پی ایم انڈیا

وزیر اعظم جناب نریندر مودی نے آج یروشلم میں  کنیسٹ کے خصوصی اجلاس سے خطاب کیا۔ وہ اسرائیلی پارلیمنٹ سے خطاب کرنے والے ہندوستان کے پہلے وزیر اعظم ہیں۔

 کنیسٹ پہنچنے پر وزیر اعظم کا استقبال  کنیسٹ  کے اسپیکر  عالی جناب امیر اوہانہ  نے کیا۔ اسرائیل کے وزیر اعظم  عالی جنا ب  بنجامن نیتن یاہو، قائد حزب اختلاف عالی جناب  یائر لیپڈ اور اسپیکر اوہانہ نے وزیر اعظم کے خطاب سے پہلے پلینری میں بات کی اور  ہندوستان اسرائیل تعلقات کے لیے مضبوط دو طرفہ حمایت کا اظہار کیا۔

وزیر اعظم نے اپنے خطاب کا آغاز خصوصی اعزاز پرا سپیکر کا شکریہ ادا کرتے ہوئے کیا۔ ہندوستان اور اسرائیل کے درمیان دوستی کے مضبوط رشتوں کو اجاگر کرتے ہوئے وزیر اعظم نے نوٹ کیا کہ دونوں لوگ قدیم تہذیبی تعلقات اور ٹیکنالوجی، اختراع، دفاع، سکیورٹی اور اسٹریٹجک کنورجنز پر مبنی ایک مضبوط عصری شراکت داری کا اشتراک کرتے ہیں۔ انہوں نے کہا کہ زراعت، دیہی ترقیات، پانی کے انتظام، پائیداری اور انٹرپرائز میں تعاون پر مبنی عوام سے عوام کے تعلقات نے ایک متحرک نقطہ نظر فراہم کیا ہے۔ دونوں ممالک کے درمیان تاریخی رابطوں اور لوگوں کی دو طرفہ نقل و حرکت پر روشنی ڈالتے ہوئے وزیر اعظم نے کہا کہ اسرائیل میں ہندوستانی برادری اور ہندوستان میں یہودی آباد کاروں نے دونوں ممالک کی ترقی میں اہم کردار ادا کیا ہے۔

دونوں ممالک کی دہشت گردی کے لیے زیرو ٹالرنس کی غیر سمجھوتہ پالیسی کو یاد کرتے ہوئے وزیر اعظم نے 7 اکتوبر کے دہشت گردانہ حملے پر تعزیت کی اور کہا کہ اس طرح کی بربریت کا کوئی جواز نہیں ہو سکتا۔ انہوں نے خطے میں پائیدار امن اور استحکام میں معاونت کرنے والی تمام کوششوں کے لیے ہندوستان کی حمایت کی پیشکش کی۔ اس تناظر میں، انہوں نے اقوام متحدہ کی سلامتی کونسل کی طرف سے توثیق شدہ غزہ امن اقدام کے لیے ہندوستان کی مضبوط حمایت کو اجاگر کیا۔ کثیر جہتی میدان میں ہندوستان اور اسرائیل کے درمیان جاری تعاون کو نوٹ کرتے ہوئے انہوں نے ہندوستان-مشرق وسطی-یوروپ اقتصادی راہداری (آئی ایم ای سی ) اور I2یو2 فریم ورک میں دونوں ممالک کے درمیان گہری بات چیت پر زور دیا۔

وزیر اعظم نے ہندوستان کی ترقی کی کہانی پر روشنی ڈالی اور نوجوانوں کی اختراع اور تخلیقی صلاحیتوں کو اجاگر کرتے ہوئے تجارت، سرمایہ کاری، بنیادی ڈھانچے کی ترقی، سبز ترقی، اسٹارٹ اپس، ڈجیٹل حل اور ابھرتی ہوئی ٹیکنالوجی کے شعبوں میں دوطرفہ تعاون کی کوشش کی۔ دوطرفہ سرمایہ کاری کے معاہدے کے اختتام پر اطمینان کا اظہار کرتے ہوئے انہوں نے غیر استعمال شدہ تجارتی صلاحیت کو محسوس کرنے کے لیے ایک پرجوش آزاد تجارتی معاہدے کو جلد حتمی شکل دینے پر زور دیا۔

وزیر اعظم نے ہندوستان میں اسرائیل کے لیے حال ہی میں قائم کردہ پارلیمانی فرینڈشپ گروپ سے فائدہ اٹھاتے ہوئے دو متحرک جمہوریتوں کے درمیان زیادہ پارلیمانی بات چیت پر زور دیا۔ دو تہذیبوں کی اخلاقیات کے درمیان مماثلتیں واضح کرتے ہوئے وزیر اعظم نے نوٹ کیا کہ ہندوستان کا فلسفہ وسودیو کٹمبکم (دنیا ایک خاندان ہے) اور ٹکم اولم (دنیا کو شفا دینا) کا اسرائیلی اصول ایک ہم آہنگ معاشرے کی طرف مشترکہ نقطہ نظر کی بات کرتا ہے۔ وزیر اعظم نے کنیسٹ کے ممبران کا ہندوستان-اسرائیل تعلقات میں تعاون کے لیے شکریہ ادا کیا اور آنے والے پوریم کے تہوار کے لیے نیک خواہشات کا اظہار کیا۔

ان کے خطاب کے بعد وزیر اعظم کو کنیسٹ کے اسپیکر  عالی جناب امیر اوہانہ  نے‘میڈل آف دی کنیسٹ’ سے نوازا۔ وزیر اعظم نے یہ اعزاز ہندوستان اور اسرائیل کے درمیان پائیدار دوستی کے نام وقف کیا۔

*****

ش ح – ظ الف – ع د

UR No. 3065