பிரதமர் திரு நரேந்திர மோடி, நாளை (2026 நவம்பர் 21) மேற்கு வங்கம், உத்தரப் பிரதேசம் ஆகிய மாநிலங்களுக்குப் பயணம் மேற்கொள்ள உள்ளார்.
காலை சுமார் 9.45 மணிக்கு, மேற்கு வங்கத்தின் கரக்பூர் ஐஐடி-யின் பவள விழாக் கொண்டாட்டத்தில் பிரதமர் பங்கேற்கிறார்.
இதனைத் தொடர்ந்து, பீகார் மாநிலம் வைஷாலிக்குச் செல்லும் பிரதமர், அங்கு பல்வேறு வளர்ச்சித் திட்டங்களுக்கு அடிக்கல் நாட்டுவதுடன், நிறைவடைந்த திட்டங்களைத் தொடங்கி வைக்கிறார்.
அதன்பிறகு உத்தரப் பிரதேச மாநிலத்திற்குச் செல்லும் அவர்,
மாலை சுமார் 5.30 மணிக்கு, லக்னோவின் கோமதி நகரில் உள்ள இந்திரா காந்தி பிரதிஷ்டானில் நடைபெறும் 5-வது திறன் மேம்பாட்டுப் பட்டமளிப்பு விழாவில் பிரதமர் பங்கேற்கிறார்.
கரக்பூரில் பிரதமர்:
ஐஐடி கரக்பூரின் பவள விழாக் கொண்டாட்டத்தில் பிரதமர் பங்கேற்கிறார். இந்த நிகழ்ச்சியின்போது, அந்தக் கல்வி நிறுவனத்தின் 75 ஆண்டுகாலப் பயணத்தைக் குறிக்கும் வகையில், அங்கு பயிலும் 75 மாணவர்களுடன் பிரதமர் கலந்துரையாட உள்ளார்.
1951-ம் ஆண்டு தொடங்கப்பட்ட கரக்பூர் ஐஐடி, இந்தியாவில் தொடங்கப்பட்ட முதல் ஐஐடி ஆகும்.
தேசிய முக்கியத்துவம் வாய்ந்த கல்வி நிறுவனமாக அங்கீகரிக்கப்பட்டுள்ள இது, இந்தியாவில் தொழில்நுட்பக் கல்வி, ஆராய்ச்சி, புதிய கண்டுபிடிப்புகள் ஆகியவற்றின் வளர்ச்சியில் முன்னோடிப் பங்காற்றி வருகிறது.
லக்னோவில் பிரதமர்:
லக்னோவில் நடைபெறவுள்ள 5-வது திறன் மேம்பாட்டுப் பட்டமளிப்பு விழாவில் பிரதமர் பங்கேற்கிறார்.
2021-22 கல்வியாண்டில் தொடங்கப்பட்ட இந்த விழா, திறன் மேம்பாட்டுத் துறையில் சிறந்து விளங்குபவர்களை அங்கீகரிக்கும் தேசிய அளவிலான வருடாந்திர நிகழ்ச்சியாக நடைபெறுகிறது.
திறன் பயிற்சி பெற்ற இளைஞர்கள், தங்களது பயிற்சியை நிறைவு செய்து வேலைவாய்ப்பு உலகிற்குள் அடியெடுத்து வைப்பதைக் கொண்டாடும் நிகழ்வாக இது அமைந்துள்ளது. திறன் மேம்பாட்டுப் பயிற்சியில் அகில இந்திய அளவில் முதலிடம் பெற்றவர்கள், சாதனையாளர்கள் ஆகியோர் இந்த விழாவில் பாராட்டப்படுகின்றனர்.
இதன் மூலம் தொழிற்கல்வி, திறன் சார்ந்த வேலைவாய்ப்புகள் ஆகியவற்றின் மீது இளைஞர்களிடையே ஆர்வம் அதிகரிக்கிறது. உயர்ந்த இலக்குகளை அடைய வேண்டும் என்ற ஆர்வம் வளர்க்கப்படுகிறது.
இந்த ஆண்டு, தொழிற்பயிற்சி நிலையங்கள், தேசிய திறன் பயிற்சி நிறுவனங்கள், பயிற்றுநர்களுக்கான பயிற்சி நிறுவனங்கள் ஆகியவற்றில் பயின்று தேசிய அளவில் சிறப்பிடம் பெற்ற 52 மாணவர்கள், தங்களது சிறப்பான சாதனைகளுக்காக இந்த விழாவில் பாராட்டி கௌரவிக்கப்பட உள்ளனர்.
***
(Release ID : 2339069)
TV/PLM/SH