భారత్‌లో మెట్రో రైలు వ్యవస్థ గణనీయంగా విస్తరించిందని ప్రధానమంత్రి శ్రీ నరేంద్ర మోదీ పేర్కొన్నారు. 2014లో దేశంలో కేవలం అయిదు నగరాల్లో 248 కిలోమీటర్ల మేర మాత్రమే మెట్రో మార్గాలు ఉండగా.. ప్రస్తుతం 26 నగరాల్లో దాదాపు 1,200 కిలోమీటర్లకు విస్తరించాయని ప్రధాని తెలిపారు.
ప్రతిరోజూ కోటి మందికి పైగా ప్రజలు మెట్రో రైళ్లలో ప్రయాణిస్తున్నారని శ్రీ మోదీ పేర్కొన్నారు. ఈ విస్తరణ వల్ల ట్రాఫిక్‌లో గడిపే సమయం తగ్గడం, కుటుంబంతో ఎక్కువ సమయం గడిపే అవకాశం లభించడం, ఉత్పాదకత పెరగడం, మెరుగైన అవకాశాలు అందుబాటులోకి రావడం సాధ్యమవుతుందని అన్నారు.
పట్టణ భారతదేశం కోసం ప్రభుత్వం తీసుకురావాలనుకుంటున్న మార్పు ఇదేనని శ్రీ మోదీ పేర్కొన్నారు.
సామాజిక మాధ్యమం ఎక్స్ వేదికగా ప్రధానమంత్రి ఈ విధంగా పేర్కొన్నారు.
‘‘నేను మిమ్మల్ని ఒకటి అడుగుతాను..
2014కు ముందు ఉన్న వేగంతోనే దేశంలో మెట్రో వ్యవస్థ విస్తరణ కొనసాగి ఉంటే, పుణె వంటి నగరాల్లో మెట్రో రైలు అందుబాటులోకి రావడానికి ఇంకా ఎంతకాలం వేచి ఉండాల్సి వచ్చేది?
సంవత్సరాలా… కాదు… బహుశా దశాబ్దాలే పట్టేవి.
అది ఏమాత్రం ఆమోదయోగ్యం కాదు.
2014లో దేశంలోని అయిదు నగరాల్లో కేవలం 248 కిలోమీటర్ల మేర మాత్రమే మెట్రో మార్గాలు ఉండేవి.
నేడు 26 నగరాల్లో దాదాపు 1,200 కిలోమీటర్ల మేర మెట్రో వ్యవస్థ అందుబాటులో ఉంది.
ప్రతిరోజూ కోటి మందికి పైగా ప్రజలు మెట్రో రైళ్లలో ప్రయాణిస్తున్నారు.
ట్రాఫిక్‌లో తక్కువ సమయం గడపడం, కుటుంబంతో ఎక్కువ సమయం గడపడం, ఉత్పాదకత పెరగడం, మెరుగైన అవకాశాలు లభించడం వంటివి దీని ఫలితాలు.
దీని ప్రభావం కేవలం గణాంకాలు, సంఖ్యలకే పరిమితం కాదు’’
Let me ask you… If India’s Metro network had continued expanding at the pace it did before 2014, how long would the wait be for cities like Pune to have a metro? YEARS….no…DECADES perhaps. And that was UNACCEPTABLE. In 2014, India had just 248 km of Metro lines across 5 cities. Today, we have nearly 1,200 km across 26 cities. Over 1 crore people travel by Metro every day. The impact goes beyond statistics or numbers. It means less time in traffic, more family time, greater productivity and better opportunities. This is the transformation we are working towards for urban India!
— Narendra Modi (@narendramodi) November 5, 2026
