பி.எம்.இந்தியா

 பிரதமர் திரு. நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில், அறிவியல், தொழில்நுட்பத் துறையில் ஒத்துழைப்புக்கு இந்தியா, கனடா இடையே புரிந்துணர்வு ஒப்பந்தத்துக்கு (MoU) ஒப்புதல் அளிக்கப்பட்டது. இந்தியா மற்றும் கனடாவில் உள்ள கல்வி நிலையங்கள் மற்றும் ஆராய்ச்சி & மேம்பாட்டு நிறுவனங்களுக்கு இடையே அறிவியல் ஒத்துழைப்பை மேம்படுத்த உதவும் வகையிலும், அதற்கான நடைமுறைகளை உருவாக்கும் வகையிலும் இந்த ஒப்பந்தம் இருக்கும்.

சிறப்பம்சங்கள் :

 அறிவியல் மற்றும் தொழில்நுட்பத் துறைக்கும், கனடாவின் இயற்கை அறிவியல் மற்றும் பொறியியல் ஆராய்ச்சிக் கவுன்சிலுக்கும் (NSERC) இடையில் ஏற்பட்டுள்ள புரிந்துணர்வு ஒப்பந்தத்தின்படி, இந்தியா மற்றும் கனடா இடையில் ஆராய்ச்சி & மேம்பாடு விஷயத்தில் ஒத்துழைப்பு புதுமையான  முன்மாதிரியான  திட்டம் ஏற்படுத்தப்படும்.

• இந்தியா- கனடா பல்நோக்கு ஆராய்ச்சி பங்களிப்புகளை ஊக்குவிப்பதற்கு இந்த ஒப்பந்தத்தின் கீழ் சமூக மாற்றம் மற்றும் நிலைத்தன்மையை துரிதப்படுத்துவதற்கான புதுமையானபலதுறை கூட்டாண்மைக்கான இந்திய-கனடா மையம் ( India-Canada Centre for Innovative Multidisciplinary Partnership to Accelerate Community Transformation and Sustainability) (IC-IMPACTS) திட்டத்துக்கு ஆதரவு அளிக்கப்படும்.
• ஆராய்ச்சி & மேம்பாட்டு திட்டங்கள் அறிவியல் மற்றும் தொழில்நுட்ப செயல்பாடு மூலம் தீர்வுகள் அளித்து சமூகத்தில் மாற்றம் ஏற்படுத்துவதை துரிதமாக்குவதை நோக்கமாகக் கொண்டவையாக இருக்கும்.
• இந்தியா மற்றும் கனடாவை சேர்ந்த அறிவியல் நிறுவனங்கள், கல்வியாளர்கள் மற்றும் R & D ஆய்வகங்களில் இருந்து பங்கேற்பாளர்கள் இடம் பெறுவார்கள்.
• பாதுகாப்பான மற்றும் நீடித்து செயல்படக் கூடிய கட்டமைப்பு மற்றும் ஒருங்கிணைந்த நீர் மேலாண்மை உள்ளிட்ட துறைகளில் பரஸ்பர ஒத்துழைப்புகள் மேற்கொள்வது என அடையாளம் காணப்பட்டுள்ளது.
• இந்தியா மற்றும் கனடாவை சேர்ந்த நிறுவனங்கள் இடையில் தொடர்புகளை மேம்படுத்தவும், அறிவியல் நிறுவனங்கள், விஞ்ஞானிகள் மற்றும் நிபுணர்களுக்கு இடையில் தொடர்புகள் உருவாக்கப்படுவதற்கும் இது உதவிகரமாக இருக்கும்.

 பின்னணி :

இந்தியா மற்றும் கனடா இடையே நவம்பர் 2005ல் ஏற்பட்ட அறிவியல் தொழில்நுட்ப ஒத்துழைப்பு குறித்த அரசுகள் இடையிலான ஒப்பந்தத்தைத் தொடர்ந்து இந்தப் புரிந்துணர்வு ஒப்பந்தம் செய்யப்பட்டது.

******