పిఎంఇండియా

పరిపాలనకు సంబంధించిన వేరు వేరు రంగాలలో తీసుకురాదగిన మార్పులపై సూచనలు, సలహాలతో ముందుకు రావాలని కార్యదర్శులకు ప్రధాన మంత్రి ఇచ్చిన పిలుపునకు అనుగుణంగా, ఈ రోజు (2016 జనవరి 20న) కార్యదర్శుల బృందాలు రెండు తమ ఆలోచనలను ప్రధాని శ్రీ నరేంద్ర మోదీకి సమర్పించాయి. వారి ఆలోచనలు (i) సుపరిపాలన: సవాళ్లు-అవకాశాలు, (ii) వ్యవసాయం మరియు సంబంధిత రంగాలలో రైతు ప్రధానమైన అంశాలకు సంబంధించినవి.

ఈ కార్యక్రమంలో కేంద్ర మంత్రులు శ్రీ రాజ్ నాథ్ సింగ్, శ్రీమతి సుష్మ స్వరాజ్, శ్రీ నితిన్ గడ్కరీ, శ్రీ మనోహర్ పార్రీకర్ లతో పాటు భారత ప్రభుత్వ కార్యదర్శులు పాల్గొన్నారు. కార్యదర్శుల బృందాలు ప్రధాని సమక్షంలో ప్రెజెంటేషన్ ఇస్తుండగానూ, ఆ ప్రెజెంటేషన్ ముగిసిన తరువాత సభికులలో పలువురు ప్రజెంటేషన్ ఇతివృత్తాల‌కు సంబంధించి ప్రశ్నలు అడగడమే కాకుండా ఆయా అంశాలపై తమ సూచనలను కూడా వ్యక్తం చేశారు.