पीएम्इंडिया

जम्मू आणि काश्मिरमधील अमरनाथ यात्रेकरुंवर झालेल्या हल्ल्याचा पंतप्रधान नरेंद्र मोदी यांनी तीव्र निषेध केला आहे. यासंदर्भात पंतप्रधानांनी जम्मू आणि काश्मिरचे राज्यपाल एन.एन. व्होरा आणि मुख्यमंत्री मेहबुबा मुफ्ती यांच्याशी संवाद साधला आणि शक्य ती सर्व मदत देण्याबद्दल आश्वस्त केले.

“अशा भ्याड आणि तिरस्कृत हल्ल्यांसमोर भारत कधीही झुकणार नाही.

जम्मू आणि काश्मिरमधील या हल्ल्यात आपल्या प्रियजनांना गमावणाऱ्यांप्रती मी संवेदना व्यक्त करतो. हे सर्व जखमी लवकरात लवकर बरे व्हावे अशी प्रार्थनाही मी करतो.

जम्मू आणि काश्मिरमध्ये शांतपणे मार्गक्रमण करणाऱ्या अमरनाथ यात्रेकरुंवर झालेला हा हल्ला अतिशय वेदनादायी आहे. या हल्ल्याचा सगळीकडून तीव्र निषेध अपेक्षित आहे.

मी यासंदर्भात जम्मू आणि काश्मिरचे राज्यपाल आणि मुख्यमंत्र्यांशी संवाद साधला असून त्यांना सर्वोत्तोपरी सहाय्य करण्याचे आश्वासन दिले आहे”, असे पंतप्रधानांनी म्हटले आहे.

B.Gokhale/M.Pange/Anagha