ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਹੇਠ ਕੇਂਦਰੀ ਮੰਤਰੀ ਮੰਡਲ ਨੂੰ ਰੇਲ ਦੇ ਖੇਤਰ ਵਿੱਚ ਵਿਗਿਆਨਕ ਅਤੇ ਤਕਨੀਕੀ ਸਹਿਯੋਗ ਨੂੰ ਮਜ਼ਬੂਤ ਕਰਨ ਅਤੇ ਵਧਾਉਣ ਲਈ ਖੋਜ ਡਿਜ਼ਾਈਨ ਅਤੇ ਮਿਆਰ ਸੰਗਠਨ (ਆਰਡੀਐੱਸਓ), ਭਾਰਤ ਅਤੇ ਕੋਰੀਆ ਰੇਲਰੋਡ ਰਿਸਰਚ ਇੰਸਟੀਟਿਊਟ (ਕੇਆਰਆਰਆਈ) ਦਰਮਿਆਨ ਸਹਿਯੋਗ ‘ਤੇ ਸਹਿਮਤੀ ਪੱਤਰ (ਐੱਮਓਯੂ) ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ। ਇਸ ਸਹਿਮਤੀ ਪੱਤਰ ‘ਤੇ 10 ਜੁਲਾਈ, 2018 ਨੂੰ ਹਸਤਾਖ਼ਰ ਕੀਤੇ ਗਏ ਸਨ।

ਪ੍ਰਭਾਵ:

ਇਹ ਐੱਮਓਯੂ ਭਾਰਤੀ ਰੇਲ ਲਈ ਕੋਰੀਆਈ ਰੇਲ ਨਾਲ ਮਿਲ ਕੇ ਰੇਲ ਖੇਤਰ ਵਿੱਚ ਨਵੀਨਤਮ ਪ੍ਰਗਤੀਆਂ ਅਤੇ ਗਿਆਨ ਸਾਂਝਾ ਕਰਨ ਅਤੇ ਪਰਪਰ ਸੰਵਾਦ ਦਾ ਇੱਕ ਮੰਚ ਉਪਲੱਬਧ ਕਰਵਾਏਗਾ। ਇਹ ਗਿਆਨ ਸਾਂਝਾ ਕਰਨ ਲਈ ਵਿਸ਼ੇਸ਼ ਟੈਕਨੋਲੋਜੀ ਖੇਤਰਾਂ ਅਤੇ ਹੋਰ ਪਰਸਪਰ ਸੰਵਾਦਾਂ ‘ਤੇ ਧਿਆਨ ਕੇਂਦਿਰਤ ਕਰਦੇ ਹੋਏ ਤਕਨੀਕੀ ਮਾਹਰਾਂ,  ਰਿਪੋਰਟਾਂ ਅਤੇ ਤਕਨੀਕੀ ਦਸਤਾਵੇਜ਼ਾਂ ਦੇ ਵਟਾਂਦਰੇ, ਸਿਖਲਾਈ ਅਤੇ ਸੈਮੀਨਾਰਾਂ ਅਤੇ ਕਾਰਜਸ਼ਾਲਾਵਾਂ ਦੇ ਆਦਾਨ-ਪ੍ਰਦਾਨ ਨੂੰ ਸੌਖਾਲਾ ਬਣਾਏਗਾ।

ਵਰਨਣ:

ਇਹ ਸਹਿਮਤੀ ਪੱਤਰ ਹੇਠ ਲਿਖੇ ਪ੍ਰਮੁੱਖ ਖੇਤਰਾਂ ਵਿੱਚ ਧਿਆਨ ਕੇਂਦ੍ਰਿਤ ਦ੍ਰਿਸ਼ਟੀਕੋਣ ਲਈ ਸਹਿਯੋਗ ਦੀ ਇੱਕ ਰੂਪ-ਰੇਖਾ ਉਪਲੱਬਧ ਕਰਾਏਗਾ:- 

1. ਆਪਸੀ ਹਿਤਾਂ ਲਈ ਸੰਯੁਕਤ ਖੋਜ ਦੀ ਯੋਜਨਾ ਅਤੇ ਤਾਮੀਲ;
2. ਭਾਰਤ ਵਿੱਚ ਨਵੀਨਤਮ ਰੇਲ ਖੋਜ ਅਤੇ ਵਿਕਾਸ ਸੁਵਿਧਾਵਾਂ ਦੀ ਸਥਾਪਨਾ ਵਿੱਚ ਸਹਿਯੋਗ;
3. ਤਕਨੀਕੀ ਗੋਸ਼ਠੀ ਅਤੇ ਫੋਰਮ ਦੀ ਯੋਜਨਾ ਅਤੇ ਤਾਮੀਲ;
4. ਕੇਆਰਆਰਆਈ ਰਾਹੀਂ ਆਰਡੀਐੱਸਓ ਕਰਮਚਾਰੀਆਂ ਲਈ ਥੋੜ੍ਹੇ ਚਿਰ ਦਾ ਸਿਖਲਾਈ ਪ੍ਰੋਗਰਾਮ;
5. ਵਿਸ਼ੇਸ਼ ਪ੍ਰੋਜੈਕਟਾਂ ਲਈ ਸੀਮਤ ਸਮੇਂ ਲਈ ਕੇਆਰਆਰਆਈ ਅਤੇ ਆਰਡੀਐੱਸਓ ਦਰਮਿਆਨ ਪ੍ਰਸੋਨਲ ਦਾ ਐਕਸਚੇਂਜ ਪ੍ਰੋਗਰਾਮ;
6. ਦੋਵਾਂ ਦੇਸ਼ਾਂ ਦੇ ਰੇਲ ਉਦਯੋਗ ਦੇ ਵਿਕਾਸ ਲਈ ਸਲਾਹ; ਅਤੇ
7. ਸਹਿਯੋਗ ਗਤੀਵਿਧੀਆਂ ਦਾ ਕੋਈ ਦੂਜਾ ਰੂਪ ਜਿਸ ‘ਤੇ ਦੋਵਾਂ ਪੱਖਾਂ ਵੱਲੋਂ ਸਹਿਮਤੀ ਹੋਵੇ।

*******

ਏਕੇਟੀ/ਐੱਸਐੱਨਸੀ