പിഎം ഇന്ത്യ

ഖത്തർ മുൻ ഭരണാധികാരി ഷെയ്ഖ് ഹമദ് ബിൻ ഖലീഫ അൽ ഥാനിയുടെ നിര്യാണത്തിൽ പ്രധാനമന്ത്രി ശ്രീ നരേന്ദ്ര മോദി അ‌ഗാധമായ ദുഃഖം രേഖപ്പെടുത്തി.

വലിയ തോതിലുള്ള വികസനത്തിലേക്കും സമൃദ്ധിയിലേക്കും ഖത്തറിനെ നയിച്ച ദീർഘവീക്ഷണമുള്ള നേതാവായി പ്രധാനമന്ത്രി അദ്ദേഹത്തെ വിശേഷപ്പിച്ചു. 2024 ഫെബ്രുവരിയിൽ ഖത്തർ സന്ദർശിച്ച വേളയിൽ നേരിൽ കാണാൻ സാധിച്ച യഥാർഥ സുഹൃത്തെന്ന നിലയിൽകൂടിയാണു ശ്രീ മോദി അദ്ദേഹത്തെ അനുസ്മരിച്ചത്.

ഖത്തർ ഭരണാധികാരി ഷെയ്ഖ് തമീം ബിൻ ഹമദ് അൽ ഥാനിയോടും രാജകുടുംബത്തോടും ഖത്തറിലെ ജനങ്ങളോടും പ്രധാനമന്ത്രി ആത്മാർഥമായ അനുശോചനം അറിയിച്ചു.

പ്രധാനമന്ത്രി എക്സിൽ കുറിച്ചതിങ്ങനെ:

“ഖത്തർ മുൻ ഭരണാധികാരി ഷെയ്ഖ് ഹമദ് ബിൻ ഖലീഫ അൽ ഥാനിയുടെ നിര്യാണത്തിൽ ഞങ്ങൾ അ‌ഗാധമായി അനുശോചിക്കുന്നു. വലിയ തോതിലുള്ള വികസനത്തിലേക്കും സമൃദ്ധിയിലേക്കും ഖത്തറിനെ നയിച്ച ദീർഘവീക്ഷണമുള്ള നേതാവായിരുന്നു അദ്ദേഹം. 2024 ഫെബ്രുവരിയിൽ എന്റെ കഴിഞ്ഞ ഖത്തർ സന്ദർശനവേളയിൽ നേരിൽ കാണാൻ സാധിച്ച യഥാർഥ സുഹൃത്തായിക്കൂടി ഞങ്ങൾ അദ്ദേഹത്തെ അനുസ്മരിക്കുന്നു. ഖത്തർ ഭരണാധികാരി ഷെയ്ഖ് തമീം ബിൻ ഹമദ് അൽ ഥാനിയോടും രാജകുടുംബത്തോടും ഖത്തറിലെ ജനങ്ങളോടും ഞാൻ എന്റെ ആത്മാർഥമായ അനുശോചനം അറിയിക്കുന്നു. പരേതന്റെ ആത്മാവിനു ശാന്തി നേരുന്നു.

@TamimBinHamad”

We deeply mourn the passing of Father Amir of State of Qatar, HH Sheikh Hamad bin Khalifa Al Thani. A visionary leader who led Qatar to great levels of development and prosperity, we remember him also as a true friend whom I had the honour of meeting during my last visit to Qatar…

— Narendra Modi (@narendramodi) July 12, 2026

نشعر بحزن عميق لوفاة الأمير الوالد لدولة قطر، صاحب السمو الشيخ حمد بن خليفة آل ثاني.
​لقد كان قائداً صاحب رؤية، قاد قطر إلى مستويات عظيمة من التطور والازدهار. ونتذكره أيضاً كصديق حقيقي تشرفت بلقائه خلال زيارتي الأخيرة لقطر في فبراير 2024.
​أقدم خالص التعازي لأمير قطر، صاحب السمو…

— Narendra Modi (@narendramodi) July 12, 2026

-NK-