

പ്രതിരോധ, സുരക്ഷാ മേഖലകളിലെ സഹകരണത്തിന് പുതിയ നടപടികള്‍ സ്വീകരിച്ചു.

‘ഞാ ട്രാങ്ങില്‍’ നിര്‍മ്മിച്ച ആര്‍മി സോഫ്റ്റ്‌വെയര്‍ പാര്‍ക്ക് ഇന്ന് ഉദ്ഘാടനം ചെയ്തു.

300 മില്യണ്‍ ഡോളറിന്റെ ക്രെഡിറ്റ് ലൈന്‍ സംബന്ധിച്ച കരാര്‍ വിയറ്റ്‌നാമിന്റെ സമുദ്ര സുരക്ഷയെ ശക്തിപ്പെടുത്തും.

തീവ്രവാദം, സൈബര്‍ സുരക്ഷ തുടങ്ങിയ വിഷയങ്ങളില്‍ സഹകരണത്തിന് ഊന്നല്‍ നല്‍കാനും ഞങ്ങള്‍ തീരുമാനിച്ചിട്ടുണ്ട്.

പരസ്പര വ്യാപാരത്തിന്റെ സാധ്യതകള്‍ തിരിച്ചറിയുന്നതിന്, ആസിയാന്‍-ഇന്ത്യ വ്യാപാര കരാറിന്റെ അവലോകനം എത്രയും വേഗം അവസാനിപ്പിക്കണമെന്ന് ഞങ്ങള്‍ സമ്മതിക്കുന്നു.

ഡിജിറ്റല്‍ പേയ്‌മെന്റ് കണക്റ്റിവിറ്റിക്കായി ഞങ്ങളുടെ സെന്‍ട്രല്‍ ബാങ്കുകള്‍ തമ്മില്‍ ഒരു കരാറിലെത്തി.

ഹരിത സമ്പദ്‌വ്യവസ്ഥയുടെയും പുതിയ ഉയര്‍ന്നുവരുന്ന സാങ്കേതികവിദ്യയുടെയും മേഖലകളില്‍ ശ്രദ്ധ കേന്ദ്രീകരിക്കാന്‍ ഞങ്ങള്‍ തീരുമാനിച്ചു.

ഊര്‍ജ, തുറമുഖ വികസന മേഖലയില്‍ ഇരു രാജ്യങ്ങളുടെയും കഴിവുകള്‍ പരസ്പര പ്രയോജനത്തിനായി വിനിയോഗിക്കും.

ഇരു രാജ്യങ്ങളിലെയും സ്വകാര്യ മേഖല, ചെറുകിട ഇടത്തരം സംരംഭങ്ങള്‍, സ്റ്റാര്‍ട്ടപ്പുകള്‍ എന്നിവയെ ബന്ധിപ്പിക്കുന്നതിനുള്ള പ്രവര്‍ത്തനങ്ങളും നടത്തും

സുഹൃത്തുക്കളേ,

കൃഷിയും മത്സ്യബന്ധനവും ഇരു രാജ്യങ്ങളുടെയും സമ്പദ്‌വ്യവസ്ഥയുടെ പ്രധാന ഭാഗങ്ങളാണ്.

ഈ മേഖലകള്‍ ജനങ്ങളുടെ ഉപജീവനവും ഭക്ഷ്യസുരക്ഷയുമായി നേരിട്ട് ബന്ധപ്പെട്ടിരിക്കുന്നു.

ഈ മേഖലകളില്‍ ജെര്‍ംപ്ലാസം കൈമാറ്റവും സംയുക്ത ഗവേഷണവും പ്രോത്സാഹിപ്പിക്കുമെന്ന് ഞങ്ങള്‍ തീരുമാനിച്ചു.

നമ്മുടെ പരസ്പര സാംസ്‌കാരിക പൈതൃകം സംരക്ഷിക്കുന്നതിനായി, ലോക പൈതൃക സൈറ്റായ ‘മൈ സണ്‍’ എന്ന ‘ബ്ലോക്ക് എഫ്’ ക്ഷേത്രങ്ങളുടെ സംരക്ഷണത്തില്‍ ഇന്ത്യ സഹകരിക്കും.

നമുക്കെല്ലാവര്‍ക്കും അറിയാവുന്നതുപോലെ, ബുദ്ധമതം നമ്മുടെ പൊതു പൈതൃകമാണ്, അത് ഇരു രാജ്യങ്ങളിലെയും ജനങ്ങളെ ആത്മീയ തലത്തില്‍ ബന്ധിപ്പിച്ചിരിക്കുന്നു.

ഇന്ത്യയിലെ ബുദ്ധമത സര്‍ക്യൂട്ടിലേക്ക് ഞങ്ങള്‍ വിയറ്റ്‌നാമിലെ ജനങ്ങളെ ക്ഷണിക്കുന്നു.

ഒപ്പം വിയറ്റ്‌നാമിലെ യുവജനങ്ങളും നളന്ദ സര്‍വകലാശാലയുടെ പ്രയോജനം നേടണമെന്ന് ആഗ്രഹിക്കുന്നു.

സുഹൃത്തുക്കളേ,

ഞങ്ങളുടെ ആക്റ്റ് ഈസ്റ്റ് നയത്തിലും ഇന്തോ-പസഫിക് കാഴ്ചപ്പാടിലും വിയറ്റ്‌നാം ഒരു പ്രധാന പങ്കാളിയാണ്.

ഇന്തോ-പസഫിക് മേഖലയെ സംബന്ധിച്ച ഞങ്ങളുടെ വീക്ഷണങ്ങളില്‍ ഞങ്ങള്‍ ഐക്യം പങ്കിടുന്നു.

ഞങ്ങള്‍ പരിണാമത്തെ പിന്തുണയ്ക്കുന്നു, വിപുലീകരണത്തെയല്ല.

സ്വതന്ത്രവും തുറന്നതും നിയമാധിഷ്ഠിതവും സമൃദ്ധവുമായ ഇന്തോ-പസഫിക്കിനായി ഞങ്ങള്‍ ഞങ്ങളുടെ സഹകരണം തുടരും.

സിഡിആര്‍ഐയില്‍ ചേരാനുള്ള വിയറ്റ്‌നാമിന്റെ തീരുമാനത്തെ ഞങ്ങള്‍ സ്വാഗതം ചെയ്യുന്നു.

സുഹൃത്തുക്കളേ,

ഒരിക്കല്‍ കൂടി ഞാന്‍ പ്രധാനമന്ത്രി ഫാം മിന്‍ ചിന്നിനെ സ്വാഗതം ചെയ്യുന്നു.

നിങ്ങളുടെ സന്ദര്‍ശനം ഞങ്ങളുടെ ബന്ധങ്ങളില്‍ പുതിയതും സുവര്‍ണ്ണവുമായ ഒരു അധ്യായം ചേര്‍ക്കുന്നു.

വളരെ നന്ദി.

NS