పిఎంఇండియా

కేరళ పేరును కేరళంగా మార్చడం పట్ల కృతజ్ఞతలు తెలుపుతూ ప్రముఖ మలయాళీ సాహితీవేత్తల బృందం ఈ రోజు ప్రధానమంత్రిని కలిసింది.

ప్రముఖ మలయాళ సాహితీవేత్తలను కలవడం తనకెంతో సంతోషాన్నిచ్చిందనీ, వారితో చర్చలు అత్యంత జ్ఞానదాయకంగా సాగాయనీ ప్రధానమంత్రి పేర్కొన్నారు. అంతేకాకుండా కేరళం రాష్ట్రం పట్ల, మలయాళ భాష పట్ల వారి మమకారానికీ, అంకితభావానికీ ఈ సమావేశం అద్దం పట్టిందంటూ కొనియాడారు.

సామాజిక మాధ్యమం ‘ఎక్స్’లో ప్రధానమంత్రి ఇలా పేర్కొన్నారు:

‘‘కేరళ పేరును కేరళంగా మార్చడం పట్ల కృతజ్ఞతలు తెలిపేందుకు వచ్చిన ప్రముఖ మలయాళ సాహితీవేత్తల బృందానికి స్వాగతం పలకడం సంతోషాన్నిస్తోంది. వారితో చర్చలు అత్యంత జ్ఞానదాయకంగా సాగాయి. కేరళం రాష్ట్రం పట్ల, మలయాళ భాష పట్ల వారి మమకారానికి, అంకితభావానికి ఈ సమావేశం అద్దం పట్టింది.  

***